West bengal Election 2026: ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ଦ୍ୱିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କଲା ବିଜେପି। ବରିଷ୍ଠ ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ଭାଇ ଦିବେନ୍ଦୁ ଅଧିକାରୀଙ୍କୁ ବି ମିଳିଲା ଟିକେଟ୍, ସେ କେଉଁଠୁ ଲଢିବେ ?
Published By: abinash – Prameya-News7 Bureau | March 19, 2026 06:14 PM
NEWS7
କୋଲକାତା: ଆଗାମୀ ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ଭାରତୀୟ ଜନତା ପାର୍ଟି ଗୁରୁବାର ଦ୍ୱିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି। ଏଥିରେ ୧୧୧ ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି। ଯେଉଁଥିରେ ପ୍ରମୁଖ ନେତା, ଦଳ ପରିବର୍ତ୍ତନକାରୀ ନେତା ଏବଂ କିଛି ନୂଆ ମୁହଁ ସାମିଲ ଅଛି।
ପ୍ରମୁଖ ନାଁଗୁଡ଼ିକ ମଧ୍ୟରେ, ଆଇପିଏସ୍ ଅଧିକାରୀ ରାଜେଶ କୁମାରଙ୍କୁ ଜଗତଦଲରୁ ପ୍ରାର୍ଥୀ କରାଯାଇଛି। କୌସ୍ତଭ ବାଗଚି ବାରାକପୁର, ଅଭିନେତାରୁ ରାଜନେତା ହୋଇଥିବା ରୂପା ଗାଙ୍ଗୁଲି ସୋନାରପୁର ଦକ୍ଷିଣରୁ ଏବଂ ପୂର୍ବତନ ତୃଣମୂଳ କଂଗ୍ରେସ ନେତା ତାପସ ରାୟ ମାଣିକତାଲାରୁ ନିର୍ବାଚନ ଲଢ଼ିବେ।
ଅଭିନେତ୍ରୀ ପାପିୟା ଅଧିକାରୀଙ୍କୁ ଟଲିଗଞ୍ଜରୁ ଟିକେଟ୍ ଦିଆଯାଇଥିବା ବେଳେ ପ୍ରିୟଙ୍କା ଟିବ୍ରେୱାଲ ଏଣ୍ଟାଲିରୁ ନିର୍ବାଚନ ଲଢ଼ିବେ। ବରିଷ୍ଠ ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ଭାଇ ଦିବେନ୍ଦୁ ଅଧିକାରୀଙ୍କୁ ଏଗ୍ରାରୁ ପ୍ରାର୍ଥୀ କରାଯାଇଛି।
