ଟେଲି ଇଣ୍ଡଷ୍ଟ୍ରି ଛାଡି ଗୁମ୍ଫାରେ ରହୁଛନ୍ତି ଅଭିନେତ୍ରୀ ନୁପୁର, ଭିକ୍ଷା ମାଗି କରୁଛନ୍ତି ଜୀବନଯାପନ

ନୂଆଦିଲ୍ଲୀ ୦୬।୧୧; ଭାରତୀୟ ଟେଲିଭିଜନର ଜଣେ ପରିଚିତ ଚେହେରା ନୁପୁର ଅଳଙ୍କାର। ସେ ଏବେ ଆଧ୍ୟାତ୍ମିକ ପଥ ଗ୍ରହଣ କରିଛନ୍ତି। ସେ ତାଙ୍କର ଅଭିନୟ କ୍ୟାରିଅର, ବିବାହ ଏବଂ ସାଂସାରିକ ଜୀବନକୁ ପଛରେ ପକାଇ ଦେଇଛନ୍ତି। ବର୍ତ୍ତମାନ ହିମାଳୟରେ ପିତମ୍ବ୍ରା ମା’ ଭାବରେ ଗୁମ୍ଫାରେ ରହୁଛନ୍ତି। ସେ ଦାନ ଏବଂ ଧ୍ୟାନରେ ବଞ୍ଚି ରହିଛନ୍ତି। ଏହି ପରିବର୍ତ୍ତନ ବ୍ୟକ୍ତିଗତ ଦୁଃଖ ଏବଂ ଆର୍ଥିକ ବିପର୍ଯ୍ୟୟ ପରେ ତାଙ୍କ ଜୀବନରେ ଆସିଛି। 
ବହୁ ବର୍ଷ ଧରି, ନୁପୁର ଅଳଙ୍କାର ଭାରତୀୟ ଟେଲିଭିଜନରେ ଏକ ପରିଚିତ ଚେହେରା ଥିଲେ। ସେ ୧୫୦ ରୁ ଅଧିକ ହିଟ୍ ସିରିଏଲରେ ଅଭିନୟ କରିଥିଲେ ଏବଂ ତାଙ୍କର ନିଖୁଣ ଅଭିନୟ ମାଧ୍ୟମରେ ଘରେ ଘରେ ପରିଚିତ ହୋଇଥିଲେ। ଅଭିନେତ୍ରୀ ତାଙ୍କ ଅଭିନୟ କ୍ୟାରିଅର, ସୁଖ ସୁବିଧା ଏବଂ ତାଙ୍କ ବିବାହକୁ  ତ୍ୟାଗ କରି ଏକ ଆଧ୍ୟାତ୍ମିକ ପଥ ଅନୁସରଣ କରିଥିଲେ। ଆଜି, ସେ ହିମାଳୟରେ ଏକ ସାଧାରଣ ଜୀବନଯାପନ କରୁଛନ୍ତି। ଅନ୍ୟର ଦାନରେ ତାଙ୍କର ଜୀବନ ବିତୁଛି। ଏହା ସହିତ ସେ ଧ୍ୟାନରେ ସମୟ ବିତାଉଛନ୍ତି।।
୨୦୨୨ ମସିହାରେ, ନୁପୁର ମନୋରଞ୍ଜନ ଶିଳ୍ପରୁ ଦୂରେଇ ଯିବାକୁ ନିଷ୍ପତ୍ତି ନେଇଥିଲେ। ସେ ସନ୍ୟାସ ଗ୍ରହଣ କରିବା ସହ ପିତାମ୍ବ୍ରା ମା’ ନାମରେ ନାମିତ ହୋଇଥିଲେ । ତାଙ୍କର ଏହି ନିଷ୍ପତ୍ତି ଏକ ବିରାଟ ବ୍ୟକ୍ତିଗତ ଅଶାନ୍ତିର ସମୟ ପରେ ଆସିଥିଲା। ସେ ତାଙ୍କ ମା’ ଏବଂ ଭଉଣୀଙ୍କୁ ହରାଇଥିଲେ। ସେହି ସମୟରେ ପଞ୍ଜାବ ଏବଂ ମହାରାଷ୍ଟ୍ର ସମବାୟ ବ୍ୟାଙ୍କ ଲିମିଟେଡ୍ (PMC) ବ୍ୟାଙ୍କ ଦୁର୍ନୀତି ଯୋଗୁ ତାଙ୍କର ଆର୍ଥିକ ପରିସ୍ଥିତି ଭୁଶୁଡ଼ି ପଡ଼ିଥିଲା। ମୁମ୍ବାଇ ଛାଡିବା ପରେ, ନୁପୁର ସାରା ଭାରତ ଭ୍ରମଣ କରିବା ଆରମ୍ଭ କରିଥିଲେ। ପ୍ରାୟ ତିନି ବର୍ଷ ଧରି, ସେ ଗୁମ୍ଫା, ଜଙ୍ଗଲ ଏବଂ ଦୂର ଆଶ୍ରମରେ ରହୁଥିଲେ। କିନ୍ତୁ ଆଧ୍ୟାତ୍ମିକ ସାଧନାରେ ଶାନ୍ତି ପାଇଥିଲେ। ନୁପୁର ଏବେ କେବଳ କିଛି ପୋଷାକ ଏବଂ ମୌଳିକ ଆବଶ୍ୟକୀୟ ଜିନିଷପତ୍ର ସହିତ ଏକ ସାଧାରଣ ଜୀବନଯାପନ କରୁଛନ୍ତି।