‘ଲଜ୍ଜାରେ ମୋ ମୁଣ୍ଡ ତଳକୁ ହୋଇଯାଇଛି…’: ତାଲିବାନୀ ମନ୍ତ୍ରୀଙ୍କ ସ୍ୱାଗତ ଦେଖି ରାଗିଗଲେ ଜାଭେଦ ଅଖତର

ନୂଆଦିଲ୍ଲୀ: ବଲିଉଡର ବରିଷ୍ଠ ଲେଖକ ଜାଭେଦ ଅଖତର ଅନେକ ପ୍ରସଙ୍ଗକୁ ନେଇ ଚର୍ଚ୍ଚାରେ ରହିଥାନ୍ତି। ସେ ପ୍ରାୟତଃ ଟ୍ୱିଟରରେ ଖୋଲାଖୋଲି ଭାବରେ ନିଜର ମତ ପ୍ରକାଶ କରନ୍ତି। ଜାତୀୟ ପ୍ରସଙ୍ଗ ଉପରେ ଆଲୋଚନା କରନ୍ତି। ତାଲିବାନ ବୈଦେଶିକ ମନ୍ତ୍ରୀଙ୍କୁ ଦିଆଯାଇଥିବା ଭବ୍ୟ ସ୍ୱାଗତ ଉପରେ ପ୍ରତିକ୍ରିୟା ଦେବା ସହିତ ତାଙ୍କର ପୋଷ୍ଟ ଭାଇରାଲ ହେଉଛି। ଆଫଗାନିସ୍ତାନର ତାଲିବାନ ବୈଦେଶିକ ମନ୍ତ୍ରୀ ଆମିର ଖାନ ମୁତାକି ବର୍ତ୍ତମାନ ଭାରତ ଗସ୍ତରେ ଅଛନ୍ତି। ଉତ୍ତର ପ୍ରଦେଶର ଦେଓବନ୍ଦରେ ତାଙ୍କୁ ମିଳିଥିବା ଭବ୍ୟ ସ୍ୱାଗତକୁ ଜାଭେଦ ଅଖତର କଡ଼ା ସମାଲୋଚନା କରିଛନ୍ତି।

ଜାଭେଦ ଅଖତର ଲେଖିଛନ୍ତି, “ତାଲିବାନ ମନ୍ତ୍ରୀଙ୍କୁ ଦିଆଯାଇଥିବା ସମ୍ମାନ ଏବଂ ସ୍ୱାଗତ ଗଭୀର ଚିନ୍ତାଜନକ। ମୋ ମୁଣ୍ଡ ଲଜ୍ଜାରେ ଝୁଲୁଛି। ବିଶ୍ୱର ସବୁଠାରୁ ବିପଦପୂର୍ଣ୍ଣ ଆତଙ୍କବାଦୀ ଗୋଷ୍ଠୀର ଜଣେ ସଦସ୍ୟଙ୍କୁ ସମ୍ମାନିତ କରିବା ଦର୍ଶାଉଛି ଯେ ସମାଜର ପ୍ରାଥମିକତା କିପରି ବଦଳିଯାଉଛି।”

ସେ ସହାରନପୁରରେ ଦାରୁଲ ଉଲୁମ ଦେଓବନ୍ଦକୁ ମଧ୍ୟ ଟାର୍ଗେଟ କରିଥିଲେ। ସେ ଲେଖିଛନ୍ତି, “ଦେଓବନ୍ଦ ମଧ୍ୟ ତାଙ୍କ ‘ଇସଲାମିକ ହିରୋ‘କୁ ଏତେ ସମ୍ମାନର ସହିତ ସ୍ୱାଗତ କରିବା ପାଇଁ ଲଜ୍ଜିତ ହେବା ଉଚିତ, ଯିଏ ଝିଅମାନଙ୍କ ଶିକ୍ଷାକୁ ସମ୍ପୂର୍ଣ୍ଣ ନିଷିଦ୍ଧ କରିଥିବା ଲୋକଙ୍କ ମଧ୍ୟରୁ ଜଣେ। ମୋର ଭାରତୀୟ ଭାଇ ଓ ଭଉଣୀମାନେ, ଆମ ସହିତ କ‘ଣ ହେଉଛି?”

I hang my head in shame when I see the kind of respect and reception has been given to the representative of the world’s worst terrorists group Taliban by those who beat the pulpit against all kind of terrorists . Shame on Deoband too for giving such a reverent welcome to their “…

— Javed Akhtar (@Javedakhtarjadu) October 13, 2025

ଜାଭେଦ ଅଖତରଙ୍କ X ପୋଷ୍ଟକୁ କେତେକଙ୍କ ସମର୍ଥନ ମିଳିଥିବା ବେଳେ, ଅନ୍ୟମାନେ ମଧ୍ୟ ଏହାକୁ ପ୍ରଶ୍ନ କରିଥିଲେ। ଜଣେ ୟୁଜର୍ସ କହିଛନ୍ତି “ଆପଣ ନିଜେ କହିଥିଲ ଯେ କେବଳ ଲୁହା ଲୁହାକୁ କାଟିଥାଏ।” ତଥାପି, କିଛି ଲୋକ ତାଙ୍କୁ ପ୍ରବଳ ଟ୍ରୋଲ ମଧ୍ୟ କରୁଛନ୍ତି। ଏହି ସମୟରେ, ନାସିରୁଦ୍ଦିନ ଶାହଙ୍କର ଏକ ପୁରୁଣା ଭିଡିଓ ଭାଇରାଲ ହେଉଛି, ଯେଉଁଥିରେ ସେ ତାଲିବାନ ବିଷୟରେ ଏକ ବୟାନ ଦେଇଛନ୍ତି। ତଥାପି, ସେହି ଭିଡିଓଟି ବର୍ତ୍ତମାନର ନୁହେଁ; ବରଂ ଏହା ପୁରୁଣା।