ଅତ୍ୟଧିକ ବାଣ ଫୁଟାଇବା ଶ୍ୱାସ ରୋଗୀଙ୍କ ପାଇଁ ବିପଦ, ଆମକୁ ସତର୍କ ରହିବାକୁ ପଡିବ

ଭୁବନେଶ୍ୱର ୨୧।୧୦ : ବାଣ ବିପଦ ଆଣୁଛି । ବାଣ ଅତ୍ୟଧିକ ଫୁଟାଇବା ଦ୍ୱାରା ପରିବେଶ ବିଗୁଡୁଛି । ଏପିରିକି ଶ୍ୱାସରୋଗ ଜନିତ ସମସ୍ୟା ମଧ୍ୟ ହେଉଛି । ପ୍ରଦୂଷଣର ମାତ୍ରା ବଢିବା ଦ୍ୱାରା COPD, ଶ୍ଵାସ ଜନିତ ରୋଗୀଙ୍କ ପାଇ ଘାତକ ହୋଇପାରେ। ବାଣରୁ ନିର୍ଗତ ବିଷାକ୍ତ ଧୂଆଁ ଶ୍ୱାସ ରୋଗୀଙ୍କ ପାଇ  ସମସ୍ୟା ସୃଷ୍ଟି କରୁଛି ବୋଲି କହିଛନ୍ତି ପ୍ରଫେସର ଡ. ବନାନୀ ଜେନା ।

ସେ ଆହୁରି ମଧ୍ୟ କହିଛନ୍ତି ଯେ, ବାଣ ଅତ୍ୟଧିକ ଫୁଟାଇବା ଦ୍ୱାରା ଶ୍ୱାସ ରୋଗ ଜନିତ ସମସ୍ୟା ଥିବା ବ୍ୟକ୍ତିଙ୍କ ପାଇଁ ବିଶେଷ ଅସୁବିଧା ହେଉଛି । ୧୦୦ ଭାରତୀୟଙ୍କ ମଧ୍ୟରୁ ୫୫ରୁ ୬୦ ଜଣ ଶ୍ୱାସ କ୍ରିୟା ଜନିତ ରୋଗରେ ଆକ୍ରାନ୍ତ । ବାୟୁ ପ୍ରଦୂଷଣ, କଳକାରଖାନା ଗାଡ଼ି ମୋଟରରୁ ନିର୍ଗତ ବିଷାକ୍ତ ଧୁଆ, ଦୀର୍ଘ ସମୟ ଧରି ବାଣ ଫୁଟାଇବା ଏବେ ଶ୍ୱାସ ରୋଗୀଙ୍କ ପାଇଁ ବିପଦ ସାଜିଛି। ଖାସ କରି ଦୀପାବଳି  ଯୋଗୁ ସହରରେ ପ୍ରଦୂଷଣର ମାତ୍ର ବଢ଼ିଯାଇଛି। ବୟସ୍କ , ଛୋଟ ପିଲାଙ୍କୁ ଯଥା ସମ୍ଭବ ବାଣ ଠାରୁ ଦୁରେଇ ରଖିବାକୁ ପରାମର୍ଶ ଦେଇଛନ୍ତି ବିଶେଷଜ୍ଞ।