Z

ଡିଜିଟାଲ୍ ପେମେଣ୍ଟ୍ ସେକ୍ଟର ଖୁବ୍ ଶୀଘ୍ର ଏକ ନୂଆ ପ୍ରତିଯୋଗିତା ଦେଖିବ। ବ୍ୟବସାୟ ସଫ୍ଟୱେର୍ କମ୍ପାନୀ Zoho ଏବେ  ‘Zoho Pay’ ସହିତ ଏହି ବଜାରରେ ପ୍ରବେଶ କରୁଛି। ଏହି ଆପ୍ ୟୁଜରମାନଙ୍କୁ ଏକ ସହଜ ଆଉ ସୁରକ୍ଷିତ ଟ୍ରାଞ୍ଜାକ୍‌ସନ୍ ସୁବିଧା ଦେବ।
Zoho Payments Techର CEO ଶିବରାମକୃଷ୍ଣନ୍ ଈଶ୍ୱରନ୍ କହିଛନ୍ତି ଯେ Zoho Pay ର ଲକ୍ଷ୍ୟ ହେଉଛି ଲୋକଙ୍କୁ ବିନା କୌଣସି ଅସୁବିଧାରେ ଟଙ୍କା ପଠାଇବା, ପାଇବା ଏବଂ ପେମେଣ୍ଟ କରିବାର ସୁବିଧା ଦେବ। ଲୋକମାନେ ଚାଟ୍ କରିବା ସହିତ ଟ୍ରାଞ୍ଜାକ୍‌ସନ୍ କରିପାରିବେ। 
କମ୍ପାନୀ ପୂର୍ବରୁ ପଏଣ୍ଟ-ଅଫ୍-ସେଲ୍ ଏବଂ ବିଜିନେସ୍ ପେମେଣ୍ଟ ସଲ୍ୟୁସନ୍ ଦେଉଛି। ଏବେ, ଜୋହୋ ଏହି ସେବାକୁ ଆହୁରି ବଢାଇବାକୁ ଯୋଜନା କରୁଛି। ଏହା ସହିତ, କମ୍ପାନୀ Zoho Billing ନାଁରେ ଏକ ନୂଆ ଇନ୍‌ଭଏସ୍ ଏବଂ ସବ୍‌ସ୍କ୍ରିପସନ୍ ମ୍ୟାନେଜ୍‌ମେଣ୍ଟ ପ୍ଲାଟଫର୍ମ ମଧ୍ୟ ଲଞ୍ଚ କରୁଛି।
ସେହିପରି Zoho Payrollକୁ ବ୍ୟାଙ୍କଗୁଡ଼ିକ ସହିତ ଲିଙ୍କ୍ କରି ଏକ ସମ୍ପୂର୍ଣ୍ଣ ଆର୍ଥିକ ବ୍ୟବସ୍ଥା ତିଆରି କରିବା ପାଇଁ କାମ ଚାଲିଛି। ଏହା କ୍ଷୁଦ୍ର ବ୍ୟବସାୟଗୁଡ଼ିକୁ ପେମେଣ୍ଟ କଲେକ୍ସନ ଠାରୁ ଆରମ୍ଭ କରି କ୍ୟାସ୍ ଫ୍ଲୋ ଏବଂ ଅଟୋମେଟିକ୍ ପେରୋଲ ପର୍ଯ୍ୟନ୍ତ ମିଳିତ ସେବା ଯୋଗାଇ ଦେବ।
ତେବେ Zoho Pay ବର୍ତ୍ତମାନ ଇଣ୍ଟର୍‌ନାଲ୍ ଟେଷ୍ଟିଂରେ ଅଛି, ଏବଂ କମ୍ପାନୀ ଆଗାମୀ ମାସଗୁଡ଼ିକରେ ଏହାକୁ ପର୍ଯ୍ୟାୟକ୍ରମେ ଆରମ୍ଭ କରିବାକୁ ଯୋଜନା କରୁଛି। ପ୍ରାରମ୍ଭରେ, ଏହାକୁ Arattai ଆପ୍ ସହିତ ସଂଯୁକ୍ତ କରାଯିବ, ଏବଂ ପରେ, ଏହା ଏକ ସ୍ୱତନ୍ତ୍ର ଆପ୍ ଭାବରେ ଲଞ୍ଚ ହେବ।