କୋଲକାତା, ୦୫/୦୪ : ଖାଦ୍ୟ-ପେୟକୁ ନେଇ ସଦାବେଳେ ପଶ୍ଚିମବଙ୍ଗ ଟର୍ଚ୍ଚାରେ ରହିଥାଏ । ଏଠାରେ ଭଳିକି ଭଳି ସୁସ୍ୱାଦୁ ବ୍ୟଞ୍ଜନ ମିଳେ । ନିରାମିଷ ସହ ଆମିଷର ଅନେକ ଖାଦ୍ୟ ସହଜରେ ମିଳିଯାଏ । ଏବେ ରାଜ୍ୟରେ ନିର୍ବାଚନ ମାହୋଲ ଥିବାରୁ ପ୍ରତିଦିନ ବଡ ବଡ ନେତାଙ୍କ ସୁଅ ଛୁଟୁଛି । ଦିଲ୍ଲୀର ନେତା ପଶ୍ଚିମବଙ୍ଗର ପଲ୍ଲୀ ବୁଲୁଛନ୍ତି । ନିଜ ନିଜ ଦଳ ପାଇଁ ଭୋଟ୍ ମାଗୁଛନ୍ତି । ରାଜ୍ୟରେ ମୁଖ୍ୟତଃ ତୃଣମୂଳ କଂଗ୍ରେସ ଏବଂ ଭାରତୀୟ ଜନତା ପାର୍ଟି ମଧ୍ୟରେ ମୁକାବିଲା ହେଉଛି । ବିଜେପି ନେତା ତଥା କେନ୍ଦ୍ର ଗୃହମନ୍ତ୍ରୀ ରାଜ୍ୟରେ ୧୫ ଦିନ ରହି ନିର୍ବାଚନ ପରିଚାଳନା କରିବେ ବୋଲି କହି ସାରିଛନ୍ତି ।
ଗତ ଦୁଇ ଦିନ ତଳେ ଅମିତ ଶାହ ପଶ୍ଚିମବଙ୍ଗରେ ୧୫ ଦିନ ରହିବେ ବୋଲି କହିଥିଲେ । ଯାହାକୁ ନେଇ ଟିଏମସି ସୋସିଆଲ ମିଡିଆରେ ମଜାଳିଆ ପ୍ରତିକ୍ରିୟା ଦେଇଛି । ଟିଏମସି ପକ୍ଷରୁ କୁହାଯାଇଛି ଯେ, ପଶ୍ଚିମବଙ୍ଗ ନିଜ ଅତିଥିଙ୍କ ସତ୍କାରରେ ହେଳା କରେନାହିଁ । ସେମାନେ ଅତିଥିଙ୍କୁ ଖୋଲା ବାହୁରେ ସ୍ୱାଗତ କରନ୍ତି । ଶାହ ଯେତେଦିନ ଚାହିଁବେ ଏଠାରେ ରହିପାରିବେ । ଏହାସହ ରାଜ୍ୟର କିଛି ଖାସ୍ ବ୍ୟଞ୍ଜନ ମଧ୍ୟ ଶାହ ଖାଇପାରିବେ ବୋଲି ଟିଏମସି ତରଫରୁ କୁହାଯାଇଛି । ଏହି ସବୁ ଖାଦ୍ୟ ଭିତରେ ମୁଢି ଘାଣ୍ଟ, ପାବଦା ମାଛ ଝୋଳ, ଇଲିଶି ଭାପା, ଚିଙ୍ଗୁଡି ମଲାଇ ତରକାରୀ, ଭେଟକି ପାଟୁରି ଏବଂ ମାଂସ କଷା ରହିଛି ।
.@AmitShah has announced his decision to spend 15 days in Bengal. Good. Bengal welcomes tourists with open arms. Stay for as long as you like. And do not miss out on some of our finest delicacies.
We highly recommend:
👉 Muri Ghonto
👉 Pabda Macher Jhal
👉 Ilish Bhapa
👉 Chingri… pic.twitter.com/44Nz2KSyQF— All India Trinamool Congress (@AITCofficial) April 2, 2026
ତେବେ ଏଭଳି ପୋଷ୍ଟ୍ କରି ଟିଏମସି ବିଜେପିକୁ କଟାକ୍ଷ କରିଛି । ଏହାସହ ରାଜନୀତିକୁ ସରଗରମ କରିଦେଇଛି । କାରଣ ଟିଏମସି ଯେଉଁ ସବୁ ଆଇଟମ୍ ପୋଷ୍ଟ୍ କରିଛି ସେ ସବୁ ଆମିଷ । ବିଜେପି ପ୍ରାୟତଃ ନିରାମିଷ ଖାଦ୍ୟକୁ ପ୍ରୋତ୍ସାହନ ଦେଇଥାଏ । ଏହି ପୋଷ୍ଟ୍ ଦ୍ୱାରା ରାଜ୍ୟରେ ବିଜେପି ସରକାରକୁ ଆସିଲେ ପଶ୍ଚିମବଙ୍ଗର ପାରମ୍ପରିକ ଖାଦ୍ୟ ପେୟରେ ପରିବର୍ତ୍ତନ ଆସିବା ନେଇ ଟିଏମସି ପକ୍ଷରୁ ସଙ୍କେତ ଦିଆଯାଇଛି ।
Also Read :-Trump Warns: ମଙ୍ଗଳବାର ଇରାନ୍ ପାଇଁ ଶେଷ ଦିନ ! ଡୋନାଲ୍ଡ ଟ୍ରମ୍ପଙ୍କ ଧମକ ପରେ ହଇଚଇ
ଆହୁରି ମଧ୍ୟ ଟିଏମସିର ଆଇଟମ୍ ଲିଷ୍ଟ୍ କୋଲକାତାର ପ୍ରାଚୁର୍ଯ୍ୟ ପରମ୍ପରା ଏବଂ ଖାଦ୍ୟ ପଦ୍ଧତିକୁ ଦର୍ଶାଉଛି । ଏଠାକାର ଲୋକେ ମୁଖ୍ୟତଃ ମାଛପ୍ରିୟ ଅଟନ୍ତି । ନିର୍ବାଚନ ପ୍ରଚାରରେ ମଧ୍ୟ ଟିଏମସି ନେତା ବିଜେପି ସରକାର ଗଠନ କଲେ ଆମିଷ ଖାଦ୍ୟ ଉପରେ କଟକଣା ଲଗାଇଦେବ ବୋଲି କହି ବୁଲୁଛନ୍ତି ।
