T

ମହିଳା ବୁକ୍ କରିଥିଲେ ଟ୍ୟାକ୍ସି । ଆଉ ଟ୍ୟାକ୍ସିରେ ଆସିଲା ଦୁଷ୍କର୍ମକାରୀ ।ମହିଳାଙ୍କ ସହ କଲା ଛଳନା ଓ  ବାଟରେ ବଦଳାଇ ଦେଲା ରାସ୍ତା । ସୁଯୋଗ ନେଇ କଲା ଦୁଷ୍କର୍ମ । ପରେ ଘରେ ନେଇ ଛାଡି ଆସିଲା

ଏମିତି ଏକ ଆଶ୍ଚର୍ଯ୍ୟଜନକ ଘଟଣା ଚେନ୍ନାଇରେ ଘଟିଛି। ପୋଲିସ ଜଣେ ବାଇକ୍ ଟ୍ୟାକ୍ସି ଡ୍ରାଇଭରଙ୍କୁ ଜଣେ ୨୨ ବର୍ଷୀୟ ମହିଳାଙ୍କୁ ଦୁଷ୍କର୍ମ କରିବା ଅଭିଯୋଗରେ ଗିରଫ କରିଛି। ଅଭିଯୁକ୍ତଙ୍କ ନାମ ଶିବକୁମାର ବୋଲି ଚିହ୍ନଟ କରାଯାଇଛି। ତାଙ୍କୁ କୋର୍ଟରେ ହାଜର କରାଯାଇ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ଅପରାଧରେ ବ୍ୟବହୃତ ମୋଟରସାଇକେଲକୁ ମଧ୍ୟ ପୋଲିସ ଜବତ କରିଛି।

ପୋଲିସର ସୂଚନା ଅନୁଯାୟୀ, ମହିଳା ଜଣକ ସୋମବାର ବିଳମ୍ବିତ ରାତିରେ ତାଙ୍କର ଜଣେ ବନ୍ଧୁଙ୍କୁ ଭେଟିବା ପାଇଁ ଏକ ବାଇକ୍ ଟ୍ୟାକ୍ସି ବୁକ୍ କରିଥିଲେ। ଠିକଣା ସ୍ଥଳରେ ପହଞ୍ଚିବା ପରେ ସେ ଡ୍ରାଇଭର ଶିବକୁମାରଙ୍କୁ କିଛି ସମୟ ଅପେକ୍ଷା କରିବାକୁ କହିଥିଲେ, ଯାହାଫଳରେ ବନ୍ଧୁଙ୍କୁ ଭେଟି ସେ ସେହି ଗାଡ଼ିରେ ଘରକୁ ଫେରିପାରିବେ।

ମଙ୍ଗଳବାର ସକାଳେ ଫେରିବା ବେଳେ ଶିବକୁମାର ତାଙ୍କ ରାସ୍ତା ବଦାଳାଇଦେଲେ ଆଉ ଏକ ନିର୍ଜନ ରାସ୍ତା ଦେଇ ଗଲେ। ସୁଯୋଗ ଦେଖି ଶିବକୁମାର ମହିଳାଙ୍କୁ ଧମକ ଦେଇଥିଲେ ଏବଂ ତାଙ୍କ ସହ ଦୁଷ୍କର୍ମ କରିଥିଲେ। ଏହା ପରେ ସେ ପୀଡିତାଙ୍କୁ ତାଙ୍କ ଘରେ ଛାଡି ଦେଇଥିଲେ। ଘରେ ପହଞ୍ଚିବା ପରେ, ଭୟଭୀତ ପୀଡିତା ତାଙ୍କ ସ୍ୱାମୀଙ୍କୁ ଘଟଣା ବିଷୟରେ କହିଥିଲେ, ପରେ ପୋଲିସରେ ଅଭିଯୋଗ ହୋଇଥିଲା। ଅଭିଯୋଗକୁ ଆଧାର କରି, T-5 ବନନଗମ ପୋଲିସ ତଦନ୍ତ ଆରମ୍ଭ କରିଛି ଏବଂ ତଦନ୍ତ ସମୟରେ ଅଭିଯୋଗ ସତ ବୋଲି ଜଣାପଡିଛି।