R

ସ୍ୱାର୍ଥପର ଦୁନିଆର ସଚ୍ଚୋଟ ମଣିଷ । ପାଇଥିବା ଟଙ୍କାକୁ ଫେରାଇଦେଲେ।  ମଣିଷ ହେବ ତ ଏମିତି । ଆଜିର ସ୍ୱାର୍ଥପର ଦୁନିଆରେ ମାନବିକତାର ପରିଭାଷାକୁ ଭଲ କରି ବୁଝାଇ ଦେଇଛନ୍ତି  ସନ୍ତୋଷ ବାରିକ୍ । ପେଶାରେ ଜଣେ ଗ୍ୟାରେଜ ମେକାନିକ୍ । କିନ୍ତୁ ଏମିତି ମହତ୍ କାମ କରିଛନ୍ତି ଯେ ପୋଲିସକୁ କରୁଛି ବାଃ ବାଃ । 

ଚାଲିଥାଏ ଭଦ୍ରକ କାଳୀପୂଜା । ଚରମ୍ପା ବଜାରରେ ପ୍ରତ୍ୟେକ ଦିନ ଦୂରାନ୍ତରୁ ଲକ୍ଷାଧିକ ଲୋକଙ୍କ ଭିଡ ଜମୁଥାଏ । ଆଉ ଏ ଗହଳି ଭିତରେ ଗତ ୨୭ ତାରିଖ ଦିନ ୧୧ଟା ବେଳେ ଚରମ୍ପା ବଜାରରେ ଥିବା SBI ATMକୁ ଟଙ୍କା ଉଠାଣ ପାଇଁ ଯାଇଥିଲେ ସନ୍ତୋଷ । ସେଠାରେ ଯାଇ ଦେଖନ୍ତି ATMରେ ପୂର୍ବରୁ କିଛି ଟଙ୍କା ବାହାରି ରହିଛି, ପାଖରେ କେହି କୁଆଡେ ନାହାନ୍ତି । ସନ୍ତୋଷ ଟଙ୍କା ଆଣି ଗଣନ୍ତି ସେଥିରେ ୯,୫୦୦ ଟଙ୍କା ଅଛି । 

ସନ୍ତୋଷ ଚାହିଁଥିଲେ ଏ ଟଙ୍କାକୁ ଖର୍ଚ୍ଚ କରିପାରିଥାନ୍ତେ, କେହି ଜାଣିପାରି ବି ନଥାନ୍ତେ । କିନ୍ତୁ ହାତମୁଠାରେ ହଜାର ହଜାର ଟଙ୍କା ପାଇ ବି ଲୋଭ କଲେନି ସନ୍ତୋଷ । ଏନେଇ ତୁରନ୍ତ ଭଦ୍ରକ ଟାଉନ ପୋଲିସକୁ ଖବର ଦେଇଥିଲେ । ଥାନା ଅଧିକାରୀ ସେଠି ପହଞ୍ଚି ସବୁ କଥା ବୁଝିଲେ ।