ପାକିସ୍ତାନ ସମ୍ପୂର୍ଣ୍ଣ ଭାବେ ଚୀନର କୋଳରେ ବସି ପଡ଼ିଛି ଏବଂ ସୁରକ୍ଷା, ଭିତ୍ତିଭୂମି ଓ ଟେକ୍ନୋଲୋଜି ପର୍ଯ୍ୟନ୍ତ ସବୁକିଛି ପାଇଁ ଚୀନର ଶରଣ ପଶିଛି । ପାକିସ୍ତାନର ସାମରିକ ନିର୍ଭରତା ଅନେକାଂଶରେ ଚୀନ ଉପରେ ନିର୍ଭର କରେ।
ଚୀନ୍ ପାକିସ୍ତାନର ନୌସେନାକୁ କରୁଛି ମଜବୁତ୍। ପାକିସ୍ତାନ ତାର ତୃତୀୟ ହାଙ୍ଗର ଶ୍ରେଣୀର ବୁଡ଼ାଜାହାଜ ଲଞ୍ଚ କରିଛି । କିନ୍ତୁ ଏହାକୁ ପାକିସ୍ତାନର ସଫଳତା କୁହାଯାଇପାରିବ ନାହିଁ । କାରଣ ଏହି ବୁଡ଼ାଜାହାଜ ସମ୍ପୂର୍ଣ୍ଣ ଭାବେ ଚୀନରେ ନିର୍ମିତ।
ଗତ ମାସ ୩୧ ଜୁଲାଇରେ ପାକିସ୍ତାନ ଏକ ରିମୋଟ୍ ସେନ୍ସିଂ ସାଟେଲାଇଟ୍ ଉତକ୍ଷେପଣ କରିଥିଲା। କିନ୍ତୁ ତାହା ଚୀନର ଲଞ୍ଚ ସେଣ୍ଟରରେ ଉତକ୍ଷେପଣ ହୋଇଥିଲା। ନିଜର ପ୍ରତିରକ୍ଷା ଏବଂ ମହାକାଶ କ୍ଷମତା ପାଇଁ ପାକିସ୍ତାନ ଚୀନ ଉପରେ ନିର୍ଭରଶୀଳ।
ପାକିସ୍ତାନର ସୁରକ୍ଷା ଏବଂ ଟେକ୍ନୋଲୋଜି ବିକାଶ ପାଇଁ ଆବଶ୍ୟକ ଭିତ୍ତିଭୂମି ନିର୍ମାଣରେ ଚୀନ ହିଁ ଏକମାତ୍ର ଭରସାଯୋଗ୍ୟ ସହଯୋଗୀ। ପାକିସ୍ତାନ ଅଧିକାଂଶ ଅସ୍ତ୍ରଶସ୍ତ୍ର ମଧ୍ୟ ଚୀନରୁ ହିଁ ଆମଦାନୀ କରେ। ଭିତ୍ତିଭୂମି ବିକାଶ ପାଇଁ ମଧ୍ୟ ଚୀନର ସାହାଯ୍ୟ ମାଗେ। ଟେକ୍ନୋଲୋଜି କଥା ଆସିଲେ ମଧ୍ୟ ଚୀନ ଆଡ଼କୁ ଚାହେଁ । ଆଉ ସେଥିପାଇଁ ପାକିସ୍ତାନ ଋଣରେ ବୁଡ଼ି ରହିଛି ।
Also Read
ପାକିସ୍ତାନ ସମ୍ପୂର୍ଣ୍ଣ ଭାବେ ଚୀନର କୋଳରେ ବସି ପଡ଼ିଛି ଏବଂ ସୁରକ୍ଷା, ଭିତ୍ତିଭୂମି ଓ ଟେକ୍ନୋଲୋଜି ପର୍ଯ୍ୟନ୍ତ ସବୁକିଛି ପାଇଁ ଚୀନର ଶରଣ ପଶିଛି । ପାକିସ୍ତାନର ସାମରିକ ନିର୍ଭରତା ଅନେକାଂଶରେ ଚୀନ ଉପରେ ନିର୍ଭର କରେ। ଗତ ପାଞ୍ଚ ବର୍ଷରେ ପାକିସ୍ତାନର ଆମଦାନୀ ହୋଇଥିବା ଅସ୍ତ୍ରଶସ୍ତ୍ରରୁ ପ୍ରାୟ ୮୧% ଚୀନରୁ ଆସିଛି, ଯାହା ଚୀନ ଉପରେ ତା’ର ନିର୍ଭରତାକୁ ପ୍ରମାଣ କରେ।
ଏହି ସମୟରେ ଚୀନ ପାକିସ୍ତାନକୁ ପ୍ରାୟ ୮.୨ ବିଲିୟନ ଡଲାରର ଅସ୍ତ୍ରଶସ୍ତ୍ର ଯୋଗାଇ ଦେଇଛି। ଏହା ଏକ ରଣନୀତିକ ପରିବର୍ତ୍ତନ, କାରଣ ପୂର୍ବରୁ ପାକିସ୍ତାନ ପାଶ୍ଚାତ୍ୟ ଦେଶମାନଙ୍କଠାରୁ ମଧ୍ୟ ଅସ୍ତ୍ରଶସ୍ତ୍ର କିଣୁଥିଲା, କିନ୍ତୁ ଏବେ ସେ ସମ୍ପୂର୍ଣ୍ଣ ଭାବେ ଚୀନର କୋଳରେ ବସି ପଡ଼ିଛି।
ଏହି ସହଭାଗୀତା କେବଳ ଅସ୍ତ୍ରଶସ୍ତ୍ର ବିକ୍ରୟ ପର୍ଯ୍ୟନ୍ତ ସୀମିତ ନୁହେଁ, ବରଂ ଜଟିଳ ଟେକ୍ନୋଲୋଜି ସହଯୋଗ ଏବଂ ମିଳିତ ବିକାଶ ପ୍ରକଳ୍ପ ମଧ୍ୟ ଏହାର ଅଂଶ। ଚୀନ ପାକିସ୍ତାନକୁ ଯୁଦ୍ଧବିମାନ, ମିସାଇଲ, ସବମାରାଇନ୍ ଏବଂ ରାଡାର ସିଷ୍ଟମ ବି ଦେଇଛି । ଚୀନ-ପାକିସ୍ତାନ ମଧ୍ୟରେ ଗୁପ୍ତ ଗୁଇନ୍ଦା ସୂଚନା ଆଦାନ-ପ୍ରଦାନ ମଧ୍ୟ ହୁଏ, ଯେଉଁଥିରେ ପାକିସ୍ତାନ ପାଖରେ ଥିବା ପାଶ୍ଚାତ୍ୟ ଟେକ୍ନୋଲୋଜିର ସୂଚନା ଚୀନକୁ ମିଳେ, ଯାହାକୁ ଚୀନ ନିଜର ସାମରିକ ବିକାଶରେ ବ୍ୟବହାର କରେ।
୨୦୨୫ ମେ’ ମାସରେ ଭାରତ-ପାକିସ୍ତାନ ସଂଘର୍ଷରେ ପାକିସ୍ତାନ ଚୀନ ନିର୍ମିତ J-10C ଯୁଦ୍ଧବିମାନ ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ର ବ୍ୟବହାର କରିଥିଲା । ପାକିସ୍ତାନ ଏବେ ଚୀନରୁ ଆହୁରି ଉନ୍ନତ ଅସ୍ତ୍ରଶସ୍ତ୍ର କିଣିବାକୁ ପ୍ରସ୍ତୁତି କରୁଛି। କେବଳ ସାମରିକ କ୍ଷେତ୍ର ପର୍ଯ୍ୟନ୍ତ ସୀମିତ ନୁହେଁ, ବରଂ ତା’ର ମହାକାଶ କାର୍ଯ୍ୟକ୍ରମରେ ମଧ୍ୟ ଚୀନର ଦବଦବା ଦେଖିବାକୁ ମିଳିଛି ।
ପାକିସ୍ତାନର ସୁରକ୍ଷା, ମହାକାଶ ଏବଂ ପ୍ରତିରକ୍ଷା ଟେକ୍ନୋଲୋଜି ସମ୍ପୂର୍ଣ୍ଣ ଭାବେ ଚୀନର ନିୟନ୍ତ୍ରଣକୁ ଚାଲିଯାଉଛି। ସବମାରାଇନ୍ ହେଉ, ଯୁଦ୍ଧବିମାନ ହେଉ କିମ୍ବା ମହାକାଶ ଉପଗ୍ରହ, ପାକିସ୍ତାନର ଟେକ୍ନୋଲୋଜିକାଲ୍ ସ୍ୱାଧୀନତା ସମ୍ପୂର୍ଣ୍ଣ ରୂପେ ନଷ୍ଟ ହୋଇଯାଇଛି।
