LPG ସଙ୍କଟକୁ ଦୂର କରିବ ନୂଆ ଫର୍ମୁଲା: ୨୦% DME ମିଶ୍ରଣ କରି ଗ୍ୟାସ୍ ଆମଦାନୀ କମାଇବ ଭାରତ, ରିପୋର୍ଟରୁ ବଡ଼ ଖୁଲାସା

ନୂଆଦିଲ୍ଲୀ: ପଶ୍ଚିମ ଏସିଆରେ ଲାଗି ରହିଥିବା ଯୁଦ୍ଧ ଏବଂ ହର୍ମୁଜ୍ ପ୍ରଣାଳୀରେ ବିଶୃଙ୍ଖଳା କାରଣରୁ ବିଶ୍ୱବ୍ୟାପୀ ଉର୍ଜା (Energy) ଯୋଗାଣ ବାଧାପ୍ରାପ୍ତ ହୋଇଛି। ବିଶ୍ୱର ଦ୍ୱିତୀୟ ବୃହତ୍ତମ ଏଲପିଜି (LPG) ଆମଦାନୀକାରୀ ଦେଶ ଭାବେ ଭାରତ ମଧ୍ୟ ଏହାଦ୍ୱାରା ବହୁଳ ଭାବରେ ପ୍ରଭାବିତ ହୋଇଛି। ଏଲପିଜି ଅଭାବ କାରଣରୁ ଲୋକେ ଇଣ୍ଡକ୍ସନ୍ କୁକ୍ଟପ୍ ଏବଂ ଅନ୍ୟାନ୍ୟ ବିକଳ୍ପ ଆପଣାଉଥିବା ବେଳେ ସରକାର ସ୍ୱାଭାବିକ ଯୋଗାଣ ପାଇଁ ଉଦ୍ୟମ ଜାରି ରଖିଛନ୍ତି। ଏହି ସଙ୍କଟ ସମୟରେ ଏକ ବଡ଼ ରିପୋର୍ଟ ସାମ୍ନାକୁ ଆସିଛି, ଯାହା ଭାରତ ପାଇଁ ଏକ ନୂଆ ବାଟ ଫିଟାଇପାରେ। ରିପୋର୍ଟ ଅନୁଯାୟୀ, ଏଲପିଜିରେ ୨୦ ପ୍ରତିଶତ ଡିଏମଇ (DME – Dimethyl ether) ମିଶ୍ରଣ କରି ଭାରତ ନିଜର ଏଲପିଜି ଆମଦାନୀ ନିର୍ଭରଶୀଳତାକୁ ବାର୍ଷିକ ପ୍ରାୟ ୬.୩ ନିୟୁତ ଟନ୍ ପର୍ଯ୍ୟନ୍ତ କମାଇପାରିବ।

Also Read: US Iran Tensions Escalate: ଇରାନର ଜାହାଜକୁ କବଜା କଲା ଆମେରିକା, ଡ୍ରୋନ୍ ମାଡ଼ କଲା ତେହେରାନ

ଇୱାଇ-ପାର୍ଥେନନ୍ (EY-Parthenon) ଏବଂ ଘରୋଇ କୋଇଲା ଗ୍ୟାସିଫିକେସନ୍ କମ୍ପାନୀ ‘ନ୍ୟୁ ଏରା କ୍ଲିନ୍ଟେକ୍ ସଲ୍ୟୁସନ୍ସ ଲିମିଟେଡ୍’ ପକ୍ଷରୁ ପ୍ରକାଶିତ “ଉର୍ଜା ଏବଂ ରାସାୟନିକ ସୁରକ୍ଷା ପାଇଁ କୋଇଲା ଗ୍ୟାସିଫିକେସନ୍” ଶୀର୍ଷକ ଏକ ରିପୋର୍ଟରେ ଏହି ତଥ୍ୟ ପ୍ରଦାନ କରାଯାଇଛି।

Also Read: Titanic Survivor Life Jacket Auction: ନିଲାମ ଇତିହାସର ସବୁ ରେକର୍ଡ ଭାଙ୍ଗିଲା, ଗୋଟିଏ ଜ୍ୟାକେଟ ୮କୋଟିରେ ବିକ୍ରି

ଡିଏମଇ (DME) କ’ଣ?

• ବୈଜ୍ଞାନିକ ତଥା ଶିଳ୍ପ ଗବେଷଣା ପରିଷଦ (CSIR) ଅନୁଯାୟୀ, ଡିଏମଇ ବା ଡାଇମିଥାଇଲ୍ ଇଥର୍ ହେଉଛି ଏକ ସ୍ଥାୟୀ ଏବଂ ପରିବେଶ ଅନୁକୂଳ ଇନ୍ଧନ। କୃତ୍ରିମ ଭାବେ ପ୍ରସ୍ତୁତ କରାଯାଉଥିବା ଏହି ଇନ୍ଧନକୁ ବିଭିନ୍ନ ଉଦ୍ଦେଶ୍ୟରେ ଡିଜେଲ ଇଞ୍ଜିନରେ ସିଧାସଳଖ ବ୍ୟବହାର କରାଯାଇପାରିବ।
• ସାଧାରଣ ବାୟୁମଣ୍ଡଳୀୟ ଅବସ୍ଥାରେ ଏହା ଏକ ରଙ୍ଗହୀନ ଗ୍ୟାସ୍ ଅଟେ। ରାସାୟନିକ ଶିଳ୍ପ, ଏରୋସୋଲ୍, ଦ୍ରାବକ, ଇନ୍ଧନ ଏବଂ ରେଫ୍ରିଜେରାଣ୍ଟ ଭାବରେ ଏହାର ବ୍ୟାପକ ବ୍ୟବହାର କରାଯାଏ।
• ପାରମ୍ପରିକ ଇନ୍ଧନ ସହିତ ଏହାର ତାପଜ ମୂଲ୍ୟ (Calorific value) ଏବଂ ଦକ୍ଷତା ପ୍ରାୟ ସମାନ। ଏହା ଏକ ସ୍ୱଚ୍ଛ ଇନ୍ଧନ ଏବଂ ଏଥିରୁ ବହୁତ କମ୍ ପ୍ରଦୂଷଣ ବାହାରିଥାଏ।
• ଘରୋଇ ରୋଷେଇ ଗ୍ୟାସ୍ ଏବଂ ଶିଳ୍ପ କ୍ଷେତ୍ରରେ ଏଲପିଜିର ବିକଳ୍ପ ଭାବେ ୨୦% ପର୍ଯ୍ୟନ୍ତ ଡିଏମଇକୁ ସହଜରେ ଏଲପିଜି ସହ ମିଶ୍ରଣ କରାଯାଇପାରିବ ବୋଲି ସିଏସ୍ଆଇଆର୍ ଦର୍ଶାଇଛି।

Also Read: Harsha Richhariya Takes Sannyas: ମେକଅପ୍ ଆର୍ଟିଷ୍ଟରୁ ସନ୍ନ୍ୟାସିନୀ ସାଜିଲେ ଭାଇରାଲ ‘ହର୍ଷା’: ଉଜ୍ଜୈନରେ ନିଜର ପିଣ୍ଡଦାନ କଲେ

ଏଲପିଜି ଆମଦାନୀ କମାଇବାରେ କିପରି ସାହାଯ୍ୟ କରିବ?

• ରିପୋର୍ଟ ଅନୁଯାୟୀ, କୋଇଲାରୁ ପ୍ରସ୍ତୁତ ଡିଏମଇ ଏଲପିଜିର ଆମଦାନୀ ଆବଶ୍ୟକତାକୁ କମାଇଦେବ।
• ବ୍ୟୁରୋ ଅଫ୍ ଇଣ୍ଡିଆନ୍ ଷ୍ଟାଣ୍ଡାର୍ଡସ୍ (BIS) ମଧ୍ୟ ଭାରତରେ ଏଲପିଜି ସହ ୨୦% ଡିଏମଇ ମିଶ୍ରଣକୁ ଅନୁମତି ଦେଇସାରିଛି।
• ବର୍ତ୍ତମାନ ଭାରତରେ ପାଇଲଟ୍ ପ୍ରୋଜେକ୍ଟ ଭିତ୍ତିରେ ଖୁବ୍ କମ୍ ପରିମାଣର ଡିଏମଇ ଉତ୍ପାଦନ ହେଉଛି। ନ୍ୟୁ ଏରା କ୍ଲିନ୍ଟେକ୍ର ଏମଡି ବାଲାସାହେବ ଦରାଡେ କହିଛନ୍ତି ଯେ, “ଦେଶରେ ଡିଏମଇ ଉତ୍ପାଦନ ବଢ଼ାଇବା ଏବଂ ନିବେଶ ଆଣିବା ପାଇଁ ଏକ ସ୍ପଷ୍ଟ ‘ବ୍ଲେଣ୍ଡିଂ ପଲିସି’ (Blending policy) ର ଆବଶ୍ୟକତା ରହିଛି।”

Also Read: Trump Viral Video: ‘ହେ ପ୍ରଭୁ ଟ୍ରମ୍ପଙ୍କୁ ଉଠାଇ ନିଅ…’, ପାଦ୍ରୀଙ୍କ ଏହି ପ୍ରାର୍ଥନା ଶୁଣି ହସି ହସି ଗଡ଼ିଲେ ଭକ୍ତ…

ସୂଚନାଯୋଗ୍ୟ ଯେ, ଯେଉଁ ଦେଶଗୁଡ଼ିକରେ କୋଇଲା ଗଚ୍ଛିତ ଅଛି, ସେମାନେ ‘କୋଇଲା ଗ୍ୟାସିଫିକେସନ୍’ (Coal gasification) ଜ୍ଞାନକୌଶଳ ମାଧ୍ୟମରେ ନିଜ ଦେଶରେ ଡିଏମଇ ଉତ୍ପାଦନ କରିପାରିବେ। ନିଜର ବିଶାଳ ରାସାୟନିକ ଶିଳ୍ପ ବଳରେ ଚୀନ୍ ଏବେ ବିଶ୍ୱର ପ୍ରାୟ ୯୦ ପ୍ରତିଶତ ଡିଏମଇ ଉତ୍ପାଦନ କରୁଛି।