ଟମି ରବିନସନଙ୍କ ନେତୃତ୍ବରେ “ୟୁନାଇଟ୍ ଦି କିଙ୍ଗଡମ୍” ବିକ୍ଷୋଭରେ ଲକ୍ଷାଧିକ ଲୋକ ସାମିଲ ହୋଇଛନ୍ତି।
ନେପାଳ ଓ ଫ୍ରାନ୍ସ ପରେ ଏବେ ଲଣ୍ଡନରେ ଜଳୁଛି ବିଦ୍ରୋହର ନିଆଁ। ବ୍ରିଟେନର ରାଜଧାନୀ ଲଣ୍ଡନରେ ବିଶାଳ ବିକ୍ଷୋଭ ପ୍ରଦର୍ଶନ କରାଯାଇଛି। ସେଣ୍ଟ୍ରାଲ ଲଣ୍ଡନରେ ବ୍ରିଟେନର ଇତିହାସରେ ଏ ପର୍ଯ୍ୟନ୍ତ ସବୁଠାରୁ ବଡ଼ ବିରୋଧ ପ୍ରଦର୍ଶନ ହୋଇଛି। ଏହି ଆନ୍ଦୋଳନରେ ଏକତ୍ରିତ ହୋଇଛନ୍ତି ୧ ଲକ୍ଷରୁ ଅଧିକ ଲୋକ। “ୟୁନାଇଟ ଦି କିଙ୍ଗଡମ” ଶୀର୍ଷକ ରାଲିରେ ବେଆଇନ୍ ପ୍ରବାସୀ ବିରୋଧୀ ପ୍ରଦର୍ଶନ କରାଯାଇଛି। ଯଦିଓ କେତେକ ଆୟୋଜକ ଦାବି କରିଛନ୍ତି ଯେ ଏହି ପ୍ରଦର୍ଶନରେ ପ୍ରାୟ ୧୦ ଲକ୍ଷ ଲୋକ ସାମିଲ ହୋଇଥିଲେ। ଏହି ବିକ୍ଷୋଭର ନେତୃତ୍ୱ ନେଇଛନ୍ତି ଟମି ରବିନସନ।
ଏହାକୁ ବ୍ରିଟେନର ଇତିହାସରେ ସବୁଠାରୁ ବଡ଼ ରାଜନୈତିକ ବିରୋଧ ପ୍ରଦର୍ଶନ ମଧ୍ୟରୁ ଗୋଟିଏ ବୋଲି କୁହାଯାଉଛି। ଏହି ରାଲି ସରକାରଙ୍କ ପ୍ରତି ଅସନ୍ତୋଷ, ବିଶେଷକରି ବେଆଇନ୍ ପ୍ରବାସ ଏବଂ ସେନସରଶିପ ଭଳି ମୁଦ୍ଦାକୁ ନେଇ ଆୟୋଜନ କରାଯାଇଥିଲା।
ପୁଲିସ ଅନୁଯାୟୀ, ରାଲି ସମୟରେ ଅନେକ ପୁଲିସ ଅଧିକାରୀଙ୍କ ଉପରେ ମଧ୍ୟ ଆକ୍ରମଣ କରାଯାଇଥିଲା। ଏହି ରାଲି ‘ସ୍ଟାଣ୍ଡ ଅପ ଟୁ ରେସିଜମ’ ବିରୋଧ ପ୍ରଦର୍ଶନ ସହିତ ଆରମ୍ଭ ହୋଇଥିଲା, ଯେଉଁଥିରେ ପ୍ରାୟ ୫ ହଜାର ଲୋକ ସାମିଲ ହୋଇଥିଲେ। ଏହି ସମୟରେ ହିଂସାତ୍ମକ ସଂଘର୍ଷକୁ ରୋକିବା ପାଇଁ ପୁଲିସକୁ ସାରାଦିନ ବହୁତ ପରିଶ୍ରମ କରିବାକୁ ପଡ଼ିଥିଲା। କିନ୍ତୁ ପରେ ଏଥିରେ ଲକ୍ଷାଧିକ ଲୋକ ସାମିଲ ହୋଇଥିଲେ।
Also Read
ଟମି ରବିନସନ ଏକ୍ସରେ ତାଙ୍କ ପୋଷ୍ଟରେ ଲେଖିଥିଲେ ଯେ ଆମେ ଆମର ସ୍ୱାଧୀନତା ପାଇଁ ସେଣ୍ଟ୍ରାଲ ଲଣ୍ଡନର ରାସ୍ତାରେ ଏକତ୍ରିତ ହୋଇଛୁ। ଏଠାରେ ଲକ୍ଷ ଲକ୍ଷ ଲୋକ ସାମିଲ ହୋଇଛନ୍ତି।
ଟମି ରବିନସନଙ୍କ ନେତୃତ୍ୱରେ ଏହି ପ୍ରବାସୀ ବିରୋଧୀ ବିକ୍ଷୋଭ ବ୍ରିଟେନରେ ପ୍ରବାସୀମାନଙ୍କ ହୋଟେଲ ବାହାରୁ ଆରମ୍ଭ ହୋଇଥିଲା। ଏହି ସମୟରେ ପ୍ରଦର୍ଶନକାରୀମାନେ ବ୍ରିଟେନ ଓ ଯୁକ୍ତରାଜ୍ୟର ପତାକା ଧରିଥିଲେ। ରାଲିରେ ଅନେକ ଲୋକ ଆମେରିକୀୟ ଏବଂ ଇସ୍ରାଏଲୀ ପତାକା ମଧ୍ୟ ଧରିଥିବାର ଦେଖାଯାଇଥିଲା। ଏହି ସମୟରେ ରାଲିରେ ସାମିଲ ଲୋକମାନେ ବ୍ରିଟେନର ପ୍ରଧାନମନ୍ତ୍ରୀ କିୟର ଷ୍ଟାର୍ମରଙ୍କ ବିରୁଦ୍ଧରେ ନାରାବାଜି କରିଥିଲେ ଏବଂ ତାଙ୍କ ବିରୁଦ୍ଧରେ ପ୍ରବାସୀଙ୍କୁ ‘ଘରକୁ ପଠାଅ’ ଲେଖା ଥିବା ପ୍ଲାକାର୍ଡ ମଧ୍ୟ ପ୍ରଦର୍ଶନ କରିଥିଲେ।
ରାଲିରେ ଶାନ୍ତି ରକ୍ଷା କରିବା ସମୟରେ ପୋଲିସ୍ ଭିଡ ନିୟନ୍ତ୍ରଣ କରିବାକୁ ଚେଷ୍ଟା କରୁଥିବା ବେଳେ ବିକ୍ଷୋଭକାରୀଙ୍କ ଆକ୍ରୋଶର ସାମନା ହୋଇଛନ୍ତି। ଏଥିରେ ପ୍ରାୟ ୨୫ ଜଣ ପୋଲିସ୍ ଆହତ ହୋଇଛନ୍ତି।
ଲଣ୍ଡନର ରାସ୍ତାରେ ବିକ୍ଷୋଭର ନେତୃତ୍ବ ନେଉଥିବା ଟମି ରବିନସନଙ୍କ ପୂରା ନାମ ହେଉଛି ଷ୍ଟିଫେନ ୟାକ୍ସଲୀ-ଲେନନ। ସେ ନିଜକୁ ଜଣେ ସାମ୍ବାଦିକ ବୋଲି କହିଥାନ୍ତି। ବ୍ରିଟେନରେ ସେ ବହୁତ ଲୋକପ୍ରିୟ।
