J

ପର୍ଯ୍ୟାୟ କ୍ରମେ ହେବ ରତ୍ନଭଣ୍ଡାର ଗଣତିମଣତି । ଶୃଙ୍ଖଳିତ ଧାଡ଼ି ଦର୍ଶନ ବ୍ୟବସ୍ଥା ଉପରେ ଜୋର୍ । ବଦଳିବ କାଠ ରାମ୍ପ ଡିଜାଇନ୍ । ଶ୍ରୀଜିଉଙ୍କର ସ୍ବର୍ଣ୍ଣ ଅଳଙ୍କାରର ହେବ ନୂଆ ଏକ ସେଟ୍ । ବଢ଼ିଲା ସେବାୟତଙ୍କ ପେନସନ ରାଶି । ଗଜପତି ଦିବ୍ୟସିଂହ ଦେବଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଆଜି ଏଭଳି ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେଇଛି ଶ୍ରୀମନ୍ଦିର ପରିଚାଳନା କମିଟି। ଏଜେଣ୍ଡାର ସର୍ବାଗ୍ରେ ଥିଲା ଶୃଙ୍ଖଳିତ ଦର୍ଶନ ବ୍ୟବସ୍ଥା।

ବୈଠକ ଶେଷରେ ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଛନ୍ତି ନାଟମଣ୍ଡପରେ ଶୃଙ୍ଖଳିତ ଧାଡ଼ି ଦର୍ଶନ ବ୍ୟବସ୍ଥା ଉପରେ ଆଲୋଚନା ହୋଇଛି। କାଠ ରାମ୍ପ୍ ଡିଜାଇନରେ ପରିବର୍ତ୍ତନ, ତ୍ରୁଟି ଶୂନ୍ୟ ଦର୍ଶନ ପାଇଁ ବ୍ୟବସ୍ଥା ସହ ପ୍ରୋଟୋକଲ ଦର୍ଶନ ପାଇଁ ଏକ ଏସଓପି ଅଣାଯିବ। ସେହିପରି ରାଜ୍ୟ ସରକାରଙ୍କ ମାର୍ଗଦର୍ଶିକା ଅନୁସାରେ ରତ୍ନଭଣ୍ଡାର ଅଳଙ୍କାର ଗଣତି ମଣତି କରାଯିବ। ରତ୍ନ ଅଳଙ୍କାର ଗୁଡିକର ଡିଜିଟାଇଜେସନ ବି ହେବ। ବିଭିନ୍ନ ପର୍ଯ୍ୟାୟରେ ଗଣତି ମଣତି କରାଯାଇ ଅକ୍ଷୟ ତୃତୀୟା ପୂର୍ବରୁ ଏହା ସାରିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି।…ଅନ୍ୟ ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ମୁତାବକ ସ୍ବର୍ଣ୍ଣ ଅଳଙ୍କାର ଦାନ ଯୋଜନାରେ ଶ୍ରୀଜୀଉଙ୍କ ନୂଆ ସ୍ବର୍ଣ୍ଣ ଅଳଙ୍କାର ସେଟ୍ କରାଯିବା ପ୍ରସ୍ତାବ ଉପରେ ମୋହର ବାଜିଛି।…