ନୂଆଦିଲ୍ଲୀ / ତେହେରାନ: ହର୍ମୁଜ୍ ପ୍ରଣାଳୀ (Strait of Hormuz) ନିକଟରେ ଦୁଇଟି ଭାରତୀୟ ପତାକାବାହୀ ତୈଳ ଜାହାଜ (ଟ୍ୟାଙ୍କର) ଉପରେ ହୋଇଥିବା ଆକ୍ରମଣ ଅଭିଯୋଗକୁ ନେଇ ଭାରତରେ ଥିବା ଇରାନର ସର୍ବୋଚ୍ଚ ନେତାଙ୍କ ପ୍ରତିନିଧି ଶନିବାର ପ୍ରତିକ୍ରିୟା ରଖିଛନ୍ତି। ଏହି ଘଟଣା ସମ୍ପର୍କରେ ସେ ଅବଗତ ନାହାନ୍ତି ବୋଲି ପ୍ରତିନିଧି ଡ. ଅବଦୁଲ ମାଜିଦ୍ ହକିମ୍ ଇଲାହି କହିଥିଲେ ମଧ୍ୟ ଭାରତ ଏବଂ ଇରାନ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ‘ବହୁତ ଦୃଢ଼’ ରହିଛି ବୋଲି ସେ ସ୍ପଷ୍ଟ କରିଛନ୍ତି।
#WATCH | Hyderabad | On the shooting incident involving two Indian-flagged ships in the Strait of Hormuz, Dr Abdul Majid Hakeem Ilahi, representative of Iran’s Supreme Leader in India, says, “The relationship between Iran and India is very strong and I don’t know anything about… pic.twitter.com/KdsLQBkbmw
— ANI (@ANI) April 18, 2026
ଭାରତକୁ ମିଳୁଛି ସୁସମ୍ପର୍କର ଫାଇଦା
- ଡ. ଇଲାହି କହିଛନ୍ତି ଯେ ଇରାନ ସହ ଥିବା ଏହି ସୁସମ୍ପର୍କରୁ ନୂଆଦିଲ୍ଲୀ ବେଶ୍ ଲାଭବାନ ହେଉଛି।
- ଏହାର ଉଦାହରଣ ଦେଇ ସେ ଦର୍ଶାଇଛନ୍ତି ଯେ ଭାରତର ତୈଳବାହୀ ଜାହାଜଗୁଡ଼ିକ କିପରି ସୁରକ୍ଷିତ ଭାବେ ହର୍ମୁଜ୍ ପ୍ରଣାଳୀ ଦେଇ ଯାତାୟାତ କରିପାରୁଛନ୍ତି।
‘ଯୁଦ୍ଧ ନୁହେଁ, ଶାନ୍ତି ଚାହେଁ ଇରାନ’
ତୈଳ ଜାହାଜ ଉପରେ ଆକ୍ରମଣ ପ୍ରସଙ୍ଗରେ ଡ. ଇଲାହି ଗଣମାଧ୍ୟମକୁ କହିଛନ୍ତି, “ଇରାନ ଏବଂ ଭାରତ ମଧ୍ୟରେ ସମ୍ପର୍କ ଅତ୍ୟନ୍ତ ମଜବୁତ। ଆପଣ ଯେଉଁ ଘଟଣା ବିଷୟରେ ଉଲ୍ଲେଖ କରୁଛନ୍ତି, ସେ ବିଷୟରେ ମୁଁ କିଛି ଜାଣିନାହିଁ। ଆମେ ଆଶା କରୁଛୁ ଯେ ସବୁକିଛି ଠିକ୍ ହୋଇଯିବ ଏବଂ ଯାହା ବି ସମସ୍ୟା ଅଛି ଏହାର ସମାଧାନ ବାହାରିବ।”
