I

ICC ମହିଳା ବିଶ୍ୱକପ୍ ବିଜୟ ପରେ ଶୁଭେଚ୍ଛା ଜଣାଇଲେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ । ଏହି ମୁହୂର୍ତ୍ତ ମହିଳା କ୍ରିକେଟର ପ୍ରଦର୍ଶନକୁ ଉଚ୍ଚକୋଟୀର କରିବ । ଆମ ଝିଅ ମାନେ ଯେପରି ଭାରତକୁ ଗର୍ବିତ କଲେ ତାକୁ ମୁଁ ପ୍ରଶଂସା ନକରି ରହିପାରୁନି ବୋଲି କହିଛନ୍ତି ରାଷ୍ଟ୍ରପତି । 
ସେହିପରି ପ୍ରଧାନମନ୍ତ୍ରୀ ମୋଦି କହିଛନ୍ତି, ମହିଳା କ୍ରିକେଟ ବିଶ୍ୱକପ୍ ଫାଇନାଲରେ ଭାରତୀୟ ଦଳର ଏକ ଚମତ୍କାର ବିଜୟ। ଫାଇନାଲରେ ଆମ ଖେଳାଳିଙ୍କର ପ୍ରଦର୍ଶନ ବେଶ ଭଲ ଥିଲା । ସାରା ଟୁର୍ଣ୍ଣାମେଣ୍ଟରେ ଟିମ୍ ୱାର୍କ ଦେଖିବାକୁ ମିଳିଥିଲା । ଏହି ଐତିହାସିକ ବିଜୟ ଭବିଷ୍ୟତର ଚାମ୍ପିଅନମାନଙ୍କୁ ପ୍ରେରଣା ଯୋଗାଇବ ବୋଲି କହିଛନ୍ତି ପ୍ରଧାନମନ୍ତ୍ରୀ । ସେପଟେ ମହିଳା ଟିମକୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । 
ଅନ୍ୟପଟେ ଭାରତୀୟ ମହିଳା ଟିମର ବିଶ୍ୱକପ୍ ବିଜୟ ପରେ ସାରା ଦେଶରେ ସେଲିବ୍ରେସନ । ବିଜୟ ଖୁସିରେ ବାଣ ଫୁଟାଇ ନାଚ ଗୀତରେ ମସଗୁଲ୍ କ୍ରିକେଟ୍ ପ୍ରେମୀ । ଭାରତୀୟ ଟିମରେ ଖେଳୁଥିବା ଶେଫାଳି ବର୍ମା ଓ କ୍ରାନ୍ତି ଗୌଡ଼ଙ୍କ ପରିବାର ଲୋକେ ମଧ୍ୟ ବିଜୟକୁ ସେଲିବ୍ରେସନ କରିଛନ୍ତି ।
•    ଶୁଭେଚ୍ଛା ଜଣାଇଲେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ 
•    ‘ଏହି ମୁହୂର୍ତ୍ତ ମହିଳା କ୍ରିକେଟର ପ୍ରଦର୍ଶନକୁ ଉଚ୍ଚକୋଟୀର କରିବ’
•    ଆମ ଝିଅମାନେ ଭାରତକୁ ଗର୍ବିତ କରିଛନ୍ତି 
•    ତାକୁ ମୁଁ ପ୍ରଶଂସା ନକରି ରହିପାରୁନି – ରାଷ୍ଟ୍ରପତି
•    ଭାରତର ମହିଳା ବିଶ୍ୱକପ୍ ବିଜୟ ପରେ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ
•    ଭାରତର ବିଜୟକୁ ଚମତ୍କାର କହିଲେ ପ୍ରଧାନମନ୍ତ୍ରୀ
•    ଏହି ଐତିହାସିକ ବିଜୟ ଭବିଷ୍ୟତର ଚାମ୍ପିଅନମାନଙ୍କୁ ପ୍ରେରଣା ଦେବ
•    ମହିଳା ଟିମକୁ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ