ନୂଆଦିଲ୍ଲୀ – ଇଣ୍ଡିଆନ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲଜି , ଆଇଆଇଟି ଗୌହାଟୀ, ଇଞ୍ଜିନିୟରିଂ( GATE 2026) ରେ ଗ୍ରାଜୁଏଟ୍ ଆପ୍ଟିଟ୍ୟୁଡ୍ ଟେଷ୍ଟ ପାଇଁ ପଞ୍ଜୀକରଣ ପ୍ରକ୍ରିୟା ୨୫ ଅଗଷ୍ଟରୁ ଆରମ୍ଭ କରିବ। ଏହା ପୂର୍ବରୁ, ସଂସ୍ଥା GATE 2026 ସୂଚନା ବିବରଣୀ ( information brochure) ଜାରି କରି ଦେଇଛି। ଏଥିରେ ପରୀକ୍ଷାର ସବୁ ସୂଚନା ଭଳି ତାରିଖ , ଯୋଗ୍ୟତା ମାନଦଣ୍ଡ , ପଞ୍ଜୀକରଣ ମାନଦଣ୍ଡ, ପାଠ୍ୟକ୍ରମ, ପରୀକ୍ଷା କେନ୍ଦ୍ର ଆଦି ଅନ ଅଛି।
ପଞ୍ଜୀକରଣ ପ୍ରକ୍ରିୟା ୨୫ ସେପ୍ଟେମ୍ୱରରେ ସମାପ୍ତ ହେବ , କିନ୍ତୁ ପ୍ରାର୍ଥୀ ୬ ଅକ୍ଟୋବର ସୁଦ୍ଧା ( ବିଳମ୍ୱ ଶୁଳ୍କ ସହ ) ଆବେଦନ କରି ପାରିବେ। GATE 2026 ପରୀକ୍ଷା ୭,୮,୧୪ ଓ ୧୫ ଫେବ୍ରୁଆରୀରେ ଦୁଇଟି ପର୍ଯ୍ୟାୟରେ ଆୟୋଜିତ କରାଯିବ। ଫଳାଫଳ ୧୯ ମାର୍ଚ୍ଚ , ୨୦୨୬ରେ ପ୍ରକାଶିତ ହେବ।
ଚଳିତ ବର୍ଷ କଣ ପରିବର୍ତ୍ତନ ହୋଇଛି ?
– ଆଇଆଇଟି ଗୌହାଟୀ ଗେଟ୍ ୨୦୨୬ ଆବେଦନ ଶୁଳ୍କରେ ସଂଶୋଧନ କରିଛି।
– ଗେଟ୍ ଇଞ୍ଜିନିୟରିଂ ବିଜ୍ଞାନ ପେପରର ଅନ୍ତର୍ଗତ ଏକ ନୂଆ ସେକ୍ସନାଲ ପେପର( Energy Science –XE -I) ପ୍ରଦାନ କରାଯାଇଛି।
GATE 2026 ପାଇଁ ଆବେଦନ କେମିତି କରିବେ –
୧- ଯୋଗ୍ୟ ପ୍ରାର୍ଥୀ ଅଫିସିଆଲ ୱେବସାଇଟ୍କୁ ଯାଆନ୍ତୁ ।
୨- ହୋମପେଜ୍ରେ, ପ୍ରାର୍ଥୀଙ୍କୁ ଆବେଦନ ପତ୍ର ଲିଙ୍କ୍ରେ କ୍ଲିକ୍ କରିବାକୁ ହେବ।
୩-ପରବର୍ତ୍ତୀ ପର୍ଯ୍ୟାୟରେ , ପ୍ରାର୍ଥୀଙ୍କୁ ଆବଶ୍ୟକ ବିବରଣୀ ପ୍ରଦାନ କରି ନିଜକୁ ପଞ୍ଜୀକୃତ କରିବାକୁ ହେବ।
୪- ସେମାନଙ୍କୁ ପଞ୍ଜୀକୃତ ଇମେଲ ଆଇଡିରେ GATE ନାମାଙ୍କନ ଆଇଡି ଓ ପାସୱାର୍ଡ ପ୍ରାପ୍ତ ହେବ ।
୫- ସେମାନଙ୍କୁ ସମସ୍ତ ତଥ୍ୟ ଭରିବାକୁ ହେବ ଏବଂ ଆବଶ୍ୟକୀୟ କାଗଜପତ୍ର ଅପଲୋଡ୍ କରିବାକୁ ହେବ।
୬- GATE ଆବେଦନ ଶୁଳ୍କର ପେମେଣ୍ଟ କରନ୍ତୁ ଏବଂ ଫର୍ମ ଜମା କରନ୍ତୁ ।
୭- ଭବିଷ୍ୟତରେ ରେଫରେନ୍ସ ପାଇଁ ଏହାର ପ୍ରିଣ୍ଟଆଇଟ୍ ପାଖରେ ରଖନ୍ତୁ ।
GATE 2026 ପାଇଁ ଆବେଦନ ଶୁଳ୍କର ବିବରଣୀ ଓ ପୂରା ସିଡ୍ୟୁଲ୍ ଜାଣିବା ପାଇଁ ଏହି ଲିଙ୍କ୍ କ୍ଲିକ୍ କରନ୍ତୁ
