G

ଗ୍ରେଟର ବେଙ୍ଗାଲୁରୁର ରାସ୍ତାରେ ଅଳିଆ ଫିଙ୍ଗୁଥିବା ଲୋକମାନେ ଏବେ ଅସୁବିଧାରେ ପଡ଼ିବେ । ଯେଉଁମାନେ ନିଜ ଘରର ଅଳିଆ ରାସ୍ତାରେ ଫିଙ୍ଗି ଦେଉଛନ୍ତି, ସେମାନେ ଟିକେ ସତର୍କ ହେଇ ଯାଆନ୍ତୁ । ଏପରି ଲୋକଙ୍କୁ ଶିକ୍ଷା ଦେବା ପାଇଁ, ଗ୍ରେଟର ବେଙ୍ଗାଲୁରୁ ପ୍ରାଧିକରଣ (GBA) ଏକ ସ୍ୱତନ୍ତ୍ର ଅଭିଯାନ ଆରମ୍ଭ କରିଛି। ଏହି ପଦକ୍ଷେପ ଅଧୀନରେ, GBA ରାସ୍ତାରେ ଅଳିଆ ଫିଙ୍ଗୁଥିବା ଲୋକଙ୍କ ଘରକୁ ଅଳିଆ ପଠାଇବ । 

ଅଳିଆ ଆବର୍ଜନା ପକାଉଥିବା ଲୋକଙ୍କୁ ମିଳିବ ରିଟର୍ଣ୍ଣ ଉପହାର

ବେଙ୍ଗାଲୁରୁ ସଲିଡ୍ ୱେଷ୍ଟ ମ୍ୟାନେଜମେଣ୍ଟ ଲିମିଟେଡ୍ (BSWML)ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (CEO) କାରିଗୌଡା ଏକ ସାକ୍ଷାତକାରରେ କହିଛନ୍ତି “ବେଙ୍ଗାଲୁରୁରେ, ଆମର ପ୍ରାୟ 5,000 ଯାନ ଅଛି ଯେଉଁମାନେ ଘରକୁ ଶୁଖିଲା ଏବଂ ଓଦା ଅଳିଆ ସଂଗ୍ରହ କରିବାକୁ ଯାଆନ୍ତି। ଏହା ସତ୍ତ୍ୱେ, ଅନେକ ଲୋକ ରାସ୍ତାରେ ଅଳିଆ ଫିଙ୍ଗି ଦିଅନ୍ତି।” 

କାରିଗୌଡାଙ୍କ ଅନୁଯାୟୀ, ସେମାନେ ନିରୀକ୍ଷଣ ପାଇଁ CCTV କ୍ୟାମେରା ମଧ୍ୟ ଲଗାଇଛନ୍ତି । BSWML ରାସ୍ତାରେ ଅଳିଆ ଫିଙ୍ଗୁଥିବା ଲୋକଙ୍କର ଅନେକ ଭିଡିଓ ପାଇଛି। 
ସେ କହିଛନ୍ତି, “ଏହି ପଦକ୍ଷେପ ରାସ୍ତାରେ ଅଳିଆ ନ ଫିଙ୍ଗିବା ବିଷୟରେ ସଚେତନତା ସୃଷ୍ଟି କରିବା ପାଇଁ ଏକ ପ୍ରକାରର ପ୍ରତିଦାନ ଉପହାର।”

କାଡିଗୌଡା କହିଛନ୍ତି ଯେ ଅଳିଆ ସେମାନଙ୍କୁ ଘରକୁ ପଠାଇବା ସହ 2,000 ଟଙ୍କା ଜରିମାନା ମଧ୍ୟ ଲାଗୁ କରାଯିବ। ଏହି ପଦକ୍ଷେପକୁ ସୋସିଆଲ ମିଡିଆରେ ବିଭିନ୍ନ ପ୍ରତିକ୍ରିୟା ମିଳିଛି। ଏହି ପ୍ରତିକ୍ରିୟା ବିଷୟରେ କାଡିଗୌଡା କହିଛନ୍ତି, “ଏହା କୌଣସି ଅଜବ କାର୍ଯ୍ୟକଳାପ ନୁହେଁ। ଆମର କର୍ମୀମାନେ ଘର ଘର ବୁଲି ଲୋକଙ୍କୁ ଅଳିଆ ପୃଥକୀକରଣ ବିଷୟରେ ଶିକ୍ଷା ଦେଉଛନ୍ତି। ଆମେ ସୋସିଆଲ ମିଡିଆରେ ଲୋକଙ୍କୁ ସଚେତନ କରୁଛୁ ଏବଂ ରାସ୍ତାରେ ଅଳିଆ ନ ଫିଙ୍ଗିବା ପାଇଁ ଲୋକଙ୍କୁ ଅନୁରୋଧ କରୁଛୁ।” ତଥାପି ଅନେକ ଲୋକ ଗାଡ଼ିରେ ଅଳିଆ ନଦେଇ ରାସ୍ତାରେ ଫିଙ୍ଗୁଛନ୍ତି ।