ନୂଆଦିଲ୍ଲୀ: ଭାରତୀୟ ରିଜର୍ଭ ବ୍ୟାଙ୍କ ୫୦୦ ଏବଂ ୧୦୦୦ ଟଙ୍କିଆ ନୋଟ୍ ବଦଳାଇବା ପାଇଁ ଏକ ନୂତନ ନିୟମ ପ୍ରଚଳନ କରିଛି । କିଛି ସମୟ ଧରି ହ୍ୱାଟସଆପରେ ସମାନ ଏକ ବାର୍ତ୍ତା ଘୂରି ବୁଲୁଛି । ଯଦି ଆପଣ ଆପଣଙ୍କ ମୋବାଇଲ୍ ଫୋନରେ ₹୫୦୦ ଏବଂ ₹୧୦୦୦ ନୋଟ୍ ବଦଳାଇବାକୁ କହୁଥିବା ସମାନ ବାର୍ତ୍ତା ପାଉଛନ୍ତି । ତେବେ ସତର୍କ ରୁହନ୍ତୁ ।
Has RBI really announced ‘new rules’ for exchanging old ₹500 & ₹1000 notes❓
Some news reports claim that the Reserve Bank of India (@RBI) has issued new guidelines to exchange discontinued currency notes.#PIBFactCheck
❌ This claim is FAKE!
❌RBI has made NO such… pic.twitter.com/8ph2mlCrLT
— PIB Fact Check (@PIBFactCheck) April 17, 2026
PIB ଫ୍ୟାକ୍ଟ ଚେକ୍ ଟିମ୍ ସ୍ପଷ୍ଟ କରିଛି ଯେ RBI ଏପରି କୌଣସି ନୂତନ ନିୟମ ଜାରି କରିନାହିଁ । ଏଥିରେ ଏହା ମଧ୍ୟ କୁହାଯାଇଛି ଯେ ପୁରୁଣା ନୋଟ୍ ବଦଳାଇବା ପୁନଃସ୍ଥାପିତ ହୋଇନାହିଁ । ଯଦି କେହି ଅନ୍ୟଥା ଦାବି କରୁଛନ୍ତି, ତେବେ ଆପଣଙ୍କୁ ସତର୍କ ରହିବାକୁ ପଡିବ। ନଚେତ୍ ଆପଣ ହୋଇପାରନ୍ତି ସାଇବର ସ୍କାମର ଶିକାର ।
Also Read…‘କିଛି ସୀମା କେବେବି ଉଲ୍ଲଙ୍ଘନ କରିବା ଉଚିତ୍ ନୁହେଁ’, ପାକିସ୍ତାନକୁ ଅଲଟିମେଟମ୍ ଦେଲା ସେନା
୫୦୦ ଏବଂ ୧୦୦୦ ଟଙ୍କିଆ ନୋଟ୍ ସମ୍ପର୍କିତ ଏହି ବାର୍ତ୍ତା ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି । ଏଥିରେ କୁହାଯାଇଛି ଯେ ଲୋକମାନେ ଏବେ ସେମାନଙ୍କର ପୁରୁଣା ନୋଟ୍ ପୁଣି ଜମା କରିପାରିବେ କିମ୍ବା ବଦଳାଇପାରିବେ । କିନ୍ତୁ ସତ୍ୟ ହେଉଛି ଯେ ୨୦୧୬ରେ ବିମୁଦ୍ରାକରଣ ପରେ ଏହି ନୋଟଗୁଡ଼ିକୁ ସମ୍ପୂର୍ଣ୍ଣ ବନ୍ଦ କରିଦିଆଯାଇଛି । ଏବେ ସେଗୁଡ଼ିକୁ ବଦଳାଇବାର କୌଣସି ଅନୁମତି ନାହିଁ।
