ନୂଆଦିଲ୍ଲୀ: ଜାପାନରେ ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ । ରିକ୍ଟର ସ୍କଲରେ ଯାହାର ତୀବ୍ରତା ୭.୪ ଥିବା ରେକର୍ଡ ହୋଇଛି । ଭୂକମ୍ପର କେନ୍ଦ୍ରସ୍ଥଳ ସୈନରିକୁ ଉପକୂଳରୁ ପ୍ରାୟ ୧୦୦ କିଲୋମିଟର ଦୂରରେ ଅବସ୍ଥିତ ଥିଲା । ଭୂକମ୍ପର ଗଭୀରତା ୧୦ କିଲୋମିଟର ବୋଲି ଆକଳନ କରାଯାଇଥିଲା । ଭୂମିକମ୍ପ ପରେ ଜାପାନ ହାଇ ଆଲର୍ଟରେ ଜାରି ହୋଇଛି । ସେପଟେ ବୁଲେଟ ଟ୍ରେନ୍ ଟଳାଚଳ ପ୍ରଭାବିତ ହୋଇଛି ।
ଜାପାନ ପାଣିପାଗ ସଂସ୍ଥା କହିଛି ଯେ ହୋକାଇଡୋ ଓ ଇୱାଟେ ପାଇଁ ସୁନାମୀ ଆଲର୍ଟ ଜାରି କରାଯାଇଛି । ତେବେ ଭୂକମ୍ପ ହୋଇଥିବା ସ୍ଥାନରେ ଉଦ୍ଧାର କାର୍ଯ୍ୟ ଜାରି ରହିଛି । ଜାପାନରେ ୭ରୁ ଅଧିକ ତୀବ୍ରତାର ଭୂମିକମ୍ପକୁ ଗମ୍ଭୀରତାର ସହ ନିଆଯାଇଥାଏ । ସେଥିପାଇଁ ସୁନାମୀ ଆଲର୍ଟ ଜାରି କରାଯାଇଛି।ଜାପାନର ସାର୍ବଜନୀନ ପ୍ରସାରକ NHK କହିଛି ଯେ ପାଣିପାଗ ବିଜ୍ଞାନୀମାନେ ଜାପାନର ମୁଖ୍ୟ ଦ୍ୱୀପର ଉତ୍ତର ଭାଗରେ ଅବସ୍ଥିତ ଆଓମୋରି ପ୍ରିଫେକ୍ଚରର ଉପକୂଳରୁ ୫୦ କିଲୋମିଟର ଦୂରରେ ସୁନାମୀ ସ୍ପଷ୍ଟ ହୋଇଛି । ଏହି କାରଣରୁ ଜାପାନକୁ ହାଇ ଆଲର୍ଟରେ ରଖାଯାଇଛି ।
🇯🇵 Earthquakes have struck Hokkaido, Aomori, and Iwate in Japan, with a tsunami warning currently in effect.
Fishing vessels are evacuating offshore.
A 7.4 magnitude quake occurred offshore at a depth of 10 km, with a tsunami warning of 3m for Iwate and Hokkaido. pic.twitter.com/NWdExi4sz1
— Visegrád 24 (@visegrad24) April 20, 2026
ସୁନାମୀ ସତର୍କତା ପରେ, ସମୁଦ୍ରର ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଜାହାଜ ସବୁ କୂଳକୁ ଧାଇଁ ଆସୁଥିବା ଦେଖାଯାଉଛି।ଶକ୍ତିଶାଳୀ ଭୂମିକମ୍ପ ପରେ, ଜାପାନର ପରମାଣୁ ଶକ୍ତି କେନ୍ଦ୍ରଗୁଡ଼ିକରେ ସୁରକ୍ଷା ବ୍ୟବସ୍ଥା ବୃଦ୍ଧି କରାଯାଇଛି । ରିପୋର୍ଟ ଅନୁଯାୟୀ, ସ୍ଥାନୀୟ ବୈଜ୍ଞାନିକମାନେ ଓନାଗାୱା ପରମାଣୁ ଶକ୍ତି କେନ୍ଦ୍ରରେ କୌଣସି ଅସାଧାରଣତା ଯାଞ୍ଚ କରୁଛନ୍ତି।
Also Read…ଜାପାନରେ ଶକ୍ତିଶାଳୀ ଭୂକମ୍ପ ଝଟକା, ପିଏମ୍ ତାକାଇଚି କହିଲେ-ଆଲର୍ଟ ରୁହନ୍ତୁ, ପୁଣି ଆସିପାରେ ଭୂକମ୍ପ
ଜାପାନର ପ୍ରଧାନମନ୍ତ୍ରୀ ସାନାଏ ତାକାଇଚି ଲୋକମାନଙ୍କୁ ସୁରକ୍ଷିତ ସ୍ଥାନକୁ ଯିବାକୁ ଅନୁରୋଧ କରିଛନ୍ତି । ଏହି ସଙ୍କଟ ସମୟରେ ସେ ଜନସାଧାରଣଙ୍କୁ ଧୈର୍ଯ୍ୟ ଧରିବାକୁ ମଧ୍ୟ ନିବେଦନ କରିଛନ୍ତି।ଜାପାନରେ ଏତେ ଭୂମିକମ୍ପ କାହିଁକି ?ଏହି ବର୍ଷ, ଜାପାନରେ ୬ ରୁ ଅଧିକ ତୀବ୍ରତାର ତିନି ଥର ଭୂମିକମ୍ପ ଅନୁଭୂତ ହୋଇଛି ।
୨୦୨୫ରେ, ଜାପାନରେ ୧,୫୦୦ରୁ ଅଧିକ ଭୂମିକମ୍ପ ଅନୁଭୂତ ହୋଇଥିଲା। ପ୍ରଶ୍ନ ହେଉଛି, ଜାପାନରେ ଏତେ ଭୂମିକମ୍ପ କାହିଁକି ଅନୁଭୂତ ହୁଏ?ଜାପାନ ହେଉଛି ଚାରୋଟି ପ୍ରମୁଖ ଟେକ୍ଟୋନିକ୍ ପ୍ଲେଟରେ ଅବସ୍ଥିତ ଏକ ଦେଶ । ଯାହା ପ୍ରଶାନ୍ତ ମହାସାଗରର ଅଗ୍ନି ବଳୟର ଅଂଶ । ଏହିଠାରେ ପୃଥିବୀ ତଳେ ଥିବା ପ୍ଲେଟଗୁଡ଼ିକ ପରସ୍ପର ସହିତ ନିରନ୍ତର ପାରସ୍ପରିକ କ୍ରିୟା କରୁଛନ୍ତି। ଏହି କାରଣରୁ ପ୍ରତିବର୍ଷ ଏଠାରେ ପ୍ରାୟ ୧,୫୦୦ ଭୂମିକମ୍ପ ରେକର୍ଡ କରାଯାଏ।
