ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କ ସିଭିଲ ଲାଇନ ସ୍ଥିତ ବାସଭବନରେ ଜନ ଅଭିଯୋଗ ଶୁଣାଣି ବେଳେ ତାଙ୍କୁ ଆକ୍ରମଣ କରିଥିଲେ ଜଣେ ଯୁବକ। ସେ ଗୁଜରାଟର ରାଜକୋଟ ଅଞ୍ଚଳର ବାସିନ୍ଦା ବୋଲି ଜଣା ପଡିଛି।
ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କୁ ଆକ୍ରମଣ । ଜନ ଶୁଣାଣି ଚାଲିଥିବା ବେଳେ ଅଭିଯୋଗ ନେଇ ଆସିଥିବା ଜଣେ ଯୁବକ ମୁଖ୍ୟମନ୍ତ୍ରୀଙ୍କୁ ଆକ୍ରମଣ କରିଥିବା ସୂଚନା ମିଳିଛି । ପୋଲିସ ସଂପୃକ୍ତ ଯୁବକଙ୍କୁ ଗିରଫ କରି ପଚରାଉଚରା ଚଳାଇଛି । ଜନ ଶୁଣାଣି ରେଖା ଗୁପ୍ତାଙ୍କ ସିଭିଲ ଲାଇନ ସ୍ଥିତ ବାସଭବନରେ ଚାଲିଥିଲା। ତେବେ ଆକ୍ରମଣକାରୀ ଯୁବକ ଜଣକ ରାଜେଶ ଖିମଜୀ ବୋଲି ଜଣାପଡ଼ିଛି । ସେ ଗୁଜରାଟ ରାଜକୋଟ ଅଞ୍ଚଳର । ତେବେ ସଂପୃକ୍ତ ବ୍ୟକ୍ତି ନିଜ ପରିଚୟ ଠିକ୍ ଦେଇଛି ନା ନାହିଁ ତାହାର ଯାଂଚ କରୁଛି ଦିଲ୍ଲୀ ପୋଲିସ । ଦିଲ୍ଲୀ ବିଜେପି ପକ୍ଷରୁ ଘଟଣାକୁ ନିନ୍ଦା କରାଯାଇଛି ।
ଘଟଣାର ତଦନ୍ତ ହେଲେ ଏହି ଆକ୍ରମଣ ପଛରେ କିଏ ଅଛି ଜଣାପଡ଼ିବ ବୋଲି କହିଛନ୍ତି ଦିଲ୍ଲୀ ବିଜେପି ମୁଖ୍ୟ ବୀରେନ୍ଦ୍ର ସଚ୍ଚଦେବା । ଘଟଣାକୁ ଦୁର୍ଭାଗ୍ୟଜନକ ବୋଲି କହିଛି କଂଗ୍ରେସ । ସୂଚନା ଅନୁଯାୟୀ ଅଭିଯୁକ୍ତ ଜଣକ ମୁଖ୍ୟମନ୍ତ୍ରୀଙ୍କୁ ଅଭିଯୋଗ କାଗଜ ବଢ଼ାଇବା ବେଳେ ଆକ୍ରମଣ କରିଥିଲା । କାଗଜ ଦେବା ବାହାନାରେ ମୁଖ୍ୟମନ୍ତ୍ରୀଙ୍କ ହାତ ଧରି ଟାଣି ଦେଇଥିଲା । ଫଳରେ ରେଖା ଗୁପ୍ତା ଆହତ ହୋଇଛନ୍ତି । ତାଙ୍କୁ ତୁରନ୍ତ ଡାକ୍ତର ପରୀକ୍ଷା କରି ଚିକିତ୍ସା କରିଥିଲେ । ତେବେ ମୁଖ୍ୟମନ୍ତ୍ରୀ ରେଖାଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଥିବା ଜଣାପଡ଼ିଛି ।
ପ୍ରାଥମିକ ପଚରାଉଚରାରୁ ଜଣାପଡିଛି ଯେ ଅଭିଯୁକ୍ତ ଜଣକ ରାଜକୋଟର ୪୧ ବର୍ଷୀୟ ବାସିନ୍ଦା ରାଜେଶ ଭାଇ ଖିମଜୀ ଭାଇ ସାକାରିଆ ଭାବରେ ଚିହ୍ନଟ କରାଯାଇଛି। ସୂତ୍ର ଅନୁସାରେ, ତାଙ୍କର ଜଣେ ସମ୍ପର୍କୀୟ ଜେଲରେ ଅଛନ୍ତି, ଏବଂ ସେ ତାଙ୍କର ମୁକ୍ତି ପାଇଁ ଏକ ଆବେଦନ ନେଇ ଆସିଥିଲେ, ଯାହା ବର୍ତ୍ତମାନ କୋର୍ଟରେ ବିଚାରାଧୀନ ଅଛି।
Also Read
ରାଜକୋଟ ପୋଲିସ ତାଙ୍କ ମାଆଙ୍କୁ ପଚରାଉଚରା ପାଇଁ ନେଇଛି। ସେ କହିଛନ୍ତି ଯେ ତାଙ୍କ ପୁଅ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ବାସଭବନକୁ ଆସିବ ବୋଲି ସେ ଜାଣି ନଥିଲେ। ସେ ପ୍ରକାଶ କରିଛନ୍ତି ଯେ ବୁଲା କୁକୁର ସମ୍ପର୍କିତ ରାୟ ପରେ ସେ ଦିଲ୍ଲୀ ଯାତ୍ରା କରିଥିଲେ ଏବଂ ତାଙ୍କୁ ମାନସିକ ରୋଗୀ ବୋଲି ବର୍ଣ୍ଣନା କରି କହିଥିଲେ ଯେ ସେ ଜଣେ ପଶୁପ୍ରେମୀ। ସେ ଏହା ମଧ୍ୟ କହିଛନ୍ତି ଯେ ସେ ପୂର୍ବରୁ ଏକା ଦିଲ୍ଲୀ ଯାତ୍ରା କରିଥିଲେ। ଅଭିଯୁକ୍ତ ରାଜେଶ ସାକାରିଆ, ଜଣେ ରିକ୍ସା ଚାଳକ।
“ତାଙ୍କର ମନ ଏପରି – ସେ ଯେକୌଣସି ବ୍ୟକ୍ତିଙ୍କୁ ମାରନ୍ତି। ସେ ମୋତେ ମଧ୍ୟ ପିଟିଛନ୍ତି; ମୁଁ ୧୫ ଦିନ ପାଇଁ ବାହାରକୁ ଚାଲି ଯାଇଥିଲି। ତାଙ୍କର ମାନସିକ ସମସ୍ୟା ଅଛି, କିନ୍ତୁ ସେ କେବେ କୌଣସି ଔଷଧ ଖାଆନ୍ତି ନାହିଁ। ସେ ପଶୁମାନଙ୍କୁ ଭଲ ପାଆନ୍ତି, ଏବଂ କୁକୁରମାନଙ୍କ ବିଷୟରେ ଖବର ପାଇବା ପରେ, ସେ ବିଚଳିତ ହୋଇଯାଇଥିଲେ। ସେ ଘରେ ସମସ୍ତଙ୍କୁ ପିଟୁଥିଲେ; ତାଙ୍କର ସ୍ୱଭାବ ଏପରି ହୋଇଯାଇଥିଲା,” ବୋଲି ଅଭିଯୁକ୍ତର ମାଆ କହିଛନ୍ତି।
ଅଧିକ ପଢନ୍ତୁ: ସଂସଦରେ ଆସିବ ବଡ଼ ବିଲ୍; ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ଓ ମନ୍ତ୍ରୀ ବି ବାଦ ପଡ଼ିବେନି, ଜାଣନ୍ତୁ କ’ଣ
