୫୯ ଲକ୍ଷ ଟଙ୍କା ଦିଅ । ନହେଲେ ମନ୍ଦିରକୁ ବୋମା ପକାଇ ଉଡାଇ ଦେବୁ । ବରାଳ ବାଲୁଙ୍କେଶ୍ୱର ମନ୍ଦିର ସେବାୟତଙ୍କୁ ଆସିଛି ଧମକପୂର୍ଣ୍ଣ ମେସେଜ ସହ ଫୋନ୍ କଲ୍ ।
Published By: Ruby – Prameya-News7 Bureau | April 18, 2026 04:04 PM
NEWS7
ସାକ୍ଷୀଗୋପାଳ ୧୮।୪: ସାକ୍ଷୀଗୋପାଳ ବରାଳ ବାଲୁଙ୍କେଶ୍ୱର ମନ୍ଦିରକୁ ବୋମା ପକାଇ ଉଡାଇ ଦେବାକୁ ସେବାୟତଙ୍କୁ ଖୋଲା ଖୋଲି ଧମକ । ୫୯ ଲକ୍ଷ ଟଙ୍କା ନଦେଲେ ସୋମବାର ଦିନ ସମ୍ପୂର୍ଣ୍ଣ ମନ୍ଦିରକୁ ବୋମା ପକାଇ ଉଡାଇ ଦେବାକୁ ଧମକ ମିଳିଛି । ଏହି ଧମକପୂର୍ଣ୍ଣ ମେସେଜ ସହ ଫୋନ୍ କଲ ଆସିଛି ବରାଳ ବାଲୁଙ୍କେଶ୍ୱର ମନ୍ଦିର ସେବାୟତ ସତ୍ୟବ୍ରତ ମହାପାତ୍ରଙ୍କୁ । ଏବାବଦରେ ସାକ୍ଷୀଗୋପାଳ ଥାନାରେ ଲିଖିତ ଅଭିଯୋଗ କରିଛନ୍ତି ମନ୍ଦିର କାର୍ଯ୍ୟ ନର୍ବାହୀ ଅଧିକାରୀ ଲକ୍ଷ୍ମୀଧର ପଣ୍ଡା ।
Also Read:- Odia Youth Arrested in Terror Link: ଆତଙ୍କବାଦୀ ଲିଙ୍କ୍ରେ ୪ ସନ୍ଦିଗ୍ଧ ଗିରଫ, ସେମାନଙ୍କ ମଧ୍ୟରେ ଶେଖ୍ ଇମ୍ରାନର ନାଁ
ତେବେ ଏହି ନମ୍ବରରୁ ପୂର୍ବରୁ ପୁରୀ ମନ୍ଦିରକୁ ଉଡାଇ ଦେବା ସହ ପୁରୀର ରାଜନେତାଙ୍କୁ ବି ଧମକ ମିଳିସାରିଛି ବୋଲି ସୂଚନା ମିଳିଛି । ଏହି ବୋମା ଧମକ ପରେ ସାକ୍ଷୀଗୋପାଳ ପୋଲିସ ତତ୍ପରତା ଦେଖାଇବା ସହ ସତର୍କତାର ସହ ମନ୍ଦିରରେ କଡ଼ାକଡ଼ି ସୁରକ୍ଷା ବ୍ୟବସ୍ଥା ଗ୍ରହଣ କରାଯିବାକୁ ପ୍ରସ୍ତୁତ କରୁଛି ।
ବାସେଳୀସାହି ଥାନା ଓ ଟାଉନ ଥାନାରେ ବି ଏହା ପୂର୍ବରୁ ଏହି ବ୍ୟକ୍ତିଙ୍କ ନାମରେ ଶ୍ରୀମନ୍ଦିରକୁ ବୋମା ପକାଇ ଉଡାଇ ଦେବା ଘଟଣାରେ କେସ୍ ରୁଜୁ ହୋଇ କୋର୍ଟ ଚାଲାଣ ହୋଇସାରିଛି ଏହି ଅଭିଯୁକ୍ତ ।
