ନୂଆଦିଲ୍ଲୀ: କେନ୍ଦ୍ର ସରକାର ମଙ୍ଗଳବାର ସୋସିଆଲ୍ ମିଡିଆ ପ୍ଲାଟଫର୍ମଗୁଡ଼ିକ ପାଇଁ କଡ଼ା ଆଦେଶ ଜାରି କରିଛନ୍ତି । ଏହା ଅନୁସାରେ ସୋସିଆଲ୍ ମିଡିଆ ପ୍ଲାଟଫର୍ମ ଏଣିକି ଏଆଇ ସାମଗ୍ରୀ ଉପରେ ୱାଟରମାର୍କ ଲଗାଇବେ । ଏପରି ସାମଗ୍ରୀକୁ ଚିହ୍ନଟ ପାଇଁ ସଂକେତ ରହିବା ଜରୁରି । ସରକାର କହିଛନ୍ତି ଯେ ଥରେ ଏଆଇ ୱାରଟମାର୍କ କିମ୍ୱା ମେଟା ଡାଟା ଲଗାଯିବା ପରେ ତାହାକୁ ହଟାଯିବ କିମ୍ୱା ଦବା ଯାଇପାରିବ ନାହିଁ ।
ସରକାର କହିଛନ୍ତି ଯେ ମଣିଷ ନିର୍ମିତ କିମ୍ବା କୃତ୍ରିମ ଭାବରେ ତିଆରି କରାଯାଇଥିବା ସୂଚନାକୁ ସ୍ପଷ୍ଟ ଭାବେ ଚିହ୍ନଟ କରିବା ପାଇଁ ଲେବଲ୍ (ୱାଟରମାର୍କ) ବାଧ୍ୟତାମୂଳକ ହେବ । ଏଥିରେ ଅଡିଓ, ଭିଡିଓ, ଫଟୋ କିମ୍ବା ଗ୍ରାଫିକ୍ସ ସମେତ ଯେକୌଣସି ଡିଜିଟାଲ୍ ବିଷୟବସ୍ତୁ ଅନ୍ତର୍ଭୁକ୍ତ ରହିବ । ୟୁଜର ଯେପରି ଏପରି ସାମଗ୍ରୀର କୌଣସି ଅପବ୍ୟବହାର କରିବେ ନାହିଁ, ତାହା ସୋସିଆଲ୍ ମିଡିଆ ପ୍ଲାଟଫର୍ମଗୁଡ଼ିକ ନିଶ୍ଚିତ କରିବେ । ପ୍ଲାଟଫର୍ମଗୁଡ଼ିକ ୟୁଜରମାନଙ୍କୁ ବେଆଇନ, ଅଶ୍ଳୀଳ, ଜାଲିଆତି କିମ୍ବା ଶିଶୁ ଯୌନ ଶୋଷଣ ବିଷୟବସ୍ତୁ ସୃଷ୍ଟି କିମ୍ବା ସେୟାର କରିବାରୁ ରୋକିବା ପାଇଁ ଅଟୋମେଟେଡ୍ ଟେକ୍ନୋଲୋଜି ବ୍ୟବହାର କରିବେ ।
Central Government makes rules to further amend the Information Technology (Intermediary Guidelines and Digital Media Ethics Code) Rules, 2021.
The Information Technology (Intermediary Guidelines and Digital Media Ethics Code) Amendment Rules, 2026 to come into force on 20th… pic.twitter.com/1revNm7lC9
— ANI (@ANI) February 10, 2026
ନିୟମ ଉଲ୍ଲଂଘନ କଲେ ଦଣ୍ଡିତ ହେବେ ବୋଲି ପ୍ରତି ତିନି ମାସରେ ୟୁଜରଙ୍କୁ ପ୍ଲାଟଫର୍ମଗୁଡ଼ିକ ଚେତାବନୀ ଦେବେ । ଯଦି କେହି ନିୟମ ଉଲ୍ଲଂଘନ କରନ୍ତି, ତେବେ ତାଙ୍କ ଆକାଉଣ୍ଟକୁ ସସପେଣ୍ଡ କରାଯିବ କିମ୍ବା ବିଷୟବସ୍ତୁକୁ ହଟାଇ ଦିଆଯାଇପାରିବ । ସରକାର କାର୍ଯ୍ୟାନୁଷ୍ଠାନ ପାଇଁ ସମୟ ସୀମା ମଧ୍ୟ ହ୍ରାସ କରିଛନ୍ତି । ପୂର୍ବରୁ ୩୬ ଘଣ୍ଟା ମଧ୍ୟରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପଡୁଥିଲା, ଏବେ ତିନି ଘଣ୍ଟା ମଧ୍ୟରେ ସୂଚନା ଦେବା ବାଧ୍ୟତାମୂଳକ । ଉଲ୍ଲଂଘନ ହେଲେ ପ୍ଲାଟଫର୍ମଗୁଡ଼ିକୁ ତୁରନ୍ତ କାର୍ଯ୍ୟାନୁଷ୍ଠାନ ନେବାକୁ ପଡିବ । ଡିଜିଟାଲ୍ ମିଡିଆରେ ସ୍ୱଚ୍ଛତା ଏବଂ ଉତ୍ତରଦାୟିତ୍ୱ ସୁନିଶ୍ଚିତ କରିବା ପାଇଁ ଏହି ପଦକ୍ଷେପ ନିଆଯାଇଛି ।
