When Monsoon Hit Odisha?: କେବେ ଓଡ଼ିଶା ଛୁଇଁବ ମୌସୁମୀ?, ପଶ୍ଚିମ ଓଡ଼ିଶାରେ ଜାରି ରହିବ ଗ୍ରୀଷ୍ମପ୍ରବାହ

ଭୁବନେଶ୍ୱର: ଭାରତୀୟ ପାଣିପାଗ ବିଭାଗ (IMD) ର ପୂର୍ବାନୁମାନ ଅନୁଯାୟୀ, ଆସନ୍ତା ଜୁନ୍ ୮ ରୁ ୧୨ ତାରିଖ ମଧ୍ୟରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ଓଡ଼ିଶା ଛୁଇଁବାର ସମ୍ଭାବନା ରହିଛି। ରାଜ୍ୟବାସୀ ବର୍ତ୍ତମାନ ପ୍ରବଳ ଗ୍ରୀଷ୍ମପ୍ରବାହରୁ ଆଶ୍ୱସ୍ତି ପାଇବା ପାଇଁ ମୌସୁମୀକୁ ଅପେକ୍ଷା କରିଥିବା ବେଳେ ଏହି ଖବର ସାମାନ୍ୟ ଆଶା ସଞ୍ଚାର କରିଛି।

ବଙ୍ଗୋପସାଗରରେ ଅଗ୍ରଗତି ଉପରେ ନଜର:ବର୍ତ୍ତମାନ କେରଳ ଏବଂ ତାମିଲନାଡୁର କିଛି ଅଂଶରେ ମୌସୁମୀ ପ୍ରବେଶ କରିସାରିଛି। ତେବେ ବଙ୍ଗୋପସାଗର ଉପରେ ଏହାର ଗତିବିଧି ଓ ଅଗ୍ରଗତି ହିଁ ଓଡ଼ିଶାରେ ମୌସୁମୀ ପହଞ୍ଚିବାର ପ୍ରକୃତ ସମୟ ନିର୍ଦ୍ଧାରଣ କରିବ।

Also Read: ବଢିଲା ଗ୍ୟାସ୍ ସିଲିଣ୍ଡର ଦାମ୍ : ୨୯ ଟଙ୍କା ବୃଦ୍ଧି ପାଇ ଏବେ ଏତେ ଟଙ୍କା ଦର

ଜୁନ୍ ୧୫ ପରେ ନିୟମିତ ବର୍ଷା:ପାଣିପାଗ ଅଧିକାରୀଙ୍କ ଆକଳନ ଅନୁଯାୟୀ, ଓଡ଼ିଶା ଛୁଇଁବା ପରେ ମୌସୁମୀ ଧୀରେ ଧୀରେ ସାରା ରାଜ୍ୟରେ ବ୍ୟାପିବ। ତେବେ ଜୁନ୍ ୧୫ ତାରିଖ ପରେ ହିଁ ରାଜ୍ୟରେ ନିୟମିତ ଭାବେ ବର୍ଷା ହେବାର ସମ୍ଭାବନା ରହିଛି।

ପଶ୍ଚିମ ଓଡ଼ିଶାରେ ଜାରି ରହିବ ତାତି:ମୌସୁମୀ ସମ୍ପୂର୍ଣ୍ଣ ରୂପେ ସକ୍ରିୟ ହେବା ପର୍ଯ୍ୟନ୍ତ ପଶ୍ଚିମ ଓଡ଼ିଶାର ଅଧିକାଂଶ ସ୍ଥାନରେ ଗ୍ରୀଷ୍ମପ୍ରବାହ ବା ହିଟୱେଭ୍ (Heatwave) ସ୍ଥିତି ଜାରି ରହିବ। ମଝିରେ ମଝିରେ କାଳବୈଶାଖୀ ବା ପ୍ରାକ୍-ମୌସୁମୀ (Pre-monsoon) ବର୍ଷା ହୋଇ ତାପମାତ୍ରା ସାମାନ୍ୟ କମିଲେ ମଧ୍ୟ ଏହା କେବଳ ସାମୟିକ ଆଶ୍ୱସ୍ତି ପ୍ରଦାନ କରିବ ବୋଲି ପାଣିପାଗ ବିଭାଗ ସ୍ପଷ୍ଟ କରିଛି।