ପଶ୍ଚିମ ଜର୍ମାନୀର ମୋର୍ସ ସହରରେ ଥିବା ଏକ ଗୁରୁଦ୍ୱାରରେ ଆଭ୍ୟନ୍ତରୀଣ ପାଣ୍ଠି ବିବାଦକୁ ନେଇ ଭୟଙ୍କର ଗୋଷ୍ଠୀ ସଂଘର୍ଷ ଦେଖିବାକୁ ମିଳିଛି। ୪୦ରୁ ଊର୍ଦ୍ଧ୍ୱ ଲୋକଙ୍କ ମଧ୍ୟରେ କୃପାଣ, ଲଙ୍କା ସ୍ପ୍ରେ ଏବଂ ବନ୍ଧୁକରେ ଆକ୍ରମଣ ହୋଇଥିବା ବେଳେ ୧୧ ଜଣ ଗୁରୁତର ଆହତ ହୋଇଛନ୍ତି। ପଢନ୍ତୁ ସମ୍ପୂର୍ଣ୍ଣ ରିପୋର୍ଟ ପ୍ରମେୟ ନ୍ୟୁଜ୍୭ରେ।
Published By: AbhisekD – Prameya-News7 Bureau | April 21, 2026 11:24 AM
NEWS7
ବର୍ଲିନ୍: ପଶ୍ଚିମ ଜର୍ମାନୀର ମୋର୍ସ ସହରରେ ଥିବା ଏକ ଗୁରୁଦ୍ୱାରରେ ରବିବାର ଦିନ ଏକ ବଡ଼ ଧରଣର ଗୋଷ୍ଠୀ ସଂଘର୍ଷ ଦେଖିବାକୁ ମିଳିଛି। ଦୁଇ ଗୋଷ୍ଠୀ ମଧ୍ୟରେ ହୋଇଥିବା ଏହି ହିଂସାକାଣ୍ଡରେ ଅସ୍ତ୍ରଶସ୍ତ୍ର ଏବଂ ଗୁଳିମାଡ଼ ହୋଇଥିବାର ଖବର ମିଳିଛି। ଏହି ଘଟଣାରେ ଅତିକମରେ ୧୧ ଜଣ ଆହତ ହୋଇଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ବ୍ୟାପକ ଛାନଭିନ୍ ଆରମ୍ଭ କରିଛି।
Scenes from Gurdwara in Duisburg, Germany:
Sikhs fighting inside, turbans in the air, kirpans turned on each other. it started over Golak and The previous management, who lost the election, came forcefully for takeover the administration. pic.twitter.com/k6tz2rI4Aj
— Harpreet Official (@harpeetsubh) April 20, 2026
୪୦ରୁ ଅଧିକ ଲୋକଙ୍କ ମଧ୍ୟରେ ସଂଘର୍ଷ
- ଜର୍ମାନ ଗଣମାଧ୍ୟମର ରିପୋର୍ଟ ଅନୁଯାୟୀ, ରବିବାର ଦିନ ଗୁରୁଦ୍ୱାର ଭିତରେ କୌଣସି ଏକ ବିବାଦକୁ ନେଇ ଉତ୍ତେଜନା ଦେଖାଦେଇଥିଲା, ଯାହା ପରେ ଏକ ବଡ଼ ଧରଣର ସଂଘର୍ଷର ରୂପ ନେଇଥିଲା।
- ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ୪୦ ରୁ ଅଧିକ ଲୋକ ଏହି ସଂଘର୍ଷରେ ସାମିଲ ଥିଲେ। କିଛି ଲୋକ ଛୁରୀ, ଲଙ୍କାଗୁଣ୍ଡ ସ୍ପ୍ରେ ଏବଂ ବନ୍ଧୁକ ମଧ୍ୟ ବ୍ୟବହାର କରିଥିଲେ।
- ସାମାଜିକ ଗଣମାଧ୍ୟମରେ ଭାଇରାଲ୍ ହେଉଥିବା ଭିଡିଓରେ ଦେଖିବାକୁ ମିଳିଛି ଯେ, ଉତ୍ତେଜନା ବଢ଼ିବା ପରେ କିଛି ଲୋକ ଖଣ୍ଡା ବା କିରପାଣ ମଧ୍ୟ ବାହାର କରିଦେଇଥିଲେ।
- ଏହି ଆକ୍ରମଣରେ ଅତିକମରେ ୧୧ ଜଣ ଗୁରୁତର ଆହତ ହୋଇଛନ୍ତି। ଅଧିକାଂଶଙ୍କ ମୁଣ୍ଡରେ ଗଭୀର ଆଘାତ ଲାଗିଛି। ଜରୁରୀକାଳୀନ ସ୍ୱାସ୍ଥ୍ୟକର୍ମୀମାନେ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ପ୍ରାଥମିକ ଚିକିତ୍ସା ଯୋଗାଇ ଦେଇଥିଲେ।
ପାଣ୍ଠି ବନ୍ଦ ହେବାରୁ ଉପୁଜିଲା ବିବାଦ
- ଜଣେ ପ୍ରତ୍ୟକ୍ଷଦର୍ଶୀ ନିଜ ବୟାନରେ କହିଛନ୍ତି ଯେ, “କିଛି ଦୁର୍ବୃତ୍ତ ହଠାତ୍ ଆମ ଉପରେ ଆକ୍ରମଣ କରିଥିଲେ। ସେମାନଙ୍କ ପାଖରେ ଅସ୍ତ୍ରଶସ୍ତ୍ର ଥିଲା ଏବଂ ସେମାନେ ଆମ ଉପରକୁ ଗୁଳି ମଧ୍ୟ ଚଳାଇଥିଲେ। ସେହି ସମୟରେ ଗୁରୁଦ୍ୱାର ଭିତରେ ମହିଳା ଏବଂ ଛୋଟ ପିଲାମାନେ ମଧ୍ୟ ଉପସ୍ଥିତ ଥିଲେ।”
- ସେ ଆହୁରି ଅଭିଯୋଗ କରିଛନ୍ତି ଯେ, “ଗୁରୁଦ୍ୱାରର ପାଣ୍ଠି ବନ୍ଦ ହୋଇଯିବା ପରେ ପୂର୍ବ ପ୍ରଶାସନ ସହ ଜଡ଼ିତ ଏହି ଗୋଷ୍ଠୀ ହିଂସାତ୍ମକ ହୋଇପଡ଼ିଥିଲେ ଏବଂ ଆକ୍ରମଣ ଆରମ୍ଭ କରିଦେଇଥିଲେ।” ଜର୍ମାନ ଗଣମାଧ୍ୟମର ସୂଚନା ଅନୁଯାୟୀ, ସମ୍ପ୍ରଦାୟ ଭିତରେ ବହୁ ଦିନ ଧରି ଲାଗି ରହିଥିବା ଏକ ଆଭ୍ୟନ୍ତରୀଣ ବିବାଦରୁ ହିଁ ଏହି ହିଂସାକାଣ୍ଡ ଘଟିଛି।
ପୋଲିସର କାର୍ଯ୍ୟାନୁଷ୍ଠାନ
- ଖବର ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ପୂରା ଅଞ୍ଚଳକୁ ସିଲ୍ କରିଦେଇଥିଲା। ସନ୍ଦିଗ୍ଧମାନଙ୍କୁ ଖୋଜିବା ପାଇଁ ଆକାଶମାର୍ଗରୁ ହେଲିକପ୍ଟର ଜରିଆରେ ମଧ୍ୟ ସର୍ଚ୍ଚ ଅପରେସନ୍ କରାଯାଇଥିଲା।
- ପୋଲିସ ଘଟଣାସ୍ଥଳରୁ ଜଣେ ବ୍ୟକ୍ତିଙ୍କୁ ଅଟକ ରଖି ପଚରାଉଚରା କରୁଛି।
- ତଦନ୍ତକାରୀ ଅଧିକାରୀମାନେ ଘଟଣାସ୍ଥଳରୁ ବନ୍ଧୁକର ଖୋକା ଜବତ କରିଛନ୍ତି। ଅନୁମାନ କରାଯାଉଛି ଯେ ସଂଘର୍ଷ ବେଳେ ବ୍ଲାଙ୍କ-ଫାୟାରିଂ ପିସ୍ତଲ ବ୍ୟବହାର କରାଯାଇଥିଲା।
- ତେବେ ବ୍ୟାପକ ଯାଞ୍ଚ ପରେ ଗୁରୁଦ୍ୱାର ପରିସର ଭିତରେ କୌଣସି ସଶସ୍ତ୍ର ସନ୍ଦିଗ୍ଧ ଲୁଚି ରହିନଥିବା କର୍ତ୍ତୃପକ୍ଷ ପରେ ସ୍ପଷ୍ଟ କରିଛନ୍ତି।
