PM Modi on Women’s Reservation Bill: ଲୋକସଭାରେ ମହିଳା ସଂରକ୍ଷଣ ବିଲ୍ ସହ ଜଡିତ ସଂଶୋଧନ ବିଲ୍ ଫେଲ୍ ମାରିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଦେଶବାସୀଙ୍କୁ ସମ୍ବୋଧନ କରି ବିରୋଧୀଙ୍କ ଉପରେ ପ୍ରବଳ ବର୍ଷିଛନ୍ତି। ବିଲ୍ ପାରିତ ହୋଇ ନପାରିବା ପାଇଁ ସେ ବିରୋଧୀଙ୍କୁ ଦାୟୀ କରିଛନ୍ତି। ବିରୋଧୀ ଦଳ ନିଜ ସ୍ୱାର୍ଥ ପାଇଁ ବିଲ୍ ପାସ୍ ହେବାରେ ବାଧା ଦେଇଛନ୍ତି ବୋଲି ମୋଦୀ କହିଛନ୍ତି।
ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ ଦେଶର ନାରି ଶକ୍ତି ସବୁ ଦେଖୁଛନ୍ତି। ବିଲ୍ ଫେଲ୍ ହେବା ପରେ ମୋତେ ବହୁତ ଦୁଃଖିତ ଲାଗିଥିଲା। ମୋଦୀ ତାଙ୍କର ୩୦ ମିନିଟର ଭାଷଣ ଶେଷ କରିବା ବେଳେ ଦୃଢ଼ ମନୋବଳ ଥିବା ଦର୍ଶାଇଥିଲେ। ଆମର ଆତ୍ମବଳ ଅଜେୟ ଏବଂ ତାଙ୍କ ସରକାର ଏପର୍ଯ୍ୟନ୍ତ ହାର ମାନିନାହିଁ ବୋଲି ମୋଦୀ କହିଛନ୍ତି।
ପ୍ରଧାନମନ୍ତ୍ରୀ କହିଥିଲେ ଯେ ଦେଶର ମହିଳା ଶକ୍ତିକୁ ଚାପି ଦିଆଯାଇଛି ଏବଂ ସେମାନଙ୍କ ସ୍ୱପ୍ନକୁ ନିର୍ମମ ଭାବରେ ଦଳିମକଚି ଦିଆଯାଇଛି। ସରକାର ସମସ୍ତ ଚେଷ୍ଟା କରିଥିଲେ, କିନ୍ତୁ ସଫଳତା ପାଇ ନଥିଲେ ଏବଂ ନାରୀ ଶକ୍ତି ବନ୍ଦନା ଆଇନ ସଂଶୋଧନ ହୋଇପାରିଲା ନାହିଁ ବୋଲି ମୋଦୀ କହିଛନ୍ତି।
Also Read- ତାମିଲନାଡୁ ନିର୍ବାଚନ: ନିଜ ପାଇଁ ଆଉ ଏକ କାର୍ଯ୍ୟକାଳ ନିଶ୍ଚିତ କରିପାରିବେ କି ଏମ.କେ.ଷ୍ଟାଲିନ?
ଆମ ଆତ୍ମବଳ ଅଜେୟ
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଆମେ ବିଲ୍ ପାସ୍ କରିବା ପାଇଁ ଆବଶ୍ୟକ ୬୬ ପ୍ରତିଶତ ଭୋଟ୍ ପାଇ ନାହୁଁ, କିନ୍ତୁ ମୁଁ ଜାଣିଛି ଯେ ଦେଶର ୧୦୦% ମହିଳାଙ୍କ ଆଶୀର୍ବାଦ ଆମ ସହିତ ଅଛି। ଦେଶର ମହିଳାମାନଙ୍କୁ ଆଶ୍ୱାସନା ଦେଇ ପିଏମ କହିଥିଲେ ଯେ ଏହା କାର୍ଯ୍ୟକାରୀ କରିବାରେ ଯେକୌଣସି ପ୍ରତିବନ୍ଧକକୁ ସେ ଦୂର କରିବେ। ଗତକାଲି, ଆମର ସଂଖ୍ୟାର ଅଭାବ ଥିଲା, କିନ୍ତୁ ଏହାର ଅର୍ଥ ନୁହେଁ ଯେ ଆମେ ହାରିଗଲୁ। ଆମର ମନୋବଳ ଅଟଳ। ଭବିଷ୍ୟତରେ ଆମକୁ ଅନେକ ସୁଯୋଗ ମିଳିବ।
Alos Read- ସୋମବାର ଅଧିବେଶନ ଡକାନ୍ତୁ, ପୁରୁଣା ବିଲ୍ ଆଣନ୍ତୁ; ସରକାରଙ୍କୁ ପ୍ରିୟଙ୍କାଙ୍କ ଚ୍ୟାଲେଞ୍ଜ
