ମୁମ୍ଵାଇ ୦୪।୦୪; ସାଉଥ ସୁନ୍ଦରୀ ରଶ୍ମିକା ମନ୍ଦାନା । ଟଲିଉଡ୍ ଏବଂ ବଲିଉଡରେ ନିଜର ଅଭିନୟ ଦକ୍ଷତା ଦ୍ୱାରା ଦର୍ଶକଙ୍କ ହୃଦୟରେ ସ୍ଥାନ ହାସଲ କରିଛନ୍ତି ।ନିକଟରେ ସେ ବିଜୟ ଦେବରକୋଣ୍ଡାଙ୍କୁ ବିବାହ କରିଛନ୍ତି । ଦୁହିଁଙ୍କ ବିବାହ ଦେଢ଼ ମାସ ବିତିଗଲାଣି। ବର୍ତ୍ତମାନ ତାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚା ହୋଇଛି। ରଶ୍ମିକା ଏକ ଭିଡିଓ ପୋଷ୍ଟ କରିଛନ୍ତି। ଯାହା ପ୍ରଶଂସକମାନଙ୍କ ମଧ୍ୟରେ ବହୁତ ଉତ୍ସାହ ସୃଷ୍ଟି କରିଛି। ଏତିକି ହିଁ ନୁହେଁ ଫ୍ୟାନ୍ସ ନା ନା କଳ୍ପନା ଜଳ୍ପନା କରିବା ଆରମ୍ଭ କରିଛନ୍ତି
ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଆନିମେଟେଡ୍ ଗ୍ରାଫିକ୍ସ ଭିଡିଓ ସେୟାର ହୋଇଛି। ଯେଉଁଥିରେ ବିଜୟ ଏବଂ ରଶ୍ମିକାଙ୍କୁ ଦେଖିବାକୁ ମିଳୁଛି। ସେମାନଙ୍କ ପାଖରେ ଏକ ସୁନ୍ଦର ହଳଦିଆ ଫୁଲ ଦେଖାଯାଉଛି, ଭିଡିଓର କନସେପ୍ଟ ବହୁତ ଆକର୍ଷଣୀୟ ହୋଇଥିଲେ ମଧ୍ୟ ଏହାର କ୍ୟାପସନକୁ ନେଇ ଖୁବ୍ ଚର୍ଚ୍ଚା ହେଉଛି । ଭିଡିଓ ସହିତ, ରଶ୍ମିକା ଲେଖିଛନ୍ତି, “ଏବେ ଆମେ ତିନି ଜଣ। ଏହି ଗୋଟିଏ ଧାଡି ଦେଖି ସୋସିଆଲ ମିଡିଆରେ କଳ୍ପନା ଜଳ୍ପନାର ସୃଷ୍ଟି କରିଛି।
ପ୍ରଶଂସକମାନେ ରଶ୍ମିକାଙ୍କ ପୋଷ୍ଟରେ ମନ୍ତବ୍ୟ ବିଭାଗରେ ପାଣି ଭରି ଦେଇଛନ୍ତି, ଅନୁମାନ କରୁଛନ୍ତି ଯେ ସେ ଗର୍ଭବତୀ ହୋଇପାରନ୍ତି। ଲୋକମାନେ ପଚାରୁଛନ୍ତି ଯେ ସେ ମାଆ ହେବାକୁ ଯାଉଛନ୍ତି କି ନାହିଁ। ଆଉ ଜଣେ ଲେଖିଛନ୍ତି, “ରଶ୍ମିକା ମାଆ ହେବାକୁ ଯାଉଛନ୍ତି କି?” ଆଉ ଜଣେ ଲେଖିଛନ୍ତି,, ‘ତିନି ଜଣର ଅର୍ଥ ବୋଧ ହୁଏ ‘ଜୁନିୟର ବିରୋଶ’? କମେଣ୍ଟ ସେକ୍ସନ୍ରେ ଲୋକମାନେ ଲଗାତାର ଅଭିନନ୍ଦନ ଜଣାଇବା ସହିତ ପ୍ରଶ୍ନ ପଚାରିଛନ୍ତି। ହେଲେ ଏହାରି ମଧ୍ୟରେ ରଶ୍ମିକା କିମ୍ବା ବିଜୟ ଏପର୍ଯ୍ୟନ୍ତ ଏହି ବିଷୟରେ କୌଣସି କମେଣ୍ଟ କରି ନାହାନ୍ତି।
ପରସ୍ପରକୁ ଡେଟ୍ ପରେ ବିବାହ
ରଶ୍ମିକା ଏବଂ ବିଜୟ ବହୁତ ସମୟ ଧରି ଡେଟ୍ କରୁଥିଲେ କିନ୍ତୁ ସେମାନଙ୍କର ସମ୍ପର୍କକୁ ପ୍ରାୟତଃ ବ୍ୟକ୍ତିଗତ ରଖିବାକୁ ପସନ୍ଦ କରିଥିଲେ। ଏହି ଦମ୍ପତି ଫେବୃଆରୀ ୨୬ ଉଦୟପୁରରେ ବିବାହ ବନ୍ଧନରେ ଆବଦ୍ଧ ହୋଇଥିଲେ। ଏହି ବିବାହ କେବଳ ପରିବାର ସଦସ୍ୟ ଏବଂ ନିକଟତମ ବନ୍ଧୁମାନଙ୍କ ଉପସ୍ଥିରେ ହୋଇଥିଲା। ଏବେ ଏହି ଦମ୍ପତି ଖୁବ୍ ଶୀଘ୍ର ଏକ ଚଳଚ୍ଚିତ୍ରରେ ଏକାଠି ଦେଖାଯିବାକୁ ଯାଉଛନ୍ତି।
