ନୂଆଦିଲ୍ଲୀ ୦୧।୦୪; ଇରାନ ଏବଂ ଆମେରିକା-ଇସ୍ରାଏଲ ମଧ୍ୟରେ ଘମାଘୋଟ କ୍ଷୁଦ୍ଧ ଜାରି ରହିଛି । ଏହି ଯୁଦ୍ଧ ଏବେ ଆବାସିକ ଅଞ୍ଚଳ ଏବଂ ଧାର୍ମିକ ସ୍ଥଳକୁ ପହଞ୍ଚିଛି । ମଙ୍ଗଳବାର ସକାଳେ, ଉତ୍ତର-ପଶ୍ଚିମ ଇରାନରେ ଅବସ୍ଥିତ ଜଞ୍ଜନ ସହରରେ ଏୟାର ଷ୍ଟ୍ରାଇକ ହୋଇଥିଲା । ଏଥିରେ ପ୍ରସିଦ୍ଧ ସିଆ ମସଜିଦକୁ ଟାର୍ଗେଟ କରାଯାଇଥିଲା। ଏହି ଆକ୍ରମଣରେ ପ୍ରାୟ ତିନି ଜଣଙ୍କର ଦୁଃଖଦ ମୃତ୍ୟୁ ଘଟିଥିଲା। ସେଠାରେ ଅନେକ ଆହତ ହୋଇଥିଲେ।
ଏଏଫପି ଅନୁଯାୟୀ, ସରକାରୀ ଟେଲିଭିଜନ ରିପୋର୍ଟ କରିଛି ଯେ ଜଞ୍ଜନର ଫିରଦୌସି ଷ୍ଟ୍ରିଟରେ ଶତ୍ରୁପକ୍ଷଙ୍କ ଦ୍ୱାରା ପ୍ରତ୍ୟୁଷରେ ହୋଇଥିବା ଆକ୍ରମଣ ପରେ “ଗ୍ରାଣ୍ଡ ହୁସେନିଆ” ଏକ ହଲ୍ ଯାହା ସିଆ ସମ୍ପ୍ରଦାୟ ପାଇଁ ଏକ ସମାବେଶ ସ୍ଥାନ ଏବଂ ଶୋକ ସମାରୋହ ପାଇଁ ଏକ ସ୍ଥାନ ଭାବରେ କାର୍ଯ୍ୟ କରେ ତାହା ମଧ୍ୟ ବହୁ କ୍ଷତିଗ୍ରସ୍ତ ହୋଇଛି। ଜଞ୍ଜନ ହେଉଛି ତେହେରାନରୁ ପ୍ରାୟ ୩୦୦ କିଲୋମିଟର ଉତ୍ତର-ପଶ୍ଚିମରେ ଅବସ୍ଥିତ ଏକ ଶିଳ୍ପ ପ୍ରାଦେଶିକ ରାଜଧାନୀ। ରିପୋର୍ଟରେ ଆହୁରି ଉଲ୍ଲେଖ କରାଯାଇଛି ଯେ ଗମ୍ବୁଜ ଏବଂ ମୀନାରୋ କିଛି ଅଂଶ କ୍ଷତିଗ୍ରସ୍ତ ହୋଇଛି।
Also Read-ଯୁଦ୍ଧ ବନ୍ଦ ହେବ କି ? ଗୁରୁବାର ଦେଶବାସୀଙ୍କୁ ସମ୍ବୋଧନ କରିବେ ଟ୍ରମ୍ପ୍, ବଡ ଘୋଷଣାକୁ ଅପେକ୍ଷା
