ମୁମ୍ଵାଇ ୦୧।୦୪; ବର୍ତ୍ତମାନ ପ୍ରିୟଙ୍କା ଚୋପ୍ରା ଅମୃତସରରେ ଅଛନ୍ତି। ଯେଉଁଠାରୁ ତାଙ୍କର ଏକ ଭିଡିଓ ସାମ୍ନାକୁ ଆସିଛି। ସେଠାରେ ସେ ସ୍ୱର୍ଣ୍ଣ ମନ୍ଦିରରେ ନିଃସ୍ୱାର୍ଥପର ଭାବେଏ ସେବା କରୁଥିବାର ନଜର ଆସିଛନ୍ତି। ପ୍ରିୟଙ୍କା ଅନ୍ୟ ଭକ୍ତମାନଙ୍କ ସହିତ ବସି ବାସନ ଧୋଇଥିଲେ। ପ୍ରିୟଙ୍କା କୌଣସି ଫିଲ୍ମ ସୁଟିଂ ପାଇଁ ଅମୃତସର ଆସିଥିଲେ ନା ଏମିତି ବୁଲିବାକୁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ହେଲେ ଅଭିନେତ୍ରୀଙ୍କ ଏହି ଆଚରଣ ତାଙ୍କ ପ୍ରଶଂସକଙ୍କ ହୃଦୟ ଜିତିଛି। ଭିଡିଓରେ, ପ୍ରିୟଙ୍କା ଚୋପ୍ରା ଏକ କ୍ରିମ୍ ରଙ୍ଗର ସୁଟ୍ ପିନ୍ଧିଥିବାର ନଜର ଆସିଥିବା ବେଳେ ତାଙ୍କ ମୁଣ୍ଡ ଓଢଣା ଦେଇ ବାସନ ଧୋଇଛନ୍ତି।
ବାସନ ଧୋଇଥିଲେ ପ୍ରିୟଙ୍କା
ଅମୃତସରର ସ୍ୱର୍ଣ୍ଣ ମନ୍ଦିରରେ ପହଞ୍ଚିବା ପରେ, ପ୍ରିୟଙ୍କା ଚୋପ୍ରା ପ୍ରଥମେ ମନ୍ଦିର ଦର୍ଶନ କଲେ, ଆଶୀର୍ବାଦ ନେଲେ ଏବଂ ତା’ପରେ ସେବା କଲେ। ଏହି ସମୟରେ ସେ ବହୁତ ସିମ୍ପଲ ପୋଷାକ ପିନ୍ଧିଥିବାର ନଜର ଆସିଥିଲେ। ତାଙ୍କର ଏହି ସମ୍ପଲ ଲୁକ ସମସ୍ତଙ୍କ ହୃଦୟ ଜିତିଲା। ତାଙ୍କୁ ଲଙ୍ଗର ହଲ୍ରେ ବାସନ ଧୋଇବାର ଦେଖିବାକୁ ମିଳିଥିଲା। ପ୍ରିୟଙ୍କା ସେଠାରେ ବହୁତ ସମୟ ପାଇଁ ରହିଥିଲେ । ଏହି ସମୟରେ ପ୍ରିୟଙ୍କା ଗଣମାଧ୍ୟମ ସହିତ ଆଲୋଚନା କରିନଥିଲେ ଏବଂ ତାଙ୍କର ଦର୍ଶନ ଏବଂ ସେବା ଶେଷ ହେବା ପରେ ଚୁପଚାପ ଚାଲିଯାଇଥିଲେ। ଏହି ନମ୍ର ଆଚରଣକୁ ଦେଖି, ପ୍ରଶଂସକମାନେ ପ୍ରିୟଙ୍କାଙ୍କୁ ପ୍ରଶଂସା କରି କହିଥିଲେ ଯେ ସେ ତାଙ୍କ ସଂସ୍କୃତି ଏବଂ ମୂଳକୁ ଭୁଲି ନାହାଁନ୍ତି। ଅନ୍ୟପକ୍ଷରେ କିଛି ୟୁଜର୍ସ ତାଙ୍କୁ ପରିହାସ କରିଥିଲେ।
Good to see that she did not forget her roots.
— Sukhpreet | Metabolic Health (@biomonk) March 31, 2026
Actress Priyanka Chopra doing sewa at Sri Darbar Sahib (Golden Temple) Amritsar, Punjab. @priyankachopra pic.twitter.com/EftRV2MRNe
— Akashdeep Thind (@thind_akashdeep) March 31, 2026
ସେମାନେ କହିଥିଲେ ଯେ ପ୍ରିୟଙ୍କାଙ୍କ ଏକ ଚଳଚ୍ଚିତ୍ର ଶୀଘ୍ର ମୁକ୍ତିଲାଭ କରିବାକୁ ଯାଉଥିବାରୁ, ସେ ଏହି କାର୍ଯ୍ୟକଳାପରେ ଆରମ୍ଭ କରିଛନ୍ତି। ପ୍ରିୟଙ୍କା ତାଙ୍କ ଇନଷ୍ଟାଗ୍ରାମ ଷ୍ଟୋରିରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ପଞ୍ଜାବୀ ଖାଦ୍ୟର ସ୍ୱାଦ ନେଉଥିବାର ଦେଖାଯାଇଛି। ଏହା ପୂର୍ବରୁ, ଯେତେବେଳେ ତାଙ୍କୁ ଅମୃତସର ବିମାନବନ୍ଦରରେ ଦେଖାଯାଇଥିଲା, ସେ ତାଙ୍କ ପ୍ରଶଂସକମାନଙ୍କ ସହିତ ଖୁସିରେ ଫଟୋ ଉଠାଇ ପୋଜ୍ ଦେଉଥିବାର ନଜର ଆସିଥିଲେ।
She need to make film promotion naah in upcoming year so she started that planning from now?
— Notorious Harsh (@Harshavard42226) March 31, 2026
camera laga ke seva ? what nonsense
— LoneWolf India (Unreserved) (@lonewolfIndia_1) March 31, 2026
