ନିର୍ବାଚନୀ ପ୍ରଚାରରେ ବଡ଼ ଦାବି କଲେ ମମତା ବାନାର୍ଜୀ, ବିଜେପି ଉପରେ ଆଣିଲେ ଏଭଳି ଅଭିଯୋଗ

କୋଲକାତା: ପଶ୍ଚିମବଙ୍ଗ ନିର୍ବାଚନ ପୂର୍ବରୁ ଆରୋପ ପ୍ରତ୍ୟାରୋପ ରାଜନୀତି ଜୋର ଧରିଛି । ନିକଟରେ ଭାରତୀୟ ଜନତା ପାର୍ଟି (BJP) ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଟାର୍ଗେଟ କରିଥିଲା। ଆଉ ଆଜି (ସୋମବାର) ମମତା ବାନାର୍ଜୀ ବିଜେପିକୁ କଟାକ୍ଷ କରିଛନ୍ତି। ବେଲଦାରେ ଏକ ନିର୍ବାଚନୀ ରାଲିରେ, ସେ ଏକ ବଡ଼ ଦାବି କରିଛନ୍ତି । ସେ କହିଛନ୍ତି, ନିର୍ବାଚନ ପରେ ବିଜେପି ଟଙ୍କା ଏବଂ ଗ୍ୟାସ୍ ଉଭୟ ବନ୍ଦ କରିଦେବ। ଏହା ପୂର୍ବରୁ ଟିଏମସି ସୁପ୍ରିମୋ ଦାବି କରିଥିଲେ ଯେ, ବିଜେପି କ୍ଷମତାକୁ ଆସିଲେ ଆମିଷ ଖାଇପାରିବେ ନାହିଁ ଲୋକେ ।

ମମତା ବାନାର୍ଜୀ ବିଜେପି ଉପରେ ସମାଜକୁ ବିଭାଜିତ କରିବାର ଅଭିଯୋଗ ମଧ୍ୟ ଲଗାଇଛନ୍ତି। ସେ କହିଛନ୍ତି ଯେ, ବିଜେପି ଦେଶରେ ଘୃଣା ପ୍ରସାର କରିବା ପାଇଁ କାମ କରେ । ଲୋକଙ୍କ ମଧ୍ୟରେ ଦ୍ୱନ୍ଦ୍ୱ ବୃଦ୍ଧି କରେ। ଏହା ପୂର୍ବରୁ ରବିବାର ମୁଖ୍ୟମନ୍ତ୍ରୀ ମମତା ବାନାର୍ଜୀ ଦାବି କରିଥିଲେ ଯେ, ଯଦି ବିଜେପି କ୍ଷମତାକୁ ଆସେ, ତେବେ ଏହା ମହିଳାଙ୍କ ପାଇଁ ଥିବା ‘ଲକ୍ଷ୍ମୀ ଭଣ୍ଡାର’ ଯୋଜନାକୁ ବନ୍ଦ କରିଦେବ।

VIDEO | WB polls: “BJP will stop giving both gas and cash after election, this is their game,” says CM Mamata Banerjee at poll rally in Belda.

(Source: Third Party)

(Full video available on PTI Videos – https://t.co/n147TvrpG7) pic.twitter.com/0lmzW1Zker

— Press Trust of India (@PTI_News) March 30, 2026

କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏକ ନିର୍ବାଚନୀ ରାଲିରେ ମମତା ବାନାର୍ଜୀଙ୍କୁ ଟାର୍ଗେଟ କରି କହିଥିଲେ ଯେ, ବେଙ୍ଗଲର ମୁଖ୍ୟମନ୍ତ୍ରୀ କେତେବେଳେ ତାଙ୍କ ଗୋଡ ଭାଙ୍ଗି ଦିଅନ୍ତି ତ କେତେବେଳେ ବ୍ୟାଣ୍ଡେଜ୍ କରନ୍ତି। ୨୦୨୧ ବିଧାନସଭା ନିର୍ବାଚନ ସମୟରେ ତାଙ୍କ ଗୋଡରେ ଆଘାତ ଲାଗିବା ଘଟଣାକୁ ନେଇ ଶାହଙ୍କ ଅଭିଯୋଗକୁ ମମତା ବାନାର୍ଜୀ ତୀବ୍ର ବିରୋଧ କରିଥିଲେ ।

Also Read: ଯାତ୍ରୀଙ୍କ ପାଇଁ ଖୁସି ଖବର: ଷ୍ଟେସନରେ ଭିଡ଼ କମାଇବା ପାଇଁ ରେଳବାଇର ବଡ଼ ଯୋଜନା

ବେଙ୍ଗଲରେ ନିର୍ବାଚନ କେବେ ?

ପଶ୍ଚିମବଙ୍ଗ ନିର୍ବାଚନରେ ବଡ଼ ପରିରବର୍ତ୍ତନ ଦେଖିବାକୁ ମିଳିବ । ପୂର୍ବରୁ ୮ଟି ପର୍ଯ୍ୟାୟରେ ହୋଇଥିବା ନିର୍ବାଚନ, ଏଥର ମାତ୍ର ଦୁଇଟି ପର୍ଯ୍ୟାୟରେ ଅନୁଷ୍ଠିତ ହେବ । ପଶ୍ଚିମବଙ୍ଗରେ ପ୍ରଥମ ପର୍ଯ୍ୟାୟ ନିର୍ବାଚନ ଏପ୍ରିଲ ୨୩ରେ ହେବ । ସେହିଭଳି ଦ୍ବିତୀୟ ପର୍ଯ୍ୟାୟ ମତଦାନ ଏପ୍ରିଲ ୨୯ରେ ଅନୁଷ୍ଠିତ ହେବ । ମେ’ ୪ରେ ଭୋଟ ଗଣତି ହେବ ଏବଂ ଫଳାଫଳ ପ୍ରକାଶ ପାଇବ ।