ଟି-୨୦ ୱାଲ୍ଡକପ୍‌ରେ ‘କ୍ଲୋଜିଂ ସେରେମନି’ରେ ଜମିବ ଗ୍ଲୋବାଲ ଷ୍ଟାରଙ୍କ ଜଲୱା, ଦେଖନ୍ତୁ ତାରକାଙ୍କ ଲିଷ୍ଟ

ନୂଆଦିଲ୍ଲୀ ୦୭।୦୩; T20 ବିଶ୍ୱକପ୍ ୨୦୨୬ର ଫାଇନାଲ୍ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଟକ୍କର ହେବ। ୮ ମାର୍ଚ୍ଚରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ। ମ୍ୟାଚ୍ ପୂର୍ବରୁ, ଟୁର୍ଣ୍ଣାମେଣ୍ଟର କ୍ଲୋଜିଂ ସେରମନି ଅନୁଷ୍ଠିତ ହେବ। ଯେଉଁଠାରେ ଅନ୍ତର୍ଜାତୀୟ ତାରକାମାନେ ମଧ୍ୟ ପ୍ରଦର୍ଶନ କରିବେ। ଅନ୍ତର୍ଜାତୀୟ କ୍ରିକେଟ ପରିଷଦ (ICC) କ୍ଲୋଜିଂ ସେରମନିରେ ପରଫର୍ମ କରୁଥିବା କଳାକାରଙ୍କ ତାଲିକା ପ୍ରକାଶ କରିଛି, ଯେଉଁଥିରେ ଅନ୍ତର୍ଜାତୀୟ ପପ୍ ଗାୟକ ରିକି ମାର୍ଟିନ ଅଛନ୍ତି।

ଅଧିକ ପଢନ୍ତୁ- ଫାଇନାଲ ମୁକାବିଲା ପୂର୍ବରୁ ଟିମ୍ ଇଣ୍ଡିଆର ନୂଆ ଚାଲ, ଅହମ୍ମଦାବାଦରେ କାହିଁକି ବଦଳିଲା ହୋଟେଲ ?

ICC ଅପଡେଟ୍

ICC ଅପଡେଟ୍ ରେ ରିକି ମାର୍ଟିନ ସମେତ ତିନି ଜଣ ଗାୟକଙ୍କ ନାମ ସାମିଲ ଅଛି। ଅନ୍ୟ ଦୁଇଜଣ ହେଉଛନ୍ତି ଭାରତୀୟ ଗାୟକ ସୁଖବୀର ସିଂ ଏବଂ ଫାଲଗୁନି ପାଠକ। ଏନେଇ ICC ପୋଷ୍ଟରରେ କ୍ୟାପସନ ଦେଇଛି, “ମଞ୍ଚ ଆହୁରି ବଡ଼ ହେଉଛି! T20 ବିଶ୍ୱକପ୍ ଫାଇନାଲ୍ ପୂର୍ବରୁ କ୍ଲୋଜିଂ ସେରମନିରେ ଗ୍ଲୋବାଲ୍ ସୁପରଷ୍ଟାର ରିକି ମାର୍ଟିନଙ୍କ ସହିତ ସଂଗୀତ କିମ୍ବଦନ୍ତୀ ସୁଖବୀର ଏବଂ ଫାଲଗୁନି ପାଠକ ଯୋଗଦେବେ! କ୍ରିକେଟର ସବୁଠାରୁ ବଡ଼ ରାତିରେ ଏହି କିମ୍ବଦନ୍ତୀ କଳାକାରମାନେ ପ୍ରଦର୍ଶନ କରିବେ, ତେଣୁ ଗ୍ଲୋବାଲ୍ ହିଟ୍ ଏବଂ ଦେଶୀ ଗୀତ ପାଇଁ ପ୍ରସ୍ତୁତ ରୁହନ୍ତୁ।”

🎤 The stage keeps getting bigger!
Joining Global Superstar Ricky Martin at the Closing Ceremony before the #T20WorldCup Final are music icons Sukhbir and Falguni Pathak!

Get ready for global hits and desi anthems as these legendary artists light up the biggest night in cricket.… pic.twitter.com/8kMK7yg31b

— ICC (@ICC) March 7, 2026

କ୍ଲୋଜିଂ ସେରମନି ଆରମ୍ଭ ସମୟ?

ଫାଇନାଲ୍ ମ୍ୟାଚ୍ ସନ୍ଧ୍ୟା ୭ ଟା ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଆରମ୍ଭ ହେବ। ଶେଷ ଉତ୍ସବ ସନ୍ଧ୍ୟା ୫:୩୦ ରେ ହେବ। ଯେଉଁଥିରେ ତିନି ଜଣ ଗାୟକଙ୍କ ପରଫର୍ମ କହିବ। ଉଲ୍ଲେଖନୀୟ ଯେ ସୂର୍ଯ୍ୟକୁମାର ଯାଦବଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ସେମିଫାଇନାଲରେ ଇଂଲଣ୍ଡକୁ ୭ ରନରେ ପରାସ୍ତ କରିଥିଲା। ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଖେଳାଯାଇଥିବା ମ୍ୟାଚ୍ ଏକ ରୋମାଞ୍ଚକର ଥିଲା। ଏବେ, ଭାରତ ଏବଂ ନ୍ୟୁଜିଲ୍ୟାଣ୍ଡ ଫାଇନାଲରେ ପରସ୍ପରର ମୁହାଁମୁହିଁ ହେବେ। ଭାରତୀୟ ଦଳ ଲଗାତାର ଦ୍ୱିତୀୟ ଥର ପାଇଁ ଟି-୨୦ ବିଶ୍ୱକପ୍ ଫାଇନାଲରେ ପହଞ୍ଚିଛି। ଏଥର ଭାରତୀୟ ଦଳ କିପରି ପ୍ରଦର୍ଶନ କରୁଛି ତାହା ଦେଖିବା ଆକର୍ଷଣୀୟ ହେବ।

ଅଧିକ ପଢନ୍ତୁ- T-୨୦ World Cup Prize Money: ଭାରତ ବନାମ ନ୍ୟୁଜିଲାଣ୍ଡ କିଏ ମାରିବ ବାଜି?