ନୂଆଦିଲ୍ଲୀ: ଟି-୨୦ ବିଶ୍ଵକପ ୨୦୨୬ର ଦ୍ଵିତୀୟ ସେମିଫାଇନାଲ ଟିମ୍ ଇଣ୍ଡିଆ ଏବଂ ଇଂଲଣ୍ଡ ମଧ୍ୟରେ ଖେଳାଯିବ। ଟିମ୍ ଇଣ୍ଡିଆ ୫ ମାର୍ଚ୍ଚରେ ହେବାକୁ ଥିବା ଏହି ମ୍ୟାଚ୍ ପାଇଁ ୨ମାର୍ଚ୍ଚରେ ମୁମ୍ବାଇରେ ପହଞ୍ଚିଥିଲା। ସେମିଫାଇନାଲ ପାଇଁ ଦଳର ପ୍ରଥମ ଅଭ୍ୟାସ ସେସନ ୩ ମାର୍ଚ୍ଚରେ ହେବାର ଥିଲା, କିନ୍ତୁ ଚନ୍ଦ୍ରଗ୍ରହଣ ଯୋଗୁଁ ଏହା ନିର୍ଦ୍ଧାରିତ ସମୟରେ ଆରମ୍ଭ ହୋଇନଥିଲା। ଚନ୍ଦ୍ରଗ୍ରହଣ ଯୋଗୁଁ ଟିମ୍ ଇଣ୍ଡିଆର ଅଭ୍ୟାସ ଅଧିବେଶନ ବିଳମ୍ବିତ ହୋଇଥିଲା।
ଟିମ୍ ଇଣ୍ଡିଆ ଉପରେ ଚନ୍ଦ୍ରଗ୍ରହଣର ପ୍ରଭାବ
ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଭାରତର ଅଭ୍ୟାସ ସେସନ ସନ୍ଧ୍ୟା ୬:୦୦ ରୁ ରାତି ୯:୦୦ ପର୍ଯ୍ୟନ୍ତ ଥିଲା। ତଥାପି ଭାରତୀୟ ଖେଳାଳିମାନେ ସନ୍ଧ୍ୟା ୭ଟା ୨୦ ପର୍ଯ୍ୟନ୍ତ ପଡ଼ିଆକୁ ଓହ୍ଲାଇ ପାରି ନଥିଲେ। ଏପରିକି ଷ୍ଟାଡିୟମର ଲାଇଟ୍ ସନ୍ଧ୍ୟା ୬ତା ୫୦ରେ ଜଳିଯାଇଥିଲା। କିନ୍ତୁ ଫ୍ଲଡଲାଇଟ୍ ଜଳି ନ ଥିଲା। ଯେତେବେଳେ ଟିମ୍ ଇଣ୍ଡିଆ ଅଭ୍ୟାସ ପାଇଁ ପଡ଼ିଆରେ ପ୍ରବେଶ କରିଥିଲା ସେତେ ବେଳେ ହିଁ ଫ୍ଲଡ ଲାଇଟ୍ ଚାଲୁ ହୋଇଥିଲା।
Also read: ‘ଟିମ୍ରେ ସ୍ଥାନ ନାହିଁ, ପାକିସ୍ତାନର ଅଧିନାୟକ କିପରି? ଜ୍ୱାଇଁଙ୍କ ନାଁ ନେଲେ ବୋର୍ଡକୁ ଶୁଣାଇଲେ ରୋକ୍ଠୋକ୍..
ଭାରତୀୟ ଖେଳାଳିମାନେ ଦଳୀୟ ହୋଟେଲ୍ରୁ ବସ୍ରେ ଅଭ୍ୟାସ ପାଇଁ ଷ୍ଟାଡିୟମ୍କୁ ଆସିଥିଲେ। ହାର୍ଦ୍ଦିକ ପାଣ୍ଡ୍ୟା ଏକମାତ୍ର ବ୍ୟକ୍ତି ଥିଲେ ଯିଏ ଦଳୀୟ ବସ୍ରେ ଆସି ନଥିଲେ। ସେ ନିଜସ୍ଵ କାରରେ ଆସିଥିଲେ। ଟିମ୍ ଇଣ୍ଡିଆର ସପୋର୍ଟ ଷ୍ଟାଫ୍ର କିଛି ସଦସ୍ୟ ଖେଳାଳି ଏବଂ ପ୍ରଶିକ୍ଷକଙ୍କ ପୂର୍ବରୁ ଗ୍ରାଉଣ୍ଡରେ ପହଞ୍ଚି ସାରିଥିଲେ। କିନ୍ତୁ, ଦଳର ଆଗମନ ପରେ ମଧ୍ୟ ଚନ୍ଦ୍ରଗ୍ରହଣ ଯୋଗୁଁ ଅଭ୍ୟାସ ନିର୍ଦ୍ଧାରିତ ସମୟ ମଧ୍ୟରେ ଆରମ୍ଭ ହୋଇପାରିନଥିଲା।
ଚନ୍ଦ୍ରଗ୍ରହଣ କେତେ ସମୟ ଧରି ଚାଲିଥିଲା ?
ଚନ୍ଦ୍ରଗ୍ରହଣ ପ୍ରାୟ ୩ ଘଣ୍ଟା ୨୭ ମିନିଟ୍ ଧରି ଚାଲିଥିଲା। ଅପରାହ୍ନ ୩ଟା ୨୧ରେ ଆରମ୍ଭ ହୋଇ ସନ୍ଧ୍ୟା ୬ଟା ୪୭ରେ ଶେଷ ହୋଇଥିଲା।
ଭାରତ ବନାମ ଇଂଲଣ୍ଡ
ଭାରତ ଏବଂ ଇଂଲଣ୍ଡ ମଧ୍ୟରେ ସେମିଫାଇନାଲ ମ୍ୟାଚ୍ ୱାଙ୍ଖେଡେ ଷ୍ଟାଡିୟମରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି, ଏବଂ ପ୍ରସ୍ତୁତି ଜୋରଦାର ଚାଲିଛି। ଏହା ଚଳିତ T20 ବିଶ୍ୱକପରେ ୱାଙ୍ଖେଡେରେ ଭାରତର ଦ୍ୱିତୀୟ ମ୍ୟାଚ୍ ହେବ। ପୂର୍ବରୁ ଏଠାରେ ଆମେରିକା ବିପକ୍ଷରେ ପ୍ରଥମ ମ୍ୟାଚ୍ ଖେଳି ମ୍ୟାଚ୍ ଜିତିଥିଲେ। ଏହା ୱାଙ୍ଖେଡେରେ ଇଂଲଣ୍ଡର ତୃତୀୟ ମ୍ୟାଚ୍ ହେବ। ଚଳିତ ଟି-୨୦ ବିଶ୍ଵକପରେ ୱାଙ୍ଖେଡେରେ ଖେଳାଯାଇଥିବା ଦୁଇଟି ମ୍ୟାଚ୍ ମଧ୍ୟରୁ ଦଳ ଗୋଟିଏରେ ଜିତିଥିଲା ଏବଂ ଅନ୍ୟଟି ହାରିଥିଲା।
