ନୂଆଦିଲ୍ଲୀ ୨୫।୦୨; ପ୍ଲେବ୍ୟାକ୍ ସିଙ୍ଗିଙ୍ଗ୍ରୁ ଅବସର ଘୋଷଣା ପରେ ସୋସିଆଲ ମିଡିଆରେ ହଇଚଇ ସୃଷ୍ଟି କରିଥିଲେ ଅରିଜିତ। ସେ କାହିଁକି ଏହି ନିଷ୍ପତ୍ତି ନେଲେ ତାହାକୁ ନେଇ ଫ୍ୟାନ୍ସ ନିରାଶ ହୋଇଛନ୍ତି। ହେଲେ ଏବେ ବି ଅଧା ଥିବା ତାଙ୍କର ଗୀତ ଗୁଡ଼ିକ ରିଲିଜ୍ ହେବାରେ ଲାଗିଛି। ସେ ଅମୀର ଖାନଙ୍କ ସହ “ଏକ ଦିନ” ଫିଲ୍ମରେ କାମ କରିଛନ୍ତି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।
ଏହା ଅନେକଙ୍କୁ ତାଙ୍କର ଅବସର ନିଷ୍ପତ୍ତି ଉପରେ ପ୍ରଶ୍ନ ଉଠାଇଛି। ଏବେ ଅରିଜିତ ଅବସର ପରେ ଗୀତ ରିଲିଜ କରିବାର ନିଷ୍ପତ୍ତି ସ୍ପଷ୍ଟ କରି ଏକ ବିବୃତ୍ତି ଜାରି କରିଛନ୍ତି। ସେ ତାଙ୍କର ସୋସିଆଲ ମିଡିଆ ହ୍ୟାଣ୍ଡେଲରେ ତାଙ୍କର ଚିନ୍ତାଧାରା ଏବଂ ଗୀତ ରିଲିଜ୍ ପ୍ରକ୍ରିୟା ସେୟାର କରିଛନ୍ତି।ତାଙ୍କ ପ୍ରଶଂସକମାନଙ୍କ ପାଇଁ ଏକ ଭାବପ୍ରବଣ ପୋଷ୍ଟରେ, ଅରିଜିତ ପ୍ରକାଶ କରିଛନ୍ତି ଯେ ତାଙ୍କର ଅନେକ ଗୀତ ବାକି ଅଛି ଏବଂ ଆଗାମୀ ବର୍ଷ ମଧ୍ୟରେ ଗୋଟିଏ ପରେ ଗୋଟିଏ ରିଲିଜ୍ ହେବ। ସେ ଏହି ନିଷ୍ଠୁର ଏବଂ ନିର୍ଦ୍ଦୟି ଦୁନିଆରେ ତାଙ୍କ ପ୍ରଶଂସକମାନଙ୍କୁ ସେମାନଙ୍କ ପ୍ରେମ ପାଇଁ ଧନ୍ୟବାଦ ଜଣାଇଛନ୍ତି।
This message is just for my listeners
please dont read and swipe right now if you are not my listener, its a humble request.Hello beautiful people! ❤️
I just want to tell you all that I love you.
Thank you so much for your kindness in this ruthless world.
Although I have…— WhoamI (@Atmojoarjalojo) February 24, 2026
ତାଙ୍କ ଫେସବୁକ୍ ହ୍ୟାଣ୍ଡେଲରେ ଗାୟକ ବ୍ୟାଖ୍ୟା କରିଛନ୍ତି ଯେ ସେ ତାଙ୍କର ଅବସର ଘୋଷଣା କରିବା ପୂର୍ବରୁ କିଛି ପ୍ରୋଜେକ୍ଟ ହାତକୁ ନେଇଥିଲେ ତେଣୁ ସେଗୁଡ଼ିକୁ ସମାପ୍ତ କରିବା ଗୁରୁତ୍ୱପୂର୍ଣ୍ଣ। ଅରିଜିତ ପ୍ରଶଂସକମାନଙ୍କୁ ସୂଚନା ଦେଇଛନ୍ତି ଯେ ସେ ନୂତନ ପ୍ରୋଜେକ୍ଟ ନେବା ବନ୍ଦ କରିଦେଇଛନ୍ତି ଏବଂ ଅବସର ନେବାର ନିଷ୍ପତ୍ତି ନେଇ ଗମ୍ଭୀର। ସେ ଲେଖିଛନ୍ତି, “ଏହି ବାର୍ତ୍ତା କେବଳ ମୋ ଶ୍ରୋତାଙ୍କ ପାଇଁ। ଯଦି ଆପଣ ମୋର ଶ୍ରୋତା ନୁହଁନ୍ତି ଦୟାକରି ଏହାକୁ ପଢ଼ନ୍ତୁ ନାହିଁ ଏବଂ ସ୍ୱାଇପ୍ କରନ୍ତୁ। ଏହା ଏକ ବିନମ୍ର ଅନୁରୋଧ। ନମସ୍କାର ପ୍ରିୟ ବନ୍ଧୁଗଣ! ମୁଁ ଆପଣମାନଙ୍କୁ ସମସ୍ତଙ୍କୁ କହିବାକୁ ଚାହୁଁଛି ଯେ ମୁଁ ଆପଣମାନଙ୍କୁ ସମସ୍ତଙ୍କୁ ଭଲ ପାଏ। ଏହି ନିଷ୍ଠୁର ଦୁନିଆରେ ଆପଣଙ୍କ ଦୟା ପାଇଁ ଆପଣଙ୍କୁ ବହୁତ ବହୁତ ଧନ୍ୟବାଦ।” ତା’ପରେ ଅରିଜିତ ଟ୍ୱିଟ୍ କରି ଲେଖିଛନ୍ତି, ” କିଏ ଜାଣିଛି ଆଗକୁ କ’ଣ ହେବ।” ତେବେ ଗାୟକ ଜାନୁଆରୀ ୨୭ ତାରିଖରେ ଏକ ଇନଷ୍ଟାଗ୍ରାମ ପୋଷ୍ଟ ମାଧ୍ୟମରେ ତାଙ୍କର ଅବସର ଘୋଷଣା କରିଥିଲେ। ଏବେ, ପ୍ରାୟ ଗୋଟିଏ ମାସ ପରେ, ପ୍ରଶଂସକମାନଙ୍କ ପାଇଁ ତାଙ୍କର ବାର୍ତ୍ତା ପହଞ୍ଚିଛି।
ଅଧିକ ପଢନ୍ତୁ-ଅରିଜିତଙ୍କ ଅବସରକୁ ନେଇ ଦୁଃଖି ହେଲେ ଅମୀର ଖାନ, ଏହି ନିଷ୍ପତ୍ତି ଉପରେ ବିଚାର କରିବାକୁ କଲେ ଅନୁରୋଧ
