ସନ୍ନି ଦେଓଲ ତାଙ୍କ ଇନଷ୍ଟାଗ୍ରାମରେ ଏକ ମୋସନ ପିକ୍ଚର ସେୟାର କରିଛନ୍ତି, ଯେଉଁଥିରେ ବର୍ଡର ୨ର ରିଲିଜ୍ ତାରିଖ ୨୨ ଜାନୁଆରୀ ୨୦୨୬ ବୋଲି ଉଲ୍ଲେଖ କରାଯାଇଛି। ଏହା ସହିତ ଅଭିନେତା କ୍ୟାପସନରେ ଲେଖିଛନ୍ତି, “ହିନ୍ଦୁସ୍ତାନ ପାଇଁ ଲଢ଼ିବୁ, ଆଉ ଥରେ।
ଅଗଷ୍ଟ ୧୫ ତାରିଖରେ ସମଗ୍ର ଭାରତ ସ୍ୱାଧୀନତା ଦିବସ ପାଳନ କରୁଛି। ଏହି ଅବସରରେ ସେଲିବ୍ରିଟିମାନେ ମଧ୍ୟ ସୋସିଆଲ ମିଡିଆ ମାଧ୍ୟମରେ ପ୍ରଶଂସକମାନଙ୍କୁ ଶୁଭେଚ୍ଛା ଜଣାଉଛନ୍ତି। କିନ୍ତୁ ଏହା ମଧ୍ୟରେ ସନ୍ନି ଦେଓଲଙ୍କ ପ୍ରଶଂସକମାନଙ୍କ ପାଇଁ ଏକ ବଡ଼ ଖବର ସାମ୍ନାକୁ ଆସିଛି।
ସନ୍ନି ଦେଓଲଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ବର୍ଡର ୨ର ରିଲିଜ୍ ତାରିଖ ଘୋଷଣା କରାଯାଇଛି, ଯାହା ଏକ ଦମଦାର ପୋଷ୍ଟର ସହିତ ପ୍ରକାଶ ପାଇଛି। ଏହାର ଝଲକ ଦେଖିବା ପରେ ପ୍ରଶଂସକମାନେ ବେଶ୍ ଉତ୍ସାହିତ ହୋଇଛନ୍ତି ଏବଂ ଚଳଚ୍ଚିତ୍ରଟି ରିଲିଜ୍ ହେବାର ଅପେକ୍ଷାରେ ରହିଛି ।
ସନ୍ନି ଦେଓଲ ତାଙ୍କ ଇନଷ୍ଟାଗ୍ରାମରେ ଏକ ମୋସନ ପିକ୍ଚର ସେୟାର କରିଛନ୍ତି, ଯେଉଁଥିରେ ବର୍ଡର ୨ର ରିଲିଜ୍ ତାରିଖ ୨୨ ଜାନୁଆରୀ ୨୦୨୬ ବୋଲି ଉଲ୍ଲେଖ କରାଯାଇଛି। ଏହା ସହିତ ଅଭିନେତା କ୍ୟାପସନରେ ଲେଖିଛନ୍ତି, “ହିନ୍ଦୁସ୍ତାନ ପାଇଁ ଲଢ଼ିବୁ, ଆଉ ଥରେ। ବର୍ଡର ୨ ଜାନୁଆରୀ ୨୨, ୨୦୨୬ରେ ସିନେମା ହଲରେ ମୁକ୍ତିଲାଭ କରୁଛି।
Also Read
ଏହି ପୋଷ୍ଟର ସେୟାର ହେବା ପରେ ପ୍ରଶଂସକମାନେ କମେଣ୍ଟ ସେକ୍ସନରେ ହାର୍ଟ ଓ ଫାୟାର ଇମୋଜିର ସୁଅ ଛୁଟାଇଛନ୍ତି।
ବର୍ଡର ୨ର ନିର୍ଦ୍ଦେଶକ ଅନୁରାଗ ସିଂହ ଏବଂ ଏହାର ନିର୍ମାଣ ଗୁଲଶନ କୁମାର ଓ ଟି-ସିରିଜ୍ର ବ୍ୟାନର ଅଧୀନରେ ହେଉଛି। ବର୍ଡର ୨ ହେଉଛି ଜେ.ପି. ଦତ୍ତାଙ୍କ ୧୯୯୭ର ବ୍ଲକବଷ୍ଟର ଚଳଚ୍ଚିତ୍ର ବର୍ଡରର ସିକ୍ୱେଲ, ଯାହା ୧୯୭୧ର ଭାରତ-ପାକିସ୍ତାନ ଯୁଦ୍ଧ ଉପରେ ଆଧାରିତ ଥିଲା। ସେହି ଚଳଚ୍ଚିତ୍ରରେ ସନ୍ନି ଦେଓଲ, ସୁନୀଲ ଶେଟ୍ଟୀ, ଜାକୀ ଶ୍ରଫ, ଅକ୍ଷୟ ଖାନ୍ନା, ସୁଦେଶ ବେରୀ, ପୁନୀତ ଇସ୍ସାର, କୁଲଭୂଷଣ ଖରବନ୍ଦା, ତବୁ, ରାଖୀ ଗୁଲଜାର, ପୂଜା ଭଟ୍ଟ ଓ ଶରବାନୀ ମୁଖାର୍ଜୀ ମୁଖ୍ୟ ଭୂମିକାରେ ଅଭିନୟ କରିଥିଲେ।
ଅନ୍ୟପକ୍ଷରେ, ବର୍ଡର ୨ରେ ସନ୍ନି ଦେଓଲ, ଦିଲଜିତ, ବରୁଣ ଧବନ ଏବଂ ଆହାନ ଶେଟ୍ଟୀ ଅଭିନୟ କରୁଛନ୍ତି। ଏହି ଚଳଚ୍ଚିତ୍ରକୁ ନେଇ ବେଶ୍ ଉତ୍ସାହ ଦେଖାଦେଇଛି। ବରୁଣ ଧବନ, ସନ୍ନି ଦେଓଲ ଓ ଦିଲଜିତ ଚଳଚ୍ଚିତ୍ରର ଶୁଟିଂ ଶେଷ କରିସାରିଛନ୍ତି ଏବଂ ବର୍ତ୍ତମାନ ପୋଷ୍ଟ-ପ୍ରୋଡକ୍ସନ କାର୍ଯ୍ୟ ଚାଲିଛି।
