ସୋଫିଆ ତାଙ୍କ ଦଳ କଥା ବୁଝିବେ, ମୁଁ ନୂଆ ଦଳ କଥା ଚିନ୍ତା କରିବି କହିଲେ ମୋକିମ୍
ନୂଆ ଦଳ ପୂର୍ବରୁ ଦଳକୁ ଅଧିକ ମଜବୁତ କରିବାକୁ ରାଜ୍ୟର ବିଭିନ୍ନ ବର୍ଗ ସହ ଆଲୋଚନ କରୁଛନ୍ତି ମୋକିମ୍ । ଭୁବନେଶ୍ୱର କସ୍ତୁରବା ନାରୀ ମହଲରେ ଚାଷୀଙ୍କୁ ନେଇ ହୋଇଛି ବୈଠକ । ରାଜ୍ୟରେ ଚାଷୀଙ୍କ ବିଭିନ୍ନ ସମସ୍ୟା ନେଇ ଏହି ଅବସରରେ ଆଲୋଚନା ହୋଇଛି ।
Published By: Ruby – Prameya-News7 Bureau | February 05, 2026 06:31 PM
NEWS7
ଭୁବନେଶ୍ୱର ୫।୨: କୃଷକଙ୍କୁ ନେଇ ବରିଷ୍ଠ ରାଜନେତା ମହମ୍ମଦ ମୋକିମ୍ଙ୍କ ବୈଠକ । ପ୍ରଥମେ ଯୁବକ ପରେ ମହିଳା ଏବେ ଚାଷୀଙ୍କୁ ନେଇ ବୈଠକ କରିଛନ୍ତି ମହମ୍ମଦ ମୋକିମ୍ । ଭୁବନେଶ୍ୱର କସ୍ତୁରବା ନାରୀ ମହଲରେ ଚାଷୀଙ୍କୁ ନେଇ ହୋଇଛି ବୈଠକ । ରାଜ୍ୟରେ ଚାଷୀଙ୍କ ବିଭିନ୍ନ ସମସ୍ୟା ନେଇ ଏହି ଅବସରରେ ଆଲୋଚନା ହୋଇଛି । ନୂଆ ଦଳ ପୂର୍ବରୁ ଦଳକୁ ଅଧିକ ମଜବୁତ କରିବାକୁ ରାଜ୍ୟର ବିଭିନ୍ନ ବର୍ଗ ସହ ଆଲୋଚନ କରୁଛନ୍ତି ମୋକିମ୍ ।
ଏ ଖବର ବି ପଢ଼ନ୍ତୁ:- ଏକତରଫା ପ୍ରେମରୁ ମହିଳାଙ୍କୁ ଛୁରୀ ଭୁସି ହତ୍ୟା କରିଥିଲା, ଏବେ ଆଜୀବନ ରହିବ ଜେଲ୍ରେ
ବୈଠକ ପରେ ଗଣମାଧ୍ୟମକୁ ସୂଚନା ଦେଇ ମୋକିମ୍ କହିଛନ୍ତି ରାଜ୍ୟର ବିଭିନ୍ନ କୃଷକ ନେତାଙ୍କ ସହ ଆଲୋଚନା ହୋଇଛି । ମାର୍ଚ୍ଚ ମାସ ଶେଷରେ ନୂଆ ଦଳ ରାଜ୍ୟବାସୀଙ୍କ ସାମ୍ନାକୁ ଆସିବ । ନୂଆ NSC ସହ ଆଗାମୀ ପୌର ଏବଂ ପଞ୍ଚାୟତ ନିର୍ବାଚନରେ ମଧ୍ୟ ଲଢ଼ିବ ମୋକିମ୍ଙ୍କ ନୂଆ ଦଳ । ଆଗାମୀ ଦିନରେ ଅନେକ ଦଳର ବହୁ ନେତା ଆମ ସହ ଯୋଗାଯୋଗରେ ରହିଛନ୍ତି । ଦଳ ଗଠନ ପରେ ସେମାନେ ମଧ୍ୟ ସାମ୍ନାକୁ ଆସିଯିବେ ।
ଏ ଖବର ବି ପଢନ୍ତୁ:-ଦକ୍ଷିଣ ପଶ୍ଚିମାଞ୍ଚଳ DIGଙ୍କ ବଡ଼ ଘୋଷଣା, ସଂପୂର୍ଣ୍ଣ ମାଓ ମୁକ୍ତ ହେଲା କୋରାପୁଟ ଜିଲ୍ଲା
ସୋଫିଆ ଗୋଟିଏ ଦଳର ବିଧାୟିକା ଏବଂ ମୁଁ ଗୋଟିଏ ନୂଆ ଦଳର ଦାୟିତ୍ୱ ଦେଉଛି, ଜଣେ ପୂର୍ବ ହେଲେ ଜଣେ ପଶ୍ଚିମ । ତେଣୁ ସୋଫିଆ ଯେଉଁ ଦଳର ରହିଛନ୍ତି ସିଏ ସେ ଦଳ କଥା ବୁଝିବେ ଆଉ ମୁଁ ନୂଆ ଦଳ କଥା ଚିନ୍ତା କରିବି ବୋଲି ମୋକିମ୍ କହିଛନ୍ତି ।
