ନୂଆଦିଲ୍ଲୀ ୦୨/୦୨: ମଧ୍ୟପ୍ରାଚ୍ୟରେ ଘନେଇବାରେ ଲାଗିଛି ଯୁଦ୍ଧ ଆଶଙ୍କା । ଅଧିକ ତିକ୍ତ ହେବାରେ ଲାଗିଛି ଆମେରିକା-ଇରାନ୍ ସଂପର୍କ । ଏହାରି ଭିତରେ ଆମେରିକାକୁ ଚରମବାଣୀ ଶୁଣାଇଛନ୍ତି ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲ୍ଲି ଖାମେନି । ଖାମେନି କହିଛନ୍ତି, ଏଥର ଇରାନ ଉପରେ ଆକ୍ରମଣ ହୁଏ, ତେବେ ଏହାର ପରିଣାମ କେବଳ ଗୋଟିଏ ଦେଶ ପର୍ଯ୍ୟନ୍ତ ସୀମିତ ରହିବ ନାହିଁ । ଏହା ସମଗ୍ର ଅଞ୍ଚଳରେ ବ୍ୟାପିବ ସନ୍ଦେହ ନାହିଁ ।
ତେହେରାନରେ ଏକ ସାଧାରଣ ରାଲିକୁ ସମ୍ବୋଧିତ କରି ୮୬ ବର୍ଷୀୟ ଖାମେନି ଏପରି କହିଛନ୍ତି ।ଦେଶର ତୈଳ ଭଣ୍ଡାରକୁ କବଜା କରିବାକୁ ଉଦ୍ୟମ କଲେ ଆମେରିକାକୁ ବରବାଦ କରିଦେବୁ ବୋଲି କଡ଼ା ଚେତାବନୀ ଶୁଣାଇଛନ୍ତି । ତେହେରାନର କଡ଼ା କାର୍ଯ୍ୟାନୁଷ୍ଠାନର ଜବାବରେ ଟ୍ରମ୍ପଙ୍କ ଧମକ ପରେ ଏହି ଚେତାବନୀ ଦେଇଛନ୍ତି ଖାମେନି । ଆମେରିକା ଓ ଇସ୍ରାଏଲ ଦ୍ୱାରା ‘ଦଙ୍ଗା’ ସଂଗଠିତ କରାଯାଉଛି ବୋଲି କହିବା ସହ ଦଙ୍ଗାକାରୀମାନେ ପୋଲିସ, ସରକାରୀ ପ୍ରତିଷ୍ଠାନ, IRGC କେନ୍ଦ୍ର, ବ୍ୟାଙ୍କ ଏବଂ ମସଜିଦ ଉପରେ ଆକ୍ରମଣ କରିଥିଲେ।
କୋରାନକୁ ପୋଡ଼ି ଦେଇଥିଲେ। ଏହା ଏକ ବିପ୍ଳବ ଥିଲା। ବିପ୍ଳବକୁ ଦମନ କରାଯାଇଥିଲା। ତେହେରାନ ବିକ୍ଷୋଭରେ ୩ ହଜାରରୁ ଅଧିକଙ୍କ ମୃତ୍ୟୁ ହୋଇଥିବାବେଳେ ଅଧିକାଂଶ ସୁରକ୍ଷା କର୍ମୀ ଏବଂ ନିର୍ଦ୍ଦୋଶ ଦର୍ଶକ ଥିଲେ ବୋଲି କହିବା ସହ ହିଂସାକୁ “ଆତଙ୍କବାଦୀ କାର୍ଯ୍ୟ” ବୋଲି କହିଛନ୍ତି ଇରାନର ସର୍ବୋଚ୍ଚ ନେତା। ଖାମେନି ଏହାକୁ ନୂଆ “ନୂଆ ଷଡ଼ଯନ୍ତ୍ର” ବୋଲି କହିଥିଲେ, ଯେପରି ସେ ପୂର୍ବରୁ ୨୦୦୯ ଗ୍ରୀନ୍ ଆନ୍ଦୋଳନ ବିଷୟରେ ବର୍ଣ୍ଣନା କରିଥିଲେ।
ଖାମେନିଙ୍କ ବକ୍ତବ୍ୟ ଉପରେ ପ୍ରତିକ୍ରିୟା ଦେଇ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ସେ ଆଶା କରୁଛନ୍ତି ଯେ ଇରାନ ଏକ ଚୁକ୍ତିରେ ରାଜି ହେବ। ସେ ଏହା କହିବେ। ଆଶା କରୁଛି, ଆମେ ଏକ ଚୁକ୍ତି କରିବୁ। ଯଦି କୌଣସି ଚୁକ୍ତି ହୋଇନଥାଏ । ତେବେ ଆମେ ଦେଖିବୁ ଯେ ସେ ଠିକ୍ ଥିଲେ କି ନାହିଁ, ଟ୍ରମ୍ପ ସାମ୍ବାଦିକମାନଙ୍କୁ କହିଥିଲେ।
