ଖୋର୍ଦ୍ଧା ୫।୧୧: ପୁଣି ତେଜିଲା ସୀମା ବିବାଦ । ଖୋର୍ଦ୍ଧା ଜିଲ୍ଲା ବାଘମାରୀ ଥାନା କୋଟପଲା ଏବଂ ଓସ୍ତପୁର ଗ୍ରାମ ମଧ୍ୟରେ ପୁଣି ଥରେ ସୀମା ବିବାଦ ଦେଖାଦେଇଛି । ଏହାକୁ ନେଇ ଓସ୍ତପୁର ବଜାରରେ ଦୋକାନ ଭଙ୍ଗାରୁଜା ସହ ପଥରମାଡ଼ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚିଥିବା ସୂଚନା ରହିଛି ।
ସୂଚନାଯୋଗ୍ୟ ଯେ, ଖୋର୍ଦ୍ଧା ଜିଲ୍ଲା ବାଘମାରୀ ଥାନା କୋଟପଲା ଏବଂ ଓସ୍ତପୁର ଗ୍ରାମରେ ପୁଣି ତେଜିଲା ସୀମା ବିବାଦ । ଦୁଇ ଗ୍ରାମ ମଧ୍ୟରେ ପୁଣି ଥରେ ସୀମା ବିବାଦ ଦେଖିବାକୁ ମିଳିଛି । ଦୁଇ ଗ୍ରାମ ମଧ୍ୟରେ ବିବାଦ ଫଳରେ ଉତ୍ତେଜନା ଲାଗି ରହିଛି । ଫଳରେ ଓସ୍ତପୁର ବଜାରରେ ଉତ୍ତ୍ୟକ୍ତ ଲୋକ ଦୋକାନ ଭଙ୍ଗାରୁଜା କରିବା ସହ ପଥରମାଡ଼ କରିଛନ୍ତି । ଉଭୟ ଗ୍ରାମର ଲୋକଙ୍କ ମଧ୍ୟରେ ଉତ୍ତେଜନା ଜାରି ରହିଛି ।
ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣରେ ରଖିଛି । ଏହାକୁ ନେଇ କିଛି ଲୋକ ରାସ୍ତାରୋକ କରିଥିବା ମଧ୍ୟ ଦେଖିବାକୁ ମିଳିଛି । ଉଲ୍ଲେଖଯୋଗ୍ୟ କି, ପୂର୍ବରୁ ବିବାଦ କାରଣରୁ ୧୬୩ ଧାରା ଲଗାଯାଇଥିଲା । ଯାହା କିଛି ଦିନ ତଳେ ଉଠିଥିଲା ।
