T

ଟ୍ରେନ ଭିତରେ ଆତଙ୍କ। ଯାହାକୁ ଦେଖିଲା ଛୁରି ଭୁସିଲା । ଲୋକେ ଡରରେ ଧାଇଁବାକୁ ଲାଗିଲେ । ୟୁନାଇଟେଡ କିଙ୍ଗଡମରେ ଏକ ଟ୍ରେନ ଭିତରେ ଲୋକଙ୍କୁ ଛୁରୀରେ ଆକ୍ରମଣ କରାଯାଇଛି। ପୂର୍ବ ଇଂଲଣ୍ଡର କେମ୍ବ୍ରିଜଶାୟରରେ ଏକ ଟ୍ରେନରେ ଛୁରୀମାଡ଼ ଘଟଣା ପରେ “ଅନେକ ଲୋକଙ୍କୁ” ହସ୍ପିଟାଲକୁ ନିଆଯାଇଥିଲା । 

ପୋଲିସ କହିଛି ଯେ ଟ୍ରେନରେ ଛୁରୀମାଡ଼ ଆକ୍ରମଣ ପରେ 10 ଜଣଙ୍କୁ ହସ୍ପିଟାଲକୁ ନିଆଯାଇଥିଲା, ଯେଉଁଥିରୁ 9 ଜଣଙ୍କ ଅବସ୍ଥା ଗମ୍ଭୀର ରହିଛି । ରିପୋର୍ଟ ଅନୁଯାୟୀ ବ୍ରିଟିଶ ପୋଲିସ କହିଛି ଯେ ସେମାନେ ଏହି ମାମଲାରେ ଦୁଇ ଜଣ ସନ୍ଦିଗ୍ଧଙ୍କୁ ଗିରଫ କରିଛନ୍ତି।

ଜଣେ ପ୍ରତ୍ୟକ୍ଷଦର୍ଶୀ ଜଣେ ବ୍ୟକ୍ତିଙ୍କୁ ଏକ ବଡ଼ ଛୁରି ଧରିଥିବା ଦେଖିଥିଲେ। ସେ କହିଥିଲେ ଯେ ସବୁଠାରେ ରକ୍ତ ପଡ଼ିଥିଲା । ଲୋକମାନେ ନିଜ ଜୀବନ ବଞ୍ଚାଇବା ପାଇଁ ଶୌଚାଳୟରେ ଲୁଚି ରହିଥିଲେ। ଯାତ୍ରୀମାନେ ଖସିଯିବାକୁ ଚେଷ୍ଟା କରି ପରସ୍ପର ଉପରେ ପଡ଼ିଯାଉଥିଲେ ବା ଧକ୍କା ହେଉଥିଲେ । କିଛି ଲୋକଙ୍କୁ ‘ଆମେ ତୁମକୁ ଭଲପାଉ’ ବୋଲି ଚିତ୍କାର କରୁଥିବାର ଶୁଣିଛନ୍ତି ପ୍ରତ୍ୟକ୍ଷଦର୍ଶୀ ।

ୟୁକେ ପ୍ରଧାନମନ୍ତ୍ରୀ କୀର ଷ୍ଟାରମର୍ କହିଛନ୍ତି ଯେ ଏହି “ଭୟାନଜନକ” ଘଟଣା “ଗମ୍ଭୀର ଭାବରେ ଚିନ୍ତାଜନକ”। “ମୋର ସମବେଦନା ସମସ୍ତଙ୍କ ସହିତ ଅଛି, ଏବଂ ଜରୁରୀକାଳୀନ ସେବାଗୁଡ଼ିକୁ ସେମାନଙ୍କର କାମ ପାଇଁ ଧନ୍ୟବାଦ ଜଣାଇଛନ୍ତି । 

ବ୍ରିଟେନରେ ବୃଦ୍ଧି ପାଉଛି ଛୁରୀରେ ଆକ୍ରମଣ

ସରକାରୀ ସଂଖ୍ୟା ଅନୁଯାୟୀ, ଇଂଲଣ୍ଡ ଏବଂ ୱେଲ୍ସରେ ଛୁରୀରେ ଆକ୍ରମଣ ଅପରାଧ 2011 ମସିହାରୁ ବୃଦ୍ଧି ପାଉଛି। ବ୍ରିଟେନରେ ବନ୍ଧୁକ ରଖିବା ଉପରେ କଡ଼ା ନିୟମ ଅଛି । ସେଥିପାଇଁ ଲୋକମାନେ ଅପରାଧରେ ଛୁରୀ ବ୍ୟବହାର କରୁଛନ୍ତି ।