‘ଯଦି ରାଜନୈତିକ ଷଡ଼ଯନ୍ତ୍ର ଥାଆନ୍ତା ତାହେଲେ ହତ୍ୟା ପରଦିନ ଗିରଫ କରାଯାଇଥାନ୍ତା, ସମୟ ଲାଗିଲା ତଥ୍ୟ ପାଇବାକୁ’

ଭୁବନେଶ୍ବର ୨୨।୧୦: ଏବେ ବିରୋଧୀ ଦଳରେ ଥାଇ ବି ଅପରାଧିଙ୍କୁ ଲୁଚାଇବାକୁ ବିଜେଡିର ଅଭିଯୋଗକୁ ଦୁର୍ଭାଗ୍ୟଜନକ କହିଲେ ରାଜସ୍ବ ମନ୍ତ୍ରୀ ସୁରେଶ ପୂଜାରୀ । ସେ କହିଛନ୍ତି, ବିଜେଡି ସତ୍ୟର ଅପ୍ରଳାପ କରୁଛି । ନିଜ ନେତାଙ୍କୁ ସୁରକ୍ଷା ଦେବାକୁ ଯାଇ ଅପରାଧକୁ ପ୍ରୋତ୍ସାହନ କରୁଛି ବିଜେଡି । ଅପରାଧୀ ନେତାଙ୍କୁ ସୁରକ୍ଷା ଦେବାକୁ ଯାଇ ଓଡ଼ିଶା ପ୍ରତି ଅନ୍ୟାୟ କରୁଛି ବିଜେଡି । ଷଡ଼ଯନ୍ତ୍ର କରିକି ହତ୍ୟା କରିବା ଓଡ଼ିଶାରେ ନଥିଲା । ସୁପାରୀ ଦେଇକି ସାର୍ପ ସୁଟରଙ୍କୁ ବିହାରରୁ ଆଣି ମାରିବାକୁ ଷଡ଼ଯନ୍ତ୍ର । ସେଥିରେ ରାଜନୈତିକ ଦଳର ନେତା, ପୂର୍ବତନ ବିଧାୟକ ଏବଂ ମେୟରଙ୍କ ସମ୍ପୃକ୍ତି ରହିଛି । ଓଡ଼ିଶାରେ ରାଜନୀତି ଅପରାଧିକରଣ ହେବାରେ ଲାଗିଲାଣି । ବ୍ରହ୍ମପୁର ପୋଲିସକୁ ଧନ୍ୟବାଦ ଦେବା କଥା । ଯେପରି ତଦନ୍ତ କଲେ । ସମସ୍ତ ଦଳ ଏବଂ କାର୍ଯ୍ୟକର୍ତ୍ତା ଅପରାଧ ଠାରୁ ଦୂରରେ ରହିବା କଥା । କିନ୍ତୁ ହତ୍ୟା ଘଟଣାରେ ବିଜେଡିର ବଡ଼ ବଡ଼ ନେତାଙ୍କ ସମ୍ପୃକ୍ତି ଓଡ଼ିଶାକୁ ଦୋହଲାଇ ଦେଇଛି । ବିଜେଡି ଯଦି କୌଣସି ଜିନିଷକୁ ସ୍ୱୀକାର ନକରିବେ ତାହେଲେ କ’ଣ କୁହାଯିବ । ପୋଲିସ ସାମ୍ବାଦିକ ସମ୍ମିଳନୀରେ ସବୁ ତଥ୍ୟ ଦେଲେ ତାପରେ ବି ଯଦି ବିଜେଡି କହୁଛି ଆମ ନେତାଙ୍କ ସମ୍ପୃକ୍ତି ନାହିଁ । ତାହେଲେ ମୋତେ ଲାଗୁଛି ବିଜେଡି ସତ୍ୟର ଅପ୍ରଳାପ କରୁଛନ୍ତି । ନେତାଙ୍କୁ ସୁରକ୍ଷା ଦେବାକୁ ଯାଇ ଅପରାଧକୁ ପ୍ରୋତ୍ସାହନ କରୁଛନ୍ତି । ଯଦି ବିଜେଡିକୁ ପ୍ରମାଣ ଦରକାର ପୋଲିସ ଏବଂ କୋର୍ଟକୁ ଯୋଗାଯୋଗ କରନ୍ତୁ । ଅପରାଧୀଙ୍କୁ ଆଣିବା ଠାରୁ ଖସେଇବା ପର୍ଯ୍ୟନ୍ତ ପ୍ରମାଣ ପାଇବା ପରେ ଯଦି ବିଜେଡି କହିବ ରାଜନୈତିକ ଉଦ୍ଦେଶ୍ୟ । ଏହା ଦୁର୍ଭାଗ୍ୟଜନକ କଥା । ଏବେ ବି ସମୟ ଅଛି ନିଜ ଦଳର ସ୍ୱାର୍ଥ ଅପେକ୍ଷା ଓଡ଼ିଶାର ସ୍ୱାର୍ଥ ଆଇନଶୃଙ୍ଖଳାକୁ ଦେଖନ୍ତୁ । ଅପରାଧୀଙ୍କ ସପକ୍ଷରେ ବାହାରି ଓଡ଼ିଶା ପ୍ରତି ଅନ୍ୟାୟ କରୁଛି ବିଜେଡି । ଯେଉଁ ସମୟରେ ସରକାରରେ ଥିଲେ ସେତେବେଳେ ମଧ୍ୟ ଏମିତି କରୁଥିଲେ କିନ୍ତୁ ଆଇନ ତା ବାଟରେ  ଯାଉନଥିଲା । ଯଦି ରାଜନୈତିକ ଷଡ଼ଯନ୍ତ୍ର ଥାଆନ୍ତା ତାହେଲେ ହତ୍ୟା ପରଦିନ ଗିରଫ କରାଯାଇଥାନ୍ତା । ସମୟ ଲାଗିଲା ତଥ୍ୟ ପାଇବାକୁ ।

ଉଲ୍ଲେଖଯୋଗ୍ୟ ଯେ, ଆଇନଜୀବୀ ପୀତବାସ ପଣ୍ଡା ହତ୍ୟା ମାମଲାରେ ପୂର୍ବତନ ବିଧାୟକ ବିକ୍ରମ ପଣ୍ଡାଙ୍କ ସମେତ ୧୨ ଜଣ ଗିରଫ ହୋଇଛନ୍ତି । ହତ୍ୟାକାଣ୍ଡ ନେଇ ବଡ଼ ଖୁଲାସା କରିଛନ୍ତି ଗଞ୍ଜାମ ଏସ୍‌ପି । ହତ୍ୟା ପୂର୍ବରୁ ପୁରା ଅଞ୍ଚଳର ରେକି କରିଥିଲେ ଅପରାଧୀ । ମର୍ଡର ପାଇଁ ପ୍ରଥମ ଥର କରିଥିବା ପ୍ଲାନରେ ହୋଇଥିଲେ ବିଫଳ । ହେଲେ ପରବର୍ତ୍ତୀ ପ୍ଲାନରେ ସଫଳ ହୋଇଥିଲେ । ଆଉ ପୀତବାସ ପଣ୍ଡାଙ୍କୁ ଗୁଳି କରି ହତ୍ୟା କରିଥିଲେ ଦୁଇ ସାର୍ପ ସୁଟର । ପୁରା ହତ୍ୟାକାଣ୍ଡ ପାଇଁ ୫୦ ଲକ୍ଷ ଟଙ୍କାର ଡିଲ୍‌ ହୋଇଥିଲା । ଆଉ ଅଗ୍ରୀମ ଭାବେ ୧୦ ଲକ୍ଷ ଟଙ୍କା ନେଇଥିଲେ ସାର୍ପ ସୁଟର ।