ହାଇଦ୍ରାବାଦ: ରସଗୋଲା ଓଡ଼ିଆଙ୍କ ଭାରି ପ୍ରିୟ। ଭାରି ସୁଆଦିଆ। ହେଲେ ରସଗୋଲା କଣ ଖାଇଲେ ପାରାଲିସିସ ହୋଇଯାଏ ମଣିଷ? ଜଣେ ୩୫ ବର୍ଷିୟ ଯୁବକ ରସଗୋଲା ଖାଇବା ପରେ ପକ୍ଷାଘାତ ବା ପାରାଲିସସର ଶିକାର ହୋଇଛନ୍ତି। ଆପୋଲୋ ହସ୍ପିଟାଲର ନ୍ୟୁରୋଲୋଜିଷ୍ଟ ଡାକ୍ତର ସୁଧୀର କୁମାରଙ୍କ ଦ୍ୱାରା ସେୟାର କରାଯାଇଥିବା ଏକ ମାମଲାକୁ ନେଇ ଏବେ ଦେଶବ୍ୟାପୀ ଚର୍ଚ୍ଚା। ଜଣେ ୩୫ ବର୍ଷୀୟ ବ୍ୟକ୍ତି ୫-୬ଟି ରସଗୋଲା ଖାଇବା ପରେ ତାଙ୍କ ହାତ ଏବଂ ଗୋଡରେ ହଠାତ୍ ପକ୍ଷାଘାତ ଅନୁଭବ କରିଥିଲେ। ଡାକ୍ତର କହିଛନ୍ତି ଯେ ଫୁଡ୍ ପଏଜନ ଯୋଗୁଁ ନୁହେଁ, ବରଂ ତାଜା ମିଠା ଥିଲା ବୋଲି ଉଲ୍ଲେଖ କରିଛନ୍ତି।
ନ୍ୟୁରୋଲୋଜିଷ୍ଟଙ୍କ ପୋଷ୍ଟ ଅନୁଯାୟୀ, ବ୍ୟକ୍ତି ଜଣକ ଗତ ଛଅ ମାସ ମଧ୍ୟରେ ତିନିଥର ସମାନ ଘଟଣା ଭୋଗିଥିଲେ। ପ୍ରତ୍ୟେକ ଘଟଣା କାର୍ବୋହାଇଡ୍ରେଟ୍ ଯୁକ୍ତ ଖାଦ୍ୟ ଖାଇବା ପରେ ଆରମ୍ଭ ହୋଇଥିଲା। ମାମଲାଟିକୁ ଏକ ମେଡିକାଲ୍ କ୍ୱିଜ୍ ଭାବରେ ଉପସ୍ଥାପିତ କରାଯାଇଥିଲା। ସଠିକ୍ ନିର୍ଣ୍ଣୟ ହାଇପୋକ୍ୟାଲେମିକ୍ ପିରିଓଡିକ୍ ପକ୍ଷାଘାତ ଭାବରେ ଚିହ୍ନଟ କରାଯାଇଥିଲା। ଯାହା ସମ୍ଭବତଃ ଏକ ଇଣ୍ଟରନାଲ ଥାଇରଏଡ୍ ସମସ୍ୟା ସହିତ ଜଡିତ।
What is the most likely diagnosis?
A. Guillain-Barré syndrome
B. Myasthenia gravis
C. Hypokalemic periodic paralysis
D. Spinal cord compression— Dr Sudhir Kumar MD DM (@hyderabaddoctor) April 20, 2026
ଉଚ୍ଚ କାର୍ବୋହାଇଡ୍ରେଟ୍ ମିଠା ଖାଇବା ପରେ ରୋଗୀ ହଠାତ୍ ଗୁରୁତର ଦୁର୍ବଳତା (ଫ୍ଲାକ୍ସିଡ୍ ପାରାଲିସିସ୍) ଅନୁଭବ କରିଥିଲେ। ହଠାତ୍ ଦୁର୍ବଳ ଅନୁଭବ କରିଥିଲେ। ଡକ୍ଟର କୁମାର କହିଥିଲେ ଯେ ପ୍ରଚୁର ପରିମାଣର କାର୍ବୋହାଇଡ୍ରେଟ୍ ଖାଇବା ଦ୍ୱାରା ଇନସୁଲିନ୍ ସ୍ତର ବୃଦ୍ଧି ପାଇପାରେ। ଏହା ଫଳରେ ପୋଟାସିୟମ୍ ରକ୍ତ ପ୍ରବାହରୁ କୋଷଗୁଡ଼ିକୁ ସ୍ଥାନାନ୍ତରିତ ହୁଏ, ଯାହା ଫଳରେ ତୀବ୍ର ହାଇପୋକ୍ୟାଲେମିଆ ( କମ୍ ପୋଟାସିୟମ୍ ସ୍ତର ) ହୁଏ । ପୋଟାସିୟମ୍ ହଠାତ୍ ହ୍ରାସ ମାଂସପେଶୀ କାର୍ଯ୍ୟକୁ ବାଧା ଦିଏ, ଯାହା ଫଳରେ ଅସ୍ଥାୟୀ ଭାବେ ପାରାଲିସିସ ହୁଏ।
ହାଇପୋକ୍ୟାଲେମିକ୍ ପିରିୟଡିକ୍ ପକ୍ଷାଘାତ ବିଶେଷକରି ଏସୀୟ ପୁରୁଷମାନଙ୍କ ମଧ୍ୟରେ ଦେଖାଦିଏ।। ସେରମ୍ ପୋଟାସିୟମ୍ ଟେଷ୍ଟ, ଥାଇରଏଡ୍ ଫଙ୍କସନ୍ ଟେଷ୍ଟ କରିବାକୁ ପଡ଼େ। ସାବଧାନତାର ସହିତ ପୋଟାସିୟମ୍ ସପ୍ଲିମେଣ୍ଟେସନ୍ ଖାଇବାକୁ ପଡେ। ସ୍ନାୟୁରୋଗ ବିଶେଷଜ୍ଞ କହିଥିଲେ ଯେ- ଏହା ଅତ୍ୟନ୍ତ ବିରଳ। କିନ୍ତୁ ସଚେତନତା ଆବଶ୍ୟକ। ଅନ୍ୟ ଏକ କମେଣ୍ଟରେ ମିଠାକୁ ସମ୍ପୂର୍ଣ୍ଣ ଭାବରେ ଭୟ କରିବାର କୌଣସି ଆବଶ୍ୟକତା ନାହିଁ, ବରଂ ସଂଯମତା ନେଇ ସେ ପରାମର୍ଶ ଦେଇଛନ୍ତି ।
