ମୁମ୍ଵାଇ ୦୫।୧୧; କଲର୍ସ ଟିଭିର ପପୁଲାର ରିଆଲିଟି ଶୋ’ “ବିଗ୍ ବସ୍ ୧୯” । ହଜାର ହଜାର ଲୋକ ଏହି ଶୋ’କୁ ଦେଖିବାକୁ ବେଶ୍ ପସନ୍ଦ କରନ୍ତି । ଆପଣ କେବଳ ପ୍ରତିଯୋଗୀମାନଙ୍କୁ ସ୍କ୍ରିନରେ ଦେଖନ୍ତି। କିନ୍ତୁ ଆପଣ କେବେ ଭାବିଛନ୍ତି କି ଏହି ଶୋ’ ପରଦା ପଛରେ କିପରି ଚାଲିଥାଏ? କ୍ୟାମେରା ଗୁଡ଼ିକ ପ୍ରତ୍ୟେକ ପ୍ରତିଯୋଗୀଙ୍କ ଗତିବିଧି, କଥାବାର୍ତ୍ତା, ଉପରେ କିପରି ନଜର ରଖନ୍ତି? ତେବେ ଆସନ୍ତୁ ଜାଣିବା ଏହି ସେଟ୍ ବିଷୟରେ… ଯାହା ବିଷୟରେ ହୁଏତ ଆପଣ ଜାଣି ନଥିବେ।
ମିରର ପଛରେ ଲୁଚି ରହିଥିବା କ୍ୟାମେରା
ବିଗ୍ ବସ୍ ଘର ବିଷୟରେ ସବୁଠାରୁ ଆକର୍ଷଣୀୟ କଥା ହେଉଛି ଯେ ପ୍ରତିଯୋଗୀମାନେ ଯେଉଁ ଦର୍ପଣରେ ନିଜକୁ ଦେଖୁଛନ୍ତି ସେଥିରେ ମେକର୍ସ ତାଙ୍କୁ ଦେଖିପାରିବେ । କିନ୍ତୁ ପ୍ରତିଯୋଗୀମାନେ ତାଙ୍କୁ ଦେଖିପାରିବେ ନାହିଁ। ଏହାକୁ “କ୍ୟାମେରା ଗଲି” କୁହାଯାଏ। ସେହି ଦର୍ପଣରେ ସେମାନଙ୍କର ପ୍ରତିଫଳନ ଏଡାଇବା ପାଇଁ କ୍ରୁ ମେମ୍ଵର କେବଳ କଳା ପୋଷାକ ପିନ୍ଧନ୍ତି । ନିର୍ମାତା ଏହି ଦର୍ପଣ ପଛରୁ ପ୍ରତିଯୋଗୀମାନଙ୍କୁ ସହଜରେ ଦେଖିବା ସହ ସେମାନଙ୍କ ଗତିବିଧି ଉପରେ ନଜର ରଖିପାରିବେ। ଏହା ସେହି ସ୍ଥାନ ଯେଉଁଠାରେ ଟିମ୍ ପ୍ରତିଯୋଗୀମାନଙ୍କୁ ୨୪ ଘଣ୍ଟା ନଜର ରଖେ। ଘର ଭିତରେ ୧୨୫ଟି କ୍ୟାମେରା ଲାଗିଥାଏ ଏହା ସହ ସିକ୍ରେଟ କ୍ୟାମେରା ୭ରୁ ଅଧିକ ଥାଏ । ସେଠାରେ ଫୋନ୍ ବା କୌଣସି ଇଲକ୍ଟ୍ରୋନିସ ଗ୍ୟାଜେଟ୍ ବ୍ୟବହାର କରିବା ମନା ରହିଛି ।
୧୦୦୦ ଲୋକଙ୍କ ପରିଶ୍ରମରେ ଚାଲେ ଶୋ’
ଏହି ଶୋ’ ତିଆରି କରିବା କୌଣସି ଫିଲ୍ମଠାରୁ କମ୍ ନୁହେଁ। କେବଳ ଗୋଟିଏ ଏପିସୋଡ୍ ଆଣିବା ପାଇଁ ୮୦୦ ରୁ ୯୦୦ ଲୋକଙ୍କ କଠିନ ପରିଶ୍ରମ କରନ୍ତି। ଗୋରେଗାଓଁ ଫିଲ୍ମ ସିଟିରେ ନିର୍ମିତ ଏହି ସେଟ୍ଟି ପ୍ରାୟ ୨ ଏକର ଜାଗାରେ ପରିବ୍ୟାପ୍ତ। ଏଥିରେ ଏଡିଟିଂ ରୁମ୍, ମେଡିକାଲ୍ ୟୁନିଟ୍, ମିଟିଂ ଏରିଆ ଏବଂ କ୍ୟାମେରା ଲେନ୍ ରହିଛି ସହ ବହୁତ କିଛି ଅଛି । ଏହା ସହିତ, ଭିତରେ ଥିବା ଲୋକଙ୍କ ପାଇଁ ଏକ ଡାକ୍ତରୀ ଟିମ୍ ସବୁବେଳେ ଡ୍ୟୁଟିରେ ଥାଆନ୍ତି। ଜଣେ ଡାକ୍ତର ଦିନରେ ୧୨ ଘଣ୍ଟା ଏବଂ ଅନ୍ୟ ଜଣେ ରାତିରେ ୧୨ ଘଣ୍ଟା ସିଫ୍ଟରେ କାମ କରନ୍ତି। ଯେକୌଣସି ଆଘାତ, ଚାପ କିମ୍ବା ସ୍ୱାସ୍ଥ୍ୟ ସମସ୍ୟା ପାଇଁ ତୁରନ୍ତ ସାହାଯ୍ୟ ଉପଲବ୍ଧ କରାଯାଏ।
ସଲମାନ ଖାନଙ୍କ ୱିକେଣ୍ଡ୍ କା ୱାର ସୁଟ୍
ସଲମାନ ଖାନ ସପ୍ତାହରେ ଦୁଇ ଦିନ ୱିକେଣ୍ଡ କା ୱାର ଏପିସୋଡ୍ ସୁଟିଂ କରନ୍ତି। ପୂର୍ବ ଦିନ ଟେକନିକାଲ ଯାଞ୍ଚ କରାଯାଏ। ସଲମାନ ପ୍ରାୟ ୬ ରୁ ୮ ଘଣ୍ଟା ପର୍ଯ୍ୟନ୍ତ ସୁଟିଂ କରନ୍ତି। ଯେଉଁଦିନ ସଲମାନଙ୍କ ସୁଟିଂ ଥାଏ । ସେହି ଦିନ ସେଠାରେ ୨୫୦ରୁ ଅଧିକ ଲୋକ ଉପସ୍ଥିତ ଥାଆନ୍ତି।
ସମ୍ପୂର୍ଣ୍ଣ ଶୋ’ PCR ରୁମରୁ ହୁଏ ନିୟନ୍ତ୍ରିତ
ଏହା ବ୍ୟତୀତ, ସମ୍ପୂର୍ଣ୍ଣ ବିଗ୍ ବସ୍ ଶୋ’ PCR ରୁମରୁ କଣ୍ଟ୍ରୋଲ ହୁଏ। ଘରର ଲାଇଟ୍, ଗ୍ୟାସ୍, ଏୟାର କଣ୍ଡିସନିଂ ଏବଂ ଘରର ତାଲା ଠାରୁ ଆରମ୍ଭ କରି ସବୁକିଛି ଏଠାରୁ ନିୟନ୍ତ୍ରିତ ହୁଏ। କ୍ରିଏଟିଭ୍ ନିର୍ଦ୍ଦେଶକ କହିଛନ୍ତି “ଯେଉଁମାନେ କୁହନ୍ତି ଯେ ଶୋ’ଟି ସ୍କ୍ରିପ୍ଟେଡ୍, ସେମାନେ ଏହି ରୁମ୍ ବିଷୟରେ ଜାଣିବା ଉଚିତ। ପ୍ରତ୍ୟେକ କ୍ୟାମେରା ଲାଇଭ୍, ଏବଂ ବିଷୟବସ୍ତୁ ସମ୍ପୂର୍ଣ୍ଣ ରିଅଲ।” ୭୦ ରୁ ୧୦୦ ଲୋକଙ୍କ ଟିମ୍ PCR ରେ ୨୪ ଘଣ୍ଟା କାମ କରେ। ଏହି ସିଷ୍ଟମ୍ ୧୦୫ ଦିନ ପର୍ଯ୍ୟନ୍ତ ଲଗାତାର ଚାଲେ ।
୨୪ ଘଣ୍ଟାର ଫୁଟେଜ୍ରୁ ୪୫ ମିନିଟ୍ର ଏପିସୋଡ୍
ଏଡିଟିଂ ବେସ୍ରେ ୨୦ ରୁ ଅଧିକ ଏଡିଟ୍ ରୁମ୍ ଅଛି। ପ୍ରତ୍ୟେକ ଏଡିଟରଙ୍କ ପାଖରେ ଏକ ଦୈନିକ ଟାଇମଲାଇନ୍ ବୋର୍ଡ ଅଛି । ଯେପରିକି କେଉଁ ସିନ୍, କେବେ ସୁଟ୍ ହୋଇଥିଲା, କିଏ କ’ଣ କହିଥିଲେ ତାହା ରେକର୍ଡିଂ କରାଯାଏ। ଗୋଟିଏ ଦିନରେ ପ୍ରାୟ ୨୦୦୦ ଘଣ୍ଟାର ଫୁଟେଜ୍ କେବଳ ୪୫ ମିନିଟ୍ର ଏପିସୋଡ ପ୍ରସ୍ତୁତ କରାଯାଏ । ଏଡିଟିଂ ଟିମ୍ କହିଛନ୍ତି, “ଆମର କାମ ହେଉଛି ଏକ କ୍ରିକେଟ୍ ଭଲି ଲାଇଭ ଲାଇଭ୍ ଏଡିଟ୍ କରିବା।
ଏଥିରେ ତ୍ରୁଟି ପାଇଁ କୌଣସି ସ୍ଥାନ ନାହିଁ। ଆକର୍ଷଣୀୟ ଜିନିଷ ଯେ ଘର ଭିତରେ କୌଣସି ସ୍ୱିଚ୍ ନାହିଁ। ସମସ୍ତ ଲାଇଟ୍, ଗିଜର୍, ଗ୍ୟାସ୍ ଏବଂ ପାଣି ବାହାରୁ ନିୟନ୍ତ୍ରଣ ହୁଏ। ଏହି କଣ୍ଟ୍ରୋଲ ରୁମ୍ ନିଷ୍ପତ୍ତି ନିଏ ଘର ଭିତରେ କ’ଣ ଚାଲିବ ..ବନ୍ଦ ହେବ । ଶୋ’ର ମୁଖ୍ୟ ଦ୍ୱାର ସବୁବେଳେ ବନ୍ଦ ରହିଥାଏ। ଏହା କେବଳ ସେତେବେଳେ ଖୋଲିଥାଏ ଯେତେବେଳେ ଜଣେ ପ୍ରତିଯୋଗୀ ଘରୁ ବାହାରକୁ ଯାଆନ୍ତି କିମ୍ବା ଜଣେ ନୂଆ ଅତିଥି ଘରକୁ ଏଣ୍ଟ୍ରି କରନ୍ତି।
