ଯାତ୍ରା କମିଟିର ନୂଆ ଦାବି…ଟିକେଟ ଦର କମ୍ କର, ପାର୍ଟି ଗ୍ରେଡ୍ ଅନୁଯାୟୀ ନେଉ ମୂଲ୍ୟ

Published By : Prameya-News7 Bureau | August 14, 2025 IST

ଭଦ୍ରକ ୧୪।୦୮ : ଯାତ୍ରାକୁ ନେଇ ପୁଣି ଆରମ୍ଭ ହେଲାଣି ବିବାଦ । ଟିକେଟ ଦାମ୍‌ ଅତ୍ୟଧିକ ମୂଲ୍ୟକୁ ନେଇ ମେଳି ବାନ୍ଧିଲାଣି ଯାତ୍ରା କମିଟି ସୁରକ୍ଷା ମଞ୍ଚ । ଭଦ୍ରକ ସହରର ନେହେରୁ ଷ୍ଟାଡିୟମ ନିକଟ ଏକ ହୋଟେଲ୍‌ ଏକଜୁଟ ହୋଇଛନ୍ତି ୩୦ରୁ ଅଧିକ ଯାତ୍ରା କମିଟି । 

ଆସନ୍ତା ୧୭ ତାରିଖରେ ରାଜ୍ୟ କାର୍ଯ୍ୟକାରିଣୀ ପାଇଁ ପ୍ରସ୍ତୁତି ସରିଛି । ଯାତ୍ରା ପରିବେଶଣ ପାଇଁ ଯାତ୍ରା କମିଟି ଗୁଡ଼ିକ ବହୁ କ୍ଷତି ସହୁଛନ୍ତି । ଟିକେଟର ଅହେତୁକ ବୃଦ୍ଧି ଯାତ୍ରା ପ୍ରେମୀଙ୍କୁ ନିରାଶ କରିବା ସହ କମିଟିକୁ କ୍ଷତି ସହିବାକୁ ପଡୁଛି । ପୂର୍ବରୁ ମାଲିକ ସଂଘ ସହ ଆଲୋଚନା ହୋଇଥିଲେ ମଧ୍ୟ ଚଳିତ ଯାତ୍ରା ଋତୁରେ କମିଟିର ଦାବିପୂରଣ ହୋଇପାରୁନି । ତେଣୁ ସବୁ ଯାତ୍ରା କମିଟି ଏକାଠି ହେବା ଆରମ୍ଭ କରିଛନ୍ତି । ଆଗାମୀ ସମୟରେ ସମସ୍ତ କମିଟି ଦାବି ରଖିବେ ଯେ, ଯାତ୍ରା ଟିକେଟର ମୂଲ୍ୟ ୧୦୦, ୧୫୦ ଓ ୨୦୦ରେ ସୀମିତ ରଖାଯାଉ । ଯାତ୍ରାରେ ଅଶ୍ଲିଳତା ପ୍ରଦର୍ଶିତ ନହେବା ଭଳି ଦାବି ରହିଛି । କିନ୍ତୁ ଆଲୋଚନା ମାଲିକ ସଂଘ ସହ ସଫଳ ହୋଇନଥିବାରୁ କମିଟି ଗୁଡ଼ିକ ଆଗାମୀ କାର୍ଯ୍ୟକାରିଣୀ ପରେ ପରବର୍ତ୍ତୀ ନିଷ୍ପତ୍ତି ନେବେ।