ରାଜସ୍ଥାନ: ଚଳିତ ବର୍ଷ ଆଜମେରରେ ଜୈନ ଧର୍ମର ୨୪ତମ ତୀର୍ଥଙ୍କର ଭଗବାନ ମହାବୀରଙ୍କ ଜନ୍ମବାର୍ଷିକୀ ସମାରୋହ ଖୁବ୍ ଧୁମଧାମରେ ପାଳନ ହୋଇଛି। ସମାରୋହରେ ଏଥରର ସବୁଠାରୁ ବଡ଼ ଆକର୍ଷଣ ରହିଥିଲା ଦେଶର ସର୍ବବୃହତ ସ୍ୱର୍ଣ୍ଣ ରଥ। ଏହି ରଥକୁ ଦେଖିବା ପାଇଁ ବିପୁଳ ଭକ୍ତଙ୍କ ସମାଗମ ହୋଇଥିଲା। କୋଟି କୋଟି ଟଙ୍କା ବ୍ୟୟରେ ନିର୍ମିତ ଏହି ଭବ୍ୟ ରଥରେ ଶ୍ରୀଜୀଉଙ୍କ ଶୋଭାଯାତ୍ରାରେ ନିଆଯାଇଥିଲା। ଏହି ରଥ କେବଳ ବର୍ଷକୁ ଥରେ ମହାବୀର ଜୟନ୍ତୀରେ ବାହାରକୁ ଅଣାଯାଏ।
ବିଭିନ୍ନ ସ୍ଥାନରେ କରାଯାଇଥିଲା ସ୍ୱାଗତ
ଏହି ବିଶାଳ ଶୋଭାଯାତ୍ରା କେଶରଗଞ୍ଜର ଶ୍ରୀ ୧୦୦୮ ପାର୍ଶ୍ଵନାଥ ଦିଗମ୍ବର ଜୈନ ମନ୍ଦିରରୁ ଶୋଭାଯାତ୍ରା ଆରମ୍ଭ ହୋଇଥିଲା। ଶୋଭାଯାତ୍ରାରେ ଜୈନ ଧର୍ମର ଆସ୍ଥା ଓ ବିଶ୍ୱାସ, ପରମ୍ପରା ଏବଂ ସାଂସ୍କୃତିକ ବୈଭବକୁ ଚିତ୍ରିତ କରୁଥିବା ଆକର୍ଷଣୀୟ ପ୍ରଜ୍ଞାପନ ମେଢ଼ ପ୍ରଦର୍ଶିତ ହୋଇଥିଲା। ପୁରୁଷ, ମହିଳା ଏବଂ ପିଲାମାଙ୍କ ଭଜନ ସହ ନୃତ୍ୟ, ସମଗ୍ର ଅଞ୍ଚଳରେ ଏକ ଭକ୍ତିପୂର୍ଣ୍ଣ ପରିବେଶ ସୃଷ୍ଟି କରିଥିଲେ। ବିଭିନ୍ନ ସମ୍ପ୍ରଦାୟ ଏବଂ ସଂଗଠନ ବିଭିନ୍ନ ସ୍ଥାନରେ ପୁଷ୍ପ ବର୍ଷା ସହିତ ଶୋଭାଯାତ୍ରାକୁ ସ୍ୱାଗତ କରିଥିଲେ।
ଶୋଭାଯାତ୍ରାରେ ମୋଟ ୧୩ଟି ରଥ ସାମିଲ ଥିଲା, ଯେଉଁଥିରେ ସେଠ ଭାଗଚାନ୍ଦ ସୋନି ପରିବାର ଦ୍ୱାରା ନିର୍ମିତ ସ୍ୱର୍ଣ୍ଣ ରଥ ମଧ୍ୟ ସାମିଲ ଥିଲା। ସୁନା ଖଚିତ କାଠ ଏବଂ ତମ୍ବାରେ ନିର୍ମିତ ଏହି ରଥକୁ ଅନେକ ବର୍ଷ ପୂର୍ବେ ତିଆରି କରାଯାଇଥିଲା। ମହାବୀର ଜୟନ୍ତୀ ପୂର୍ବରୁ ଏହାର ବିଭିନ୍ନ ଅଂଶକୁ ଏକତ୍ରିତ କରାଯାଇ ରଥକୁ ପୁନଃ ପ୍ରସ୍ତୁତ କରାଯାଏ ଏବଂ ଶୋଭାଯାତ୍ରା ପରେ ଏହାକୁ ଅଲଗା କରି ସୁରକ୍ଷିତ ଭାବରେ ରଖାଯାଇଥାଏ।
ମନ ମୋହିଲା ସୁମଧୁର ସଙ୍ଗୀତ
ମହିଳାମାନେ କେଶରିଆ ରଙ୍ଗର ଶାଢ଼ି ପିନ୍ଧି କାର୍ଯ୍ୟକ୍ରମରେ ଯୋଗ ଦେଇଥିଲେ। ସେହିଭଳି ପୁରୁଷମାନେ ପୁରୁଷମାନେ ଧଳା ପୋଷାକ ପିନ୍ଧିଥିଲେ। ବିଭିନ୍ନ ସ୍ଥାନରୁ ଆସିଥିବା ବ୍ୟାଣ୍ଡଗୁଡ଼ିକ ସୁମଧୁର ସଙ୍ଗୀତ ପରିବେଷଣ କରିଥିଲେ। ଭାଗୀରଥ ଚୌଧୁରୀଙ୍କ ସମେତ ଅନେକ ମାନ୍ୟଗଣ୍ୟ ବ୍ୟକ୍ତି ଉତ୍ସବରେ ଉପସ୍ଥିତ ଥିଲେ। ଖ୍ୱାଜା ସାହିବଙ୍କ ମଠର ଖାଦିମ ସମ୍ପ୍ରଦାୟ ଜୈନ ସମ୍ପ୍ରଦାୟର ସଦସ୍ୟମାନଙ୍କୁ ପଗଡ଼ି ବାନ୍ଧି ପାରସ୍ପରିକ ସୌହାର୍ଦ୍ଦ୍ୟ ଏବଂ ଏକତାର ଉଦାହରଣ ସୃଷ୍ଟି କରିଥିଲେ।
