ଭୁବନେଶ୍ବର ୧୭।୮: ବଳଙ୍ଗା ନାବାଳିକା ପୋଡ଼ି ମାମଲା ସିବିଆଇକୁ ହସ୍ତାନ୍ତର କରିବା ପାଇଁ ସାମ୍ବାଦିକ ସମ୍ମିଳନୀରେ ଦାବି କଲା ବିଜେଡି । ଭାଇରାଲ୍ ଭିଡିଓକୁ ନେଇ କାହିଁକି ସ୍ପଷ୍ଟୀକରଣ ରଖୁନାହିଁ ଓଡ଼ିଶା ପୋଲିସ ବୋଲି ବିଜେଡି ପ୍ରଶ୍ନ କରିଛି । ଭିଡିଓ ସତ କି ମିଛ, ଏହାର ଉତ୍ତର ରଖନ୍ତୁ ସରକାର । ପୁରୀ ଏସ୍ପି ପିନାକ ମିଶ୍ରଙ୍କ ଫୋନୋ ଷ୍ଟେଟମେଣ୍ଟକୁ ଦାୟିତ୍ବହୀନତା କହିଲା ବିଜେଡି ।
ବଳଙ୍ଗା ପୀଡ଼ିତା ବୟାନ ଦେଉଥିବା ବେଳର କୁହାଯାଉଥିବା ଭିଡିଓ ଭାଇରାଲ୍ ହେବା ପରେ ସାମ୍ବାଦିକ ସମ୍ମିଳନୀ କରି ସରକାରଙ୍କୁ ପ୍ରଶ୍ନ କରିଛି ବିଜେଡି । ଭାଇରାଲ ଭିଡିଓକୁ ନେଇ କାହିଁକି ସ୍ପଷ୍ଟୀକରଣ ରଖୁନାହିଁ ଓଡ଼ିଶା ପୋଲିସ । ପୋଲିସ ପକ୍ଷରୁ ସ୍ପଷ୍ଟୀକର କାହିଁକି ଆସିନାହିଁ ।
ପୁରୀ ଏସ୍ପି ପିନାକ ମିଶ୍ରଙ୍କ ଫୋନୋ ଷ୍ଟେଟମେଣ୍ଟକୁ ଦାୟିତ୍ବହୀନତା କହିଲା ବିଜେଡି । ବିଜେଡି ଅଭିଯୋଗ ଆଣିଛି କାହା ସ୍ବାର୍ଥରେ ବୟାନ ରେକର୍ଡ ହୋଇଥିଲା । ଷ୍ଟେଟମେଣ୍ଟ ରେକର୍ଡ ବେଳେ ମାଜିଷ୍ଟ୍ରେଟ ଥିଲେ କି ନାହିଁ । ମୃତ୍ୟୁର ୧୦ ମିନିଟ୍ ପରେ ଓଡ଼ିଶା ପୋଲିସ ପକ୍ଷରୁ ଟ୍ବିଟ୍ ଆସିବା ଦୁଃଖଦ ଥିଲା । ଏହି ମେସେଜ ମୃତ୍ୟୁ ପୂର୍ବରୁ ଦେବା ପାଇଁ ଓଡ଼ିଶା ପୋଲିସ ପାଖରେ କାହିଁକି ସତ୍ ସାହସ ନଥିଲା । ସତ ବିଷୟରେ ଓଡ଼ିଶା ପୋଲିସ ଅବଗତ ନିଶ୍ଚିତ ଥିବ । ବଳଙ୍ଗା କେସ୍ ସିବିଆଇକୁ ଦେବା ପାଇଁ ଦାବି କଲା ବିଜେଡି ।
ପୀଡ଼ିତାଙ୍କର ତିନି ଥର ବୟାନ ରେକର୍ଡ କାହିଁକି କରାଗଲା ବୋଲି ବିଜେଡି ପ୍ରଶ୍ନ କରିଛି । ଅନ୍ୟପଟେ ବିଜେଡି ସମୟରେ ଘଟିଥିବା ପିହୁ, ଇତିଶ୍ରୀ ଭଳି ଅନେକ କେସ୍କୁ ବିଜେପି ସରକାର କାହିଁକି ଉଠାଉ ନାହିଁ । ସେହି କେସ୍କୁ ଉଠାଇବା ପାଇଁ ବିଜେଡି ଦାବି କରିଛି । ସେହି ସବୁ କେସ୍ରେ ବିଜେପି କର୍ମୀ ସାମିଲ ଥିବେ ବୋଲି ବିଜେପି ଭୟ କରୁଛି କି ବୋଲି ବିଜେଡି ପ୍ରଶ୍ନ କରିଛି ।
You Can Read:
ବାଇକ୍ରେ ଆସିଥିଲେ, ଜଙ୍ଗଲରେ କିରୋସିନ ଢାଳିଥିଲେ.. ବଳଙ୍ଗା ପୀଡ଼ିତାଙ୍କ ମୃତ୍ୟୁ ପୂର୍ବର ଶେଷ ବୟାନକୁ ଚର୍ଚ୍ଚା
