ନୂଆପଡାରେ ଗୋଟିଏ ଦିନରେ ମୈଦାନକୁ ଓହ୍ଲାଇବେ ମୋହନଙ୍କ ସହ ବିଷ୍ଣୁଦେବ, ଜୟ ଢୋଲକିଆଙ୍କ ପାଇଁ ମାଗିବେ ଭୋଟ୍

ଭୁବନେଶ୍ବର ୫।୧୧: ନୂଆପଡ଼ା ଉପନିର୍ବାଚନ ପାଇଁ ଚାଲିଛି କସରତ । ପ୍ରମୁଖ ରାଜନୈତିକ ଦଳ ମୈଦାନରେ ପ୍ରଚାର ଜୋରଦାର କରିଛନ୍ତି । ବିଭିନ୍ନ ଦଳର ଷ୍ଟାର୍ କ୍ୟାମ୍ପେନର ମାନେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରୁଥିବା ଦେଖିବାକୁ ମିଳିଛି । ଏହି ପରିପ୍ରେକ୍ଷୀରେ ବିଜେପି ପ୍ରାର୍ଥୀ ଜୟ ଢୋଲକିଆଙ୍କ ପାଇଁ ପ୍ରଚାର କରିବାକୁ ମୈଦାନକୁ ଓହ୍ଲାଇବେ ଦୁଇ ହେଭିଓ୍ବେଟ୍ ।  ନଭେମ୍ବର ୬ ତାରିଖରେ ବିଜେପି ପ୍ରାର୍ଥୀ ଜୟଙ୍କ ପାଇଁ ଭୋଟ୍ ମାଗିବେ ଛତିଶଗଡ ମୁଖ୍ୟମନ୍ତ୍ରୀ ବିଷ୍ଣୁଦେବ ସାଏ ଏବଂ ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ମୁଖ୍ୟମନ୍ତ୍ରୀ ବିଷ୍ଣୁଦେବ ସାଏ ଗୁରୁବାର ନୂଆପଡ଼ା ବିଧାନସଭା ନିର୍ବାଚନ ମଣ୍ଡଳୀର ଉପନିର୍ବାଚନରେ ବିଜେପି ପ୍ରାର୍ଥୀଙ୍କ ପାଇଁ ପ୍ରଚାର କରିବେ । ଏକ ସାଧାରଣ ସଭା କରି ଛତିଶଗଡ଼କୁ ଲାଗିଥିବା ନୂଆପଡ଼ାର କିଛି ଅଞ୍ଚଳରେ ପ୍ରଚାର କରିବେ ଓ ଭୋଟ୍ ମାଗିବେ ବିଷ୍ଣୁଦେବ ସାଏ ।

ସେହିଭଳି ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମଧ୍ୟ ନୂଆପଡା ଉପନିର୍ବାଚନ ପାଇଁ ପ୍ରଚାର ମୈଦନକୁ ଓହ୍ଲାଇବେ । ଗୁରୁବାର ୧୧ଟା ୩୦ମିନିଟ୍ ସମୟରେ କୋମନାରେ ରୋଡ୍ ଶୋ’ କରିବା ସହ ସାଧାରଣ ସଭାରେ ଯୋଗ ଦେବେ । ଛତିଶଗଡ ମୁଖ୍ୟମନ୍ତ୍ରୀ ବିଷ୍ଣୁଦେବ ସାଏ ନୂଆପଡ଼ାର ପଞ୍ଚମପୁର ଠାରେ ଏକ ସାଧାରଣ ସଭା କରି ଭୋଟ୍ ମାଗିବେ