ଭଦ୍ରକ ୧୮।୦୪ : ରାସ୍ତାକଡ଼ରେ ପଡ଼ିଛି ଯୁବକଙ୍କ ମୃତଦେହ । ଭଦ୍ରକ ୧୬ ନମ୍ବର ଜାତୀୟ ରାଜପଥ କଡ଼ରୁ ମିଳିଛି ଯୁବକଙ୍କ ଉଲଗ୍ନ ମୃତଦେହ । ବର୍ତ୍ତମାନ ସୁଦ୍ଧା ମୃତକଙ୍କ ପରିଚୟ ମିଳିନଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ୧୬ ନମ୍ବର ଜାତୀୟ ରାଜପଥର ଭଦ୍ରକ ଗ୍ରାମାଞ୍ଚଳ ଥାନା ଚରମ୍ପା ନିକଟରୁ ମୃତଦେହ ମିଳିଛି । ଡ୍ରେନ୍ରେ ଅଜଣା ଯୁବକଙ୍କ ମୃତଦେହ ଭାସୁଥିବାର ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ସ୍ଥାନୀୟ ଲୋକଙ୍କ ଠାରୁ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ତେବେ ବର୍ତ୍ତମାନ ଯାଏଁ ମୃତକଙ୍କ ପରିଚୟ ମିଳିନଥିବା ବେଳେ ଛାନ୍ଭିନ୍ ଜାରି ରଖିଛି ।
Also Read:-ପଦାକୁ ଆସିଲା IPL Ticketକୁ ନେଇ କାରନାମା, ୬୦୦ ଟଙ୍କିଆ ଟିକେଟର ଦାମ୍ ହୋଇଗଲା ୧୯ ହଜାର
ସେପଟେ ବର୍ତ୍ତମାନ ସୁଦ୍ଧା ଯୁବକଙ୍କ ମୃତ୍ୟୁ କିପରି ହେଲା, ସେନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ହତ୍ୟା ପରେ କିଏ ଡ୍ରେନ୍ରେ ଫିଙ୍ଗି ଦେଇଛି ନା କୌଣସି ଅଘଟଣ ଲାଗି ଯୁବକଙ୍କ ମୃତ୍ୟୁ ଘଟିଛି । ଏସବୁ ଦିଗକୁ ନେଇ ଛାନ୍ଭିନ୍ ଜାରି ରଖିଛି ପୋଲିସ ।
