ଟି-୨୦ ବିଶ୍ଵକପରୁ ଶ୍ରୀଲଙ୍କା ବିଦା, ‘କର ବା ମର ‘ ମ୍ୟାଚରେ ୬୧ ରନରେ ହରାଇଲା ଶ୍ରୀଲଙ୍କା

କଲୋମ୍ବୋ: ଟି-୨୦ ବିଶ୍ଵକପ୍ ୨୦୨୬ରୁ ବିଦା ହୋଇଛି ସହ ଆୟୋଜକ ଶ୍ରୀଲଙ୍କା। କଲୋମ୍ବୋର ପ୍ରେମଦାସା ଷ୍ଟାଡିୟମରେ ଖେଳା ଯାଇଥିବା ସୁପର-୮ର କର ବା ମର ମୁକାବିଲାରେ ଶ୍ରୀଲଙ୍କା ନ୍ୟୁଜିଲାଣ୍ଡ ହାତରୁ ଶୋଚନୀୟ ପରାଜୟ ଭୋଗିଛି। ରଚିନ ରବୀନ୍ଦ୍ରନଙ୍କ ଅଲରାଉଣ୍ଡର ପ୍ରଦର୍ଶନ ଏବଂ ଅଧିନାୟକ ମିଚେଲ୍ ସାଣ୍ଟନରଙ୍କ ଅଧିନାୟକତ୍ଵ ଇନିଂସ ବଳରେ ଗୁରୁତ୍ଵପୂର୍ଣ୍ଣ ମ୍ୟାଚକୁ ନ୍ୟୁଜିଲାଣ୍ଡ ୬୧ ରନରେ ଜିତି ନେଇଛି। ବିଜୟ ସହ କିଓ୍ଵି ଦଳର ସେମି ଆଶା ମଜବୁତ ହୋଇଛି। ଶ୍ରୀଲଙ୍କାର ଘରୋଇ ମାଟିରେ ବିଶ୍ଵକପ୍ ଜିତିବାର ସ୍ଵପ୍ନ ଚୂରମାର ହୋଇଛି।

ପ୍ରଥମେ ବ୍ୟାଟିଂ କରିଥିବା ନ୍ୟୁଜିଲାଣ୍ଡ ୭ ଓ୍ଵିକେଟ୍ ହରାଇ ୧୬୮ ରନ କରିଥିଲା। ଅଧିନାୟକ ମିଚେଲ୍ ସାଣ୍ଟନର ୪୭ ରନ କରିଥିବା ବେଳେ ରଚିନ ରବୀନ୍ଦ୍ରନ ୩୨ ଓ କୋଲି ମ୍ୟାକୋଞ୍ଚି ୩୧ ରନର ଅପରାଜିତ ଇନିଂସ ଖେଳିଥିଲେ। ଜବାବରେ ଘରୋଇ ଶ୍ରୀଲଙ୍କା ବ୍ୟାଟିଂରେ ଦୟନୀୟ ପ୍ରଦର୍ଶନ କରି ୧୦୭ ରନ କରି ପାରିଛି। ରଚିନ ୪ ଓ୍ଵିକେଟ୍ ନେଇ ଦଳ ବିଜୟରେ ମୁଖ୍ୟ ଭୂମିକା ଗ୍ରହଣ କରିଛନ୍ତି।

​​​​​​​Updating…