ଇଂଲଣ୍ଡ ଏବଂ ଆୟାରଲ୍ୟାଣ୍ଡ ବିପକ୍ଷରେ ଶ୍ରେୟସ ନୂଆ କ୍ୟାପ୍ଟେନ୍ : ଦଳରେ ସାମିଲ ହେଲେ ବୈଭବ ସୂର୍ଯ୍ୟବଂଶୀ

ମୁମ୍ବାଇ,୦୬|୦୬: କ୍ୟାପ୍ଟେନ୍ ହେଲେ ଶ୍ରେୟସ ଆୟର । ଟିମ୍ ଇଣ୍ଡିଆରେ ସ୍ଥାନ ପାଇଲେ ବୈଭବ ସୂର୍ଯ୍ୟବଂଶୀ । ଶନିବାର ଆୟାରଲ୍ୟାଣ୍ଡ୍ ଏବଂ ଇଂଲଣ୍ଡ ବିପକ୍ଷରେ ଭାରତୀୟ ଦଳର ଟି୨୦ ଟିମ୍ ଘୋଷଣା କରାଯାଇଛି । ଏଥିରେ ଶ୍ରେୟସ ଆୟରଙ୍କୁ ଅଧିନାୟକ ପଦ ମିଳିଛି । ସେହିପରି ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀଙ୍କୁ ଦଳରେ ସାମିଲ କରାଯାଇଛି । 

ଶନିବାର ବିସିସିଆଇ ସୋସିଆଲ ମିଡିଆ ପେଜ୍ ଏକ୍ସ ଯୋଗେ ଦଳ ଘୋଷଣା ନେଇ ତଥ୍ୟ ରଖିଛି । ବିସିସିଆଇ ଅନୁସାରେ, ଉଭୟ ଇଂଲଣ୍ଡ ଏବଂ ଆୟାରଲ୍ୟାଣ୍ଡ ବିପକ୍ଷ ଟି20 ସିରିଜ୍ ପାଇଁ ଶ୍ରେୟସ ଆୟରଙ୍କୁ ଅଧିନାୟକ ନିଯୁକ୍ତ କରାଯାଇଛି । ତିଲକ ବର୍ମା ଉପ ଅଧିନାୟକ ହୋଇଛନ୍ତି । ସବୁଠାରୁ ବଡ କଥା ହେଲା ଯେ ଉଭୟ ସିରିଜରୁ ସୂର୍ଯ୍ୟ କୁମାର ଯାଦବଙ୍କୁ ବାଦ୍ ଦିଆଯାଇଛି ।

ତେବେ ଦୀର୍ଘଦିନ ହେବ ବୈଭବ ସୂର୍ଯ୍ୟବଂଶୀଙ୍କୁ ଦଳରେ ସାମିଲ କରିବା ନେଇ ଦାବି ହେଉଥିଲା । ଶେଷରେ ବିସିସିଆଇ ତାଙ୍କୁ ସିରିଜ୍ ପାଇଁ ସାମିଲ କରିଛି । ଅର୍ଥାତ ସେ ଖୁବ୍ ଶୀଘ୍ର ଅନ୍ତର୍ଜାତୀୟ କ୍ରିକେଟରେ ପଦାର୍ପଣ କରିବେ । ଅର୍ଥାତ ସଚିନ ତେନ୍ଦୁଲକରଙ୍କ ସବୁଠୁ କମ୍ ବୟସରେ ପଦାର୍ପଣର ରେକର୍ଡ ଭାଙ୍ଗିବାକୁ ସେ ଯାଉଛନ୍ତି ।