ନୂଆଦିଲ୍ଲୀ, ୦୬ /୦୩: ଜୋର ଧରିଲା ତେଲ ରାଜନୀତି । ଆମେରିକା ଭାରତକୁ ଋଷିଆଠୁ ତେଲ କିଣିବାକୁ ଅନୁମତି ଦେଇଛି । ୟୁଏସ ଅଧିକାରୀ ଯୁଦ୍ଧ ସଙ୍କଟ ମଧ୍ୟରେ ଋଷଠୁ ଭାରତ ୩୦ ଦିନ ଯାଏଁ ତେଲ କିଣିପାରିବ ବୋଲି କହିଛନ୍ତି । ଯାହାକୁ ନେଇ ଭାରତ ସରକାରଙ୍କ ବୈଦେଶିତ ନୀତିକୁ କଟାକ୍ଷ କରିଛନ୍ତି ବିରୋଧୀ ଦଳ ନେତା ରାହୁଲ ଗାନ୍ଧୀ ।
ରାହୁଲ ଗାନ୍ଧୀ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱାଧିନ ସରକାରର ବିଦେଶ ନୀତି ବିଫଳ ହୋଇଛି । ଏବେ ଆମେରିକା ଭାରତକୁ କେଉଁଠୁ ତେଲ କିଣାଯିବ ତାହା କହିଛି । ଦେଶର ସ୍ୱାର୍ଥକୁ ଜଳାଞ୍ଜଳି ଦେଇ ସାଲିସ କରୁଥିବା ଜଣେ ବ୍ୟକ୍ତିଙ୍କ କାମର ଏହା ଫଳାଫଳ ବୋଲି କଂଗ୍ରେସ ଯୁବରାଜ କହିଛନ୍ତି ।
India’s foreign policy emerges from the collective will of our people.
It should be rooted in our history, our geography, and our spiritual ethos based on Satya and Ahimsa.
What we are witnessing today is not policy.
It is the result of the exploitation of a compromised… https://t.co/GEO4MY6hzu
— Rahul Gandhi (@RahulGandhi) March 6, 2026
ନିଜ ସୋସିଆଲ ମିଡିଆ ପୋଷ୍ଟ୍ ଏକ୍ସରେ କଂଗ୍ରେସ ତରଫରୁ ସେୟାର କରାଯାଇଥିବା ଏକ ଭିଡିଓକୁ ରିଟ୍ୱିଟ୍ କରିଛନ୍ତି ରାହୁଲ । ଏଥିରେ ସେ କହିଛନ୍ତି ଯେ, ଭାରତର ବୈଦେଶିକ ନୀତି ଜନତାଙ୍କ ସ୍ୱାର୍ଥ ସହ ଜଡିତ । ଦେଶର ଇତିହାସ, ଭୂଗୋଳ ଏବଂ ଆଧ୍ୟାତ୍ମିକ ବାର୍ତ୍ତା ଅର୍ଥାତ ସତ୍ୟ ଏବଂ ଅହିଂସା ମାର୍ଗ ଦେଇ ନୀତି ଯିବା ଜରୁରୀ । ଆଜି ଆମେ ଯାହା ଦେଖୁଛେ ତାହା ବୈଦେଶିକ ନୀତି ନୁହେଁ । ଏହା ହେଉଛି ସାଲିସ । ଦେଶର ସ୍ୱାର୍ଥକୁ ଜଳାଞ୍ଜଳି ଦେଇ ସାଲିସ କରୁଥିବା ଜଣେ ବ୍ୟକ୍ତିଙ୍କ କାର୍ଯ୍ୟକଳାପର ଫାଳଫଳ ଏହା ବୋଲି ରାହୁଲ କଟାକ୍ଷ କରିଛନ୍ତି ।
କଂଗ୍ରେସ ସେୟାର କରିଥିବା ଏକ ଭିଡିଓରେ ଦେଖିବାକୁ ମିଳିଛି ଯେ, ରାହୁଲ ପ୍ରଧାନମନ୍ତ୍ରୀ ମୋଦୀଙ୍କୁ ବିଭିନ୍ନ ପ୍ରସଙ୍ଗରେ ଟାର୍ଗେଟ୍ କରୁଛନ୍ତି । ଏହାସହ ସାଲିସ କରୁଥିବା କହୁଛନ୍ତି । ଆହୁରି ମଧ୍ୟ ଆମେରିକା ଭାରତକୁ କହୁଛି କାହାଠୁ କେତେଦିନ ତେଲ କିଣାଯିବ । ଭାରତ ଋଷିଆ କିମ୍ବା ଇରାନ କାହାଠୁ ତେଲ କିଣିବ ତାହା ଆମେରିକା ଏବେ ଭାରତକୁ ନିର୍ଦ୍ଦେଶ ଦେଉଛି । ଭାରତର ପ୍ରଧାନମନ୍ତ୍ରୀ ତେଲ କାହାଠୁ କିଣାଯିବ ତାହାର ନିଷ୍ପତ୍ତି ନେଇ ପାରୁନାହାଁନ୍ତି ବୋଲି ଭିଡିଓରେ ରାହୁଲ କହୁଥିବା ଦେଖିବାକୁ ମିଳିଛି ।
ସୂଚନାଯୋଗ୍ୟ, ଯୁଦ୍ଧ ପାଇଁ ବିଶ୍ୱସ୍ତରରେ ତେଲ ସଙ୍କଟ ଦେଖାଦେଇଛି । ଷ୍ଟ୍ରେଟ୍ ଅଫ୍ ହରମୋଜ୍ ଦେଇ ତୈଳ ଟ୍ୟାଙ୍କର ଆସିପାରୁ ନାହିଁ । ଭାରତରେ ମଧ୍ୟ ୫୬ ଦିନ ପାଇଁ ତେଲ ମହଜୁଦ ଅଛି । ଏହି ସମୟରେ ଆମେରିକା ଭାରତ ଉପରେ ଋଷଠୁ ତେଲ କିଣାକୁ ନେଇ ଲଗାଇଥିବା କଟକଣାକୁ ୩୦ ଦିନ ପାଇଁ କୋହଳ କରିଛି । ଅର୍ଥାତ ଭାରତ ଏବେ ବିନା କୌଣସି ବାଧାରେ ଋଷଠୁ ତେଲ କିଣିପାରିବ । ଯାହାକୁ ବିରୋଧୀ ଦଳ ପ୍ରସଙ୍ଗ କରିବା ସହ ଆମେରିକା ଭାରତ ଉପରେ ଅଧିକାର ସାବ୍ୟସ୍ତ କରୁଥିବା ନେଇ ଅଭିଯୋଗ କରୁଛନ୍ତି ।
