ଅସ୍ତ୍ରବିରତି ଉଲ୍ଲଂଘନ କଲେ ପରିଣାମ ଭୟଙ୍କର ହେବ….ହମାସକୁ ଟ୍ରମ୍ପଙ୍କ କଡ଼ା ଚେତାବନୀ

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣି ଥରେ ହମାସକୁ କଡ଼ା ଚେତାବନୀ ଦେଇଛନ୍ତି । ସେ କହିଛନ୍ତି ଯେ ଯଦି ହମାସ ଏହାର ଅସ୍ତ୍ରବିରତି ଉଲ୍ଲଂଘନ କରେ ଏବଂ ହିଂସା ଜାରି ରଖେ, ତେବେ ଏହାର ଶେଷ ଘାତକ ଏବଂ ନିର୍ମମ ହେବ । ଟ୍ରମ୍ପ ଏକ ସୋସିଆଲ ମିଡିଆ ପୋଷ୍ଟରେ କହିଛନ୍ତି ଯେ ମଧ୍ୟପ୍ରାଚ୍ୟର ଅନେକ ସହଯୋଗୀ ଇସ୍ରାଏଲ ସହ ମିଶି ଗାଜାରେ ପ୍ରବେଶ କରି ହମାସକୁ ଶିକ୍ଷା ହେବା ପାଇଁ ଇଚ୍ଛୁକ ଅଛନ୍ତି ।

ଟ୍ରମ୍ପ ଲେଖିଛନ୍ତି, ଆମର ମହାନ ସହଯୋଗୀମାନେ ଉତ୍ସାହ ଏବଂ ସ୍ପଷ୍ଟତାର ସହିତ କହିଛନ୍ତି ଯେ ସେମାନେ ସାମରିକ ଶକ୍ତି ସହିତ ଗାଜାରେ ପ୍ରବେଶ କରିବାକୁ ଏବଂ ହମାସ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରସ୍ତୁତ ଅଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ଏହି ଦେଶଗୁଡ଼ିକରେ ଦେଖାଯାଇଥିବା ଏକତା ଏବଂ ଉତ୍ସାହ ହଜାର ବର୍ଷ ମଧ୍ୟରେ ଅଭୂତପୂର୍ବ। ଏହା ପ୍ରକୃତରେ ଉଲ୍ଲେଖନୀୟ।

ରାଷ୍ଟ୍ରପତି ଟ୍ରମ୍ପ ଆହୁରି ଲେଖିଛନ୍ତି ଯେ ସେ ଇସ୍ରାଏଲ ଏବଂ ସହଯୋଗୀମାନଙ୍କୁ କହିଛନ୍ତି, “ଏବେ ନୁହେଁ!” ସେ କହିଛନ୍ତି ଯେ ହମାସ ପାଖରେ ଏବେ ବି ସଠିକ୍ ପଦକ୍ଷେପ ନେବାର ସୁଯୋଗ ଅଛି । ଟ୍ରମ୍ପଙ୍କ ଅନୁସାରେ, ଯଦି ହମାସ ଚୁକ୍ତି ପାଳନ ନ କରେ, ତେବେ ଏହା ଶୀଘ୍ର, ଘାତକ ପରିଣାମର ସମ୍ମୁଖୀନ ହେବ । ସେ କହିଛନ୍ତି ଯେ ଆମେରିକା ଏହି ଅଞ୍ଚଳରେ ଶାନ୍ତି ବଜାୟ ରଖିବା ପାଇଁ ସର୍ବୋତ୍ତମ ପ୍ରୟାସ କରୁଛି, କିନ୍ତୁ ଯଦି ହମାସ ହିଂସା ଜାରି ରଖେ, ତେବେ ପରିଣାମ ଭୟଙ୍କର ହେବ ।

US President Donald Trump posts, “Numerous of our NOW GREAT ALLIES in the Middle East, and areas surrounding the Middle East, have explicitly and strongly, with great enthusiasm, informed me that they would welcome the opportunity, at my request, to go into GAZA with a heavy… pic.twitter.com/56v6rh6VDm

— ANI (@ANI) October 21, 2025

ଟ୍ରମ୍ପଙ୍କ ଏହି ବୟାନ ଏପରି ସମୟରେ ଆସିଛି ଯେତେବେଳେ ଗାଜାରେ ଯୁଦ୍ଧବିରତିକୁ ନେଇ ଉତ୍ତେଜନା ଜାରି ରହିଛି । ଆମେରିକା ଦ୍ୱାରା ମଧ୍ୟସ୍ଥତା କରାଯାଇଥିବା ଏହି ଚୁକ୍ତିନାମାର ବାରମ୍ବାର ଉଲ୍ଲଂଘନ ହେଉଛି । ଟ୍ରମ୍ପଙ୍କ ବୟାନ କେବଳ ହମାସ ପାଇଁ ଏକ ଚେତାବନୀ ନୁହେଁ ବରଂ ମଧ୍ୟପ୍ରାଚ୍ୟରେ ଆମେରିକାର ନୂତନ କୂଟନୈତିକ ନୀତୁକୁ ମଧ୍ୟ ପ୍ରତିଫଳିତ କରୁଛି ।